Dentro das actividades programadas para o ano 2008, en colaboración coa Deputación Provincial de Ourense, en virtude do convenio de formación asinado entre a Consellería de Presidencia, Administracións Públicas e Xustiza e a Deputación Provincial de Ourense, anúnciase a realización dun curso sobre operativa policial nos casos de violencia sexista, que deberá desenvolverse conforme as seguintes bases:
Obxectivos.
-Coñecer os cambios normativos operados en relación coa temática do curso.
-Dominar o procedemento policial de actuación nos casos de violencia sexista.
-Saber cales son as demandas máis comúns desde a fiscalía e os xulgados sobre este tipo de actuacións, que permitan mellorar as dilixencias e os atestados policiais.
Publicación.
Esta actividade formativa, e tamén todas aquelas que se desenvolvan en colaboración coa Deputación Provincial de Ourense, será obxecto de publicación no Diario Oficial de Galicia e no BOP de Ourense.
Destinatarios.
Persoal dos corpos de policía local da provincia de Ourense.
Inscrición.
A inscrición dos participantes será totalmente gratuíta.
Prazas.
Ata 30 prazas, que serán outorgadas por rigorosa orde de entrada de solicitudes, tendo en conta o disposto na epígrafe de destinatarios.
Solicitudes.
1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo.
2. O prazo para a presentación de instancias rematará o día 1 de outubro ás 14.00 horas.
3. As instancias deberán enviarse á Deputación Provincial de Ourense-Departamento de Formación Continua (fax: 988 38 52 15): rúa Progreso nº 30, 32003 Ourense; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso desenvolverase do 6 ao 10 de outubro de 2008.
O horario será das 16.30 ás 20.30 horas, cunha duración de 20 horas lectivas.
Contido.
-Módulo I: tratamento procesual-penal.
-Módulo II: tratamento e operativa policial.
-Módulo III: tratamento socioasistencial.
Relación de admitidos.
A relación de admitidos farase pública o día 3 de outubro a partir das 14.00 horas, tanto pola Deputación Provincial de Ourense como pola Academia Galega de Seguridade Pública, os interesados poden coñecer e confirmar a súa asistencia chamando aos teléfonos 886 20 61 17/18 (AGASP) e na páxina web http://agasp.xunta.es, ou 988 38 51 42 (Departamento de Formación Continua da Deputación Provincial de Ourense).
Lugar.
O curso desenvolverase nas aulas do centro cultural da Deputación Provincial de Ourense sito na rúa Progreso nº 30.
Certificado de asistencia.
Ao remate do curso entregaráselles un certificado de asistencia a aquelas persoas que acrediten a súa participación continuada a el.
Modificacións.
Tanto a Academia Galega de Seguridade Pública como a Deputación Provincial de Ourense, se é o caso, poderán modificar o desenvolvemento normal do curso para adaptalo ás necesidades da Administración e ás continxencias que poidan xurdir.
A Estrada, 8 de setembro de 2008.
P.S. (Disposición primeira Orde do 31-1-2008,
DOG nº 23, do 1 de febreiro)
María Isabel Durántez Gil
Directora xeral de Interior
Ver referencia pdf "17700D003P020.PDF"