Dentro das actividades programadas para o ano 2008, e conforme as funcións atribuídas pola Lei 1/2007, do 15 de xaneiro, de creación da Academia Galega de Seguridade Pública, anúnciase a realización dunhas xornadas sobre delitos contra a saúde pública e branqueo de capitais, que deberán desenvolverse conforme as seguintes bases:

Obxectivos.

-Coñecer a actualidade normativa e operativa relacionada cos delitos contra a saúde pública, identificando e concretando especialmente os problemas derivados do tráfico de drogas e do branqueo de capitais asociado a este tráfico.

-Delimitar cales son os mecanismos de investigación e represión para optimizar a cooperación xudicial e policial nacional e internacional.

-Como obxectivo específico, finalmente, salientar os problemas máis usuais concorrentes nas investigacións e instrucións xudiciais e as súas posibles solucións.

Destinatarios.

Persoal das forzas e corpos de seguridade, vixilancia aduaneira e outros colectivos interesados.

Inscrición.

A inscrición dos participantes será totalmente gratuíta.

Prazas.

O número de prazas que se ofertan nestas xornadas é de 80.

Solicitudes.

1. O persoal que desexe participar nestas xornadas deberá cubrir a solicitude que figura na páxina web http://agasp.xunta.es, ou enviar cuberta á máquina ou con letra moi clara a instancia que figura no anexo.

2. O prazo para a presentación de instancias rematará o día 20 de outubro, ás 14 horas.

3. As instancias deberán enviarse á sede da Academia Galega de Seguridade Pública: avenida da Cultura, s/n, 36680 A Estrada (fax: 886 20 61 22), ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Datas e horario.

As xornadas desenvolveranse durante os días 23 e 24 de outubro. O día 23 en xornada de mañá (9.30 a 14.30 h) e tarde (16.30 a 19.00 h); e o día 24 só en xornada de mañá (9.30 a 14.00 h).

Contido.

-Delitos contra a saúde pública (artigos 359 ao 367 CP).

-Especial referencia ao tráfico de drogas.

-Branqueo de capitais.

-Novas formas de investigación policial e xudicial.

-Problemática asociada a este tipo de delitos.

Relación de admitidos.

A relación de admitidos farase pública o día 21 de outubro a partir das 14.00 horas, no taboleiro de anuncios da Academia Galega de Seguridade Pública e na páxina web http://agasp.xunta.es, ou ben poden coñecer e confirmar a súa asistencia chamando aos teléfonos 886 206 117/118.

Lugar.

As xornadas desenvolveranse no salón de actos do Centro Sociocultural da Fundación Caixa Galicia, rúa Policarpo Sanz, 21, Vigo.

Certificado de asistencia.

Ao remate das xornadas entregaráselles un certificado de asistencia a aquelas persoas que acrediten a súa participación continuada nelas.

Modificacións.

A Academia Galega de Seguridade Pública poderá modificar o desenvolvemento das xornadas para adaptalas ás necesidades da Administración e ás continxencias que poidan xurdir.

A Estrada, 23 de setembro de 2008.

P.S. (Disposición primeira Orde 31-1-2008,

DOG nº 23, do 1 de febreiro)

María Isabel Durántez Gil

Directora xeral de Interior

Ver referencia pdf "19100D013P047.PDF"