Dentro das actividades programadas para o ano 2008, en colaboración coa Deputación Provincial de Ourense, en virtude do convenio de formación asinado entre a Consellería de Presidencia, Administracións Públicas e Xustiza e a Deputación Provincial de Ourense, anúnciase a realización dun curso sobre reforma do Código penal respecto aos delitos relacionados co tráfico, que deberá desenvolverse conforme as seguintes bases:
Obxectivos.
Actualización de coñecementos tras a reforma do Código penal en materia de seguridade viaria operada pola Lei orgánica 15/2007, de forma que, finalizado o curso, os asistentes sexan capaces de identificar as condutas despregadas no ámbito do tráfico e da seguridade viaria que, superando o risco permitido, son perseguibles no ámbito penal.
Publicación.
Esta actividade formativa, e tamén todas aquelas que se desenvolvan en colaboración coa Deputación Provincial de Ourense, será obxecto de publicación no Diario Oficial de Galicia e no BOP de Ourense.
Destinatarios.
Persoal dos corpos de policía local da provincia de Ourense.
Inscrición.
A inscrición dos participantes será totalmente gratuíta.
Prazas.
30 prazas.
Solicitudes.
1. O persoal que desexe participar neste curso deberá presentar, cuberta a máquina ou con letra moi clara, a solicitude de participación que figura no anexo ou cubrila a mesma facendo uso do formulario que estará operativo na páxina web na epígrafe de actividades formativas-inscrición aberta, e tendo en conta o disposto no número 2 seguinte.
2. As solicitudes de participación deberán enviarse á Deputación Provincial de Ourense-Departamento de Formación Continua (fax: 988 38 52 15): rúa Progreso nº 30, 32003 Ourense; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
3. O prazo para a presentación de solicitudes de participación rematará o día 22 de outubro ás 14.00 horas.
Datas.
O curso desenvolverase do 27 ao 30 de outubro de 2008.
O horario será das 16.00 ás 21.00 horas, cunha duración de 20 horas lectivas.
Contido.
Módulo I: delitos contra a seguridade viaria.
Módulo II: delitos contra a vida ou integridade física cometidos con ocasión da condución de vehículos.
Módulo III: formulación, estudo e resolución de casos prácticos.
Relación de admitidos.
A Academia publicará na páxina web http://agasp.xunta.es a lista das solicitudes seleccionadas o día 24 de outubro a partir das 14.00 horas; independentemente, as persoas solicitantes poderán solicitar información da súa admisión no Departamento de Formación Continua da Deputación Provincial de Ourense, no teléfono 988 38 51 42.
Lugar.
O curso desenvolverase no concello do Barco de Valdeorras, na aula do Centro Comarcal de Valdeorras Arroyo Cigüeño.
Certificado de asistencia.
Ao remate do curso entregaráselles un certificado de asistencia a aquelas persoas que acrediten a súa participación continuada a el.
Modificacións.
Tanto a Academia Galega de Seguridade Pública como a Deputación Provincial de Ourense, se é o caso, poderán modificar o desenvolvemento normal do curso para adaptalo ás necesidades da Administración e ás continxencias que poidan xurdir.
A Estrada, 24 de setembro de 2008.
P.S. (Disposición primeira Orde 31-1-2008
DOG nº 23, do 1-2-2008)
María Isabel Durántez Gil
Directora xeral de Interior
Ver referencia pdf "19100D014P049.PDF"
