A Constitución española no seu artigo 18.4º dispón que a lei limitará o uso da informática para garantir a honra e intimidade persoal e familiar dos cidadáns e o pleno exercicio dos seus dereitos.
Neste sentido a Lei orgánica 15/1999, do 13 de decembro, de protección de datos de carácter persoal e o Real decreto 1720/2007 polo que se aproba o regulamento de desenvolvemento da Lei orgánica 15/1999, do 13 de decembro, regulan o tratamento de datos de carácter persoal rexistrados en soporte físico, así como toda modalidade de uso posterior deles polos sectores público e privado. Neste marco, a finalidade desta regulación é garantir e protexer os dereitos fundamentais e liberdades públicas das persoas físicas, e especialmente a súa honra e intimidade, tanto persoal como familiar.
O artigo 20.1º da devandita lei e o artigo 52 do Real decreto 1720/2007, do 21 de decembro, polo que se aproba o regulamento de desenvolvemento da citada lei establecen que a creación, modificación ou supresión dos ficheiros das administracións públicas só poderá facerse por medio de disposición xeral publicada no BOE ou diario oficial correspondente.
En virtude do exposto e facendo uso das facultades que me confire o artigo 34.6º da Lei 1/1983, do 22 de febreiro, de normas reguladoras da Xunta e da súa Presidencia, modificada pola Lei 11/1988, do 20 de outubro, a Lei 2/2007, do 28 de marzo, e a Lei 12/2007, do 27 de xullo,
DISPOÑO:
Artigo 1º.-Obxecto.
Esta orde da Vicepresidencia da Igualdade e do Benestar da Xunta de Galicia crea os ficheiros automatizados de carácter persoal que se especifican no anexo.
Artigo 2º.-Contido.
A información exixida que deberá indicarse nas disposicións de creación, modificación ou supresión dos ficheiros, de acordo co artigo 20.2º da Lei orgánica 15/1999, do 13 de decembro, de protección de datos de carácter persoal e no artigo 54 do Real decreto 1720/2007, do 21 de decembro, polo que se aproba o regulamento de desenvolvemento da Lei orgánica 15/1999, do 13 de decembro, de protección de datos de carácter persoal, está contida nos anexos de cada un dos ficheiros creados.
Artigo 3º.-Finalidade e uso dos ficheiros.
Os datos de carácter persoal, rexistrados nos ficheiros automatizados de datos, creados por esta orde, só serán utilizados para os fins expresamente previstos nos anexos e por persoal debidamente autorizado.
Artigo 4º.-Cesión de datos.
Os datos só poderán ser cedidos nos supostos expresamente previstos na lei.
Artigo 5º.-Responsable do ficheiro.
Serán responsables da seguridade dos ficheiros os órganos que, en cada caso, figuran no anexo e ante os que se exercerán os dereitos de acceso, rectificación, cancelación e oposición.
Artigo 6º.-Nivel de protección e medidas de seguridade.
O titular do órgano responsable destes ficheiros adoptará as medidas de xestión e organización que sexan necesarias, asegurando a súa confidencialidade, e os dereitos e obrigas recoñecidas na Lei orgánica 15/1999, do 13 de decembro.
Disposición derrogatoria
Queda derrogada expresamente a Orde do 24 de xuño de 2008 pola que se crean ficheiros de datos de carácter persoal en materia de solidariedade e participación na Vicepresidencia da Igualdade e do Benestar da Xunta de Galicia.
Disposición derradeira
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 14 de novembro de 2008.
Anxo Manuel Quintana González
Vicepresidente da Igualdade e do Benestar
ANEXO
Ficheiro.-Conversascon.
a) Finalidade do ficheiro e uso previsto para el.
A finalidade do ficheiro é o rexistro de persoas participantes no ciclo de conferencias Conversascon.
b) Orixe dos datos, procedemento de recollida de datos e procedencia destes.
O colectivo sobre o que se pretende obter datos son persoas participantes no ciclo de conferencias Conversascon.
Os datos recóllense a través de formularios en papel presentados polos interesados, solicitudes telefónicas e a través doutros medios telemáticos.
A procedencia dos datos son os interesados ou os seus representantes legais.
c) Estrutura básica do ficheiro e sistema de tratamento utilizado na súa organización.
