Feitos.
Primeiro.-Con data do 10 de xullo de 2008 abriuse o prazo de presentación de solicitudes, de conformidade co previsto no artigo 4.2º da Orde do 27 de xuño de 2008, que rematou o 11 de agosto do 2008.
Segundo.-De conformidade co previsto no artigo 10.1º e 2º da citada orde, o procedemento de selección das solicitudes tivo lugar en dúas fases, e rematada a segunda destas a comisión de selección, na súa sesión do 30 de setembro de 2008, elaborou a correspondente proposta de adxudicación, cos correspondentes anexos en que se detallaron os adxudicatarios propostos e os seus suplentes, de conformidade coas correspondente bases reguladoras.
Terceiro.-A comisión de selección, realizada a súa tarefa, elevou a correspondente proposta ao órgano competente para resolver, de conformidade co previsto no artigo 11.1º da Orde do 27 de xuño de 2008.
Fundamentos de dereito.
Primeiro.-A conselleira de Sanidade é o órgano competente para a resolución do procedemento de concesión das axudas, de conformidade co establecido no artigo 11.1º da Orde do 27 de xuño de 2008.
Segundo.-No procedemento en cuestión observáronse os trámites procedementais establecidos nas bases aprobadas mediante a Orde do 27 de xuño de 2008.
Terceiro.-As cantidades asignadas atópanse dentro dos límites orzamentarios determinados no artigo 6 da mesma orde citada anteriormente.
Cuarto.-A proposta formulada reúne os requisitos determinados na orde citada anteriormente.
Por canto antecede, vistos os preceptos indicados anteriormente e demais de xeral e pertinente aplicación,
RESOLVO:
1. Adxudicar as axudas para a realización de proxectos de investigación en biomedicina e ciencias da saúde nos centros do sistema sanitario público galego, convocadas mediante Orde do 27 de xuño de 2008, aos suxeitos e proxectos determinados no anexo I desta resolución, e nas contías que nel se establecen.
2. Para os efectos previstos no artigo 13.2º da Orde do 27 de xuño de 2008, inclúese no anexo II desta resolución a designación dos proxectos que poderían resultar beneficiarios, sempre que se produza algunha das causas previstas na citada orde e que afecten os adxudicatarios relacionados no anexo I.
Lémbraselles aos adxudicatarios que para poder percibir as axudas será preciso presentar a documentación indicada no artigo 13 da orde de convocatoria no prazo previsto nas bases, e a xustificación dos fondos, acompañada da documentación especificada no artigo 14 da orde de convocatoria.
As resolucións -expresas ou presuntas- de concesión/denegación das axudas a que se refire esta orde poñen fin á vía administrativa, e poderán ser obxecto de recurso potestativo de reposición, de conformidade co previsto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo, ou ben ser obxecto de recurso na vía contencioso-administrativa, de conformidade co previsto na lexislación reguladora desta orde xurisdicional.
Santiago de Compostela, 30 de outubro de 2008.
María José Rubio Vidal
Conselleira de Sanidade
Ver referencia pdf "22000D005P014.PDF"