A Orde da Consellería de Economía e Facenda, do 26 de febreiro de 1993, pola que se regula a expedición de pagamentos para xustificar, modificada pola Orde do 26 de setembro de 2006, relaciona no seu anexo as aplicacións orzamentarias con cargo ás que se poden emitir ordes de pagamento para xustificar.

A nova clasificación funcional que establece a Lei 16/2007, do 26 de decembro, pola que se aproban os orzamentos xerais da Comunidade Autónoma de Galicia para 2008, fai necesaria a actualización do punto segundo do anexo da devandita orde.

De acordo co exposto, vistas as peticións formuladas polas distintas consellerías, e por mor da facultade de actualización que me outorga a disposición adicional da Orde do 26 de febreiro de 1993,

RESOLVO:

Actualizar o punto segundo do anexo da Orde do 26 de febreiro de 1993, pola que se regula a expedición de pagamentos a xustificar, que contén con carácter particular a relación das aplicacións orzamentarias con cargo ás que se poden emitir ordes de pagamento para xustificar. O devandito punto quedará redactado de modo que se indica no anexo desta resolución.

Esta resolución entrará en vigor o mesmo día da súa publicación no Diario Oficial de Galicia.

Santiago de Compostela, 20 de xuño de 2008.

Germán Ferreiro Vilariño

Interventor xeral da Comunidade Autónoma

Ver referencia pdf "16900D002P010.PDF"