Datos de carácter identificativo: nome e apelidos, enderezo postal, correo electrónico e teléfono/teléfono móbil do participante.
O modo en que se organiza o sistema de información é mixto.
d) Cesión de datos de carácter persoal e, se é o caso, transferencias que se prevexan a países terceiros.
Non se prevén cesións salvo as previstas na lei.
e) Órgano da Administración responsable do ficheiro.
Dirección Xeral de Xuventude e Solidariedade.
f) Servizos ou unidades ante os cales se poden exercer os dereitos de acceso, rectificación, cancelación e oposición.
Dirección Xeral de Xuventude e Solidariedade, edificio administrativo San Caetano, bloque III-1º, 15781 Santiago de Compostela.
g) Nivel de seguridade.
Básico.
Ficheiro.-Programa de formación.
a) Finalidade do ficheiro e uso previsto para el.
A finalidade do ficheiro e o rexistro de persoas participantes nas accións formativas da Dirección Xeral de Xuventude e Solidariedade, tanto presenciais como en liña.
b) Orixe de datos, procedemento de recollida de datos e procedencia destes.
O colectivo sobre o que se pretende obter datos son persoas participantes que acceden ou poden ter acceso ao programa de formación da Dirección Xeral de Xuventude e Solidariedade.
Os datos recóllense a través de formularios web e, no seu defecto, por medio telefónico.
A procedencia dos datos son os propios interesados ou os seus representantes legais e as entidades privadas (entidades de acción voluntaria).
c) Estrutura básica do ficheiro e sistema de tratamento utilizado na súa organización.
-Datos de carácter identificativo: nome e apelidos, DNI, data de nacemento, enderezo, poboación, código postal, provincia, teléfono, correo electrónico.
-Áreas en que se colabora: voluntariado de inclusión social, voluntariado e autonomía persoal, voluntariado e infancia, voluntariado e cooperación, voluntariado ambiental e voluntariado cívico.
-Outros datos: titulación e profesión.
O modo en que se organiza o sistema de información é mixto.
d) Cesión de datos de carácter persoal e, se é o caso, transferencias que se prevexan a países terceiros.
Non se prevén cesións salvo as previstas na lei.
e) Órgano da Administración responsable do ficheiro.
Dirección Xeral de Xuventude e Solidariedade.
f) Servizos ou unidades ante os cales se poden exercer os dereitos de acceso, rectificación, cancelación e oposición.
Dirección Xeral de Xuventude e Solidariedade, edificio administrativo San Caetano, bloque III-1º, 15781 Santiago de Compostela.
g) Nivel de seguridade.
Básico.
Ficheiro.-Teléfono solidario/teléfono en defensa do monte galego 900 400 800.
a) Finalidade do ficheiro e uso previsto para el.
Elemento centralizador das consultas, solicitudes de información, información actualizada sobre infraestruturas, organismos, cursos de formación e calquera outra actividade en materia de voluntariado.
b) Orixe de datos, procedemento de recollida de datos e procedencia destes.
Os colectivos de que se pretende obter datos son os solicitantes de información en materia de voluntariado.
Os datos recóllense a través de chamadas telefónicas efectuadas polos interesados e consultas por correo electrónico.
A procedencia dos datos son os propios interesados ou os seus representantes legais e as entidades privadas (entidades de acción voluntaria).
c) Estrutura básica do ficheiro e sistema de tratamento utilizado na súa organización.
Datos de carácter identificativo: nome e apelidos, DNI, enderezo, concello, provincia, teléfono/teléfono móbil, correo electrónico.
Outros datos segundo a consulta realizada: titulación, profesión e áreas de colaboración.
O modo en que se organiza o sistema de información é mixto.
d) Cesións de datos de carácter persoal e, se é o caso, transferencias que se prevexan a países terceiros.
Non se prevén cesións salvo as previstas na lei.
e) Órgano da Administración responsable do ficheiro.
Dirección Xeral de Xuventude e Solidariedade.
f) Servizos ou unidades ante os cales se poden exercer os dereitos de acceso, rectificación, cancelación e oposición.
Dirección Xeral de Xuventude e Solidariedade, edificio administrativo San Caetano, bloque III-1º, 15781 Santiago de Compostela.
g) Nivel de seguridade.
Básico.
