Con data do 10 de xuño de 2008 (DOG número 111) publicouse a orde desta consellería do 27 de maio de 2008 pola que se convocaban axudas para a promoción, produción e edición do libro galego, no que se refire á tradución para outras linguas de obras publicadas orixinariamente en galego e a tradución para o galego de obras publicadas orixinariamente noutras linguas.

No artigo 10.3º da devandita orde establecíase que a contía correspondente á primeira anualidade se librará antes do 1 de novembro de 2008.

A día de hoxe e dado que o número de solicitudes presentadas superou as expectativas, xerouse unha complexidade na xestión e unha carga de traballo, que supón un atraso na resolución da convocatoria.

Visto o anterior,

DISPOÑO:

Artigo 1º.-Ampliación do prazo.

Ampliar ata o 30 de novembro o prazo límite previsto no artigo 10.3º da orde de convocatoria para a xustificación da primeira anualidade da subvención por parte dos beneficiarios.

Disposición derradeira

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 28 de outubro de 2008.

P.D. (Orde 12-1-2007)

Carlos Amoedo Souto

Secretario xeral da Consellería de Cultura

e Deporte