Dentro das actividades programadas para o ano 2008, e conforme as funcións atribuídas pola Lei 1/2008, do 15 de xaneiro, da Academia Galega de Seguridade Pública, anúnciase a realización dun seminario sobre xestión do estrés profesional, que deberá desenvolverse conforme as seguintes bases:
Obxectivos.
-Analizar a problemática provocada pola especifidade do traballo policial no persoal dos corpos de seguridade, fundamentalmente a relacionada coa ansiedade e co estrés como sÍntomas máis relevantes.
-Coñecer técnicas de control e loita contra o estrés policial que permitan afrontar unha situación deste tipo con garantías de poder superala.
Destinatarios.
O seminario vai dirixido ao persoal das forzas e corpos de seguridade.
Inscrición e admisión.
A inscrición dos participantes será totalmente gratuíta. A admisión realizarase por rigorosa orde de entrada de solicitudes no rexistro da Academia Galega de Seguridade Pública.
Prazas.
80 prazas.
Solicitudes.
1. O persoal que desexe participar neste seminario deberá cubrir a solicitude que figura na páxina web http://agasp.xunta.es ou enviar cuberta a máquina ou con letra moi clara, a instancia que figura no anexo.
2. O prazo para a presentación de instancias rematará o día 25 de novembro de 2008, ás 14.00 horas.
3. As instancias deberán enviarse á Academia Galega de Seguridade Pública, sita na avenida da Cultura, s/n, 36680 A Estrada (fax: 886 20 61 22); ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O seminario realizarase o día 27 de novembro.
O horario será das 9.30 ás 14.00 e das 15.30 ás 19.00 horas.
Contido.
1. O traballo policial: factores estresantes e aproximación ás causas da súa aparición.
2. Repercusión da afectación do estrés no desempeño profesional: baixas laborais, absentismo, escasa calidade do traballo e outras problemáticas.
3. Mecanismos para prever a aparición e a incidencia do estrés como factor negativo.
4. Técnicas de control do estrés que permitan afrontar, minimizar e facilitar solucións de loita contra o estrés.
Relación de admitidos.
A relación de admitidos farase pública o día 26 de novembro a partir das 14.00 horas, no taboleiro de anuncios da Academia Galega de Seguridade Pública e na páxina web http://agasp.xunta.es, ou ben poden coñecer e confirmar a súa asistencia chamando aos teléfonos 886 20 61 17/18/24.
Lugar.
O seminario desenvolverase na Academia Galega de Seguridade Pública, sita na avenida da Cultura, s/n, no concello da Estrada.
Certificado de asistencia.
Ao remate do seminario entregaráselle un certificado de asistencia a aquelas persoas que acrediten a súa participación continuada a el.
Modificacións.
A Academia Galega de Seguridade Pública poderá modificar o desenvolvemento do seminario para adaptalo ás necesidades da Administración e ás continxencias que poidan xurdir.
A Estrada, 30 de outubro de 2008.
P.S. (Disposición primeira Orde 31-1- 2008; DOG nº 23, do 1 de febreiro)
María Isabel Durántez Gil
Directiva xeral de Interior
Ver referencia pdf "21600D009P015.PDF"
SERVICIO GALEGO DE PROMOCIÓN DA IGUALDADE DO HOME E DA MULLER