De conformidade co disposto no artigo 15 da Lei 9/2007, do 13 de xuño, de subvencións de Galicia, e no artigo 13.4º da Lei 4/2006, do 30 de xuño, de transparencia e boas prácticas na Administración pública galega, o Igape publicará as subvencións concedidas ao abeiro das bases reguladoras das axudas do Igape no Diario Oficial de Galicia, expresando beneficiario, finalidade, contía e aplicación orzamentaria.
Así mesmo, o Igape tamén publicará as subvencións concedidas en vía de recurso ao abeiro das súas bases reguladoras, unha vez vistos os recursos interpostos contra as resolucións dos expedientes instruídos ao abeiro das súas bases reguladoras e tras propoñer para concesión os proxectos aprobados nos recursos estimados.
En virtude do exposto anteriormente,
RESOLVO:
Primeiro.- Dar publicidade á relación de beneficiarios das axudas concedidas polo Igape durante o segundo trimestre de 2008, que figura como anexo I.
Segundo.- Dar publicidade á relación de beneficiarios das axudas concedidas polo Igape en vía de recurso durante o segundo trimestre de 2008, que figura como anexo II.
Santiago de Compostela, 22 de xullo de 2008.
Álvaro Álvarez-Blázquez Fernández
Director xeral do Instituto Galego de Promoción
Económica
ANEXO I
Norma reguladora: Resolución do 9 de marzo de 2007 (DOG nº 59, do 23 de marzo) pola que se dá publicidade ás bases reguladoras dos incentivos a proxectos de investimento empresarial e se convocan en réxime de concorrencia non competitiva determinadas liñas de axuda contidas nestas bases.
Finalidade: fomentar o dinamismo empresarial na Comunidade Autónoma galega.
Aplicacións orzamentarias: 02.02.E2/10/01.656700 e 02.02.E2/10/02.656700.
Norma reguladora: Resolución do 10 de abril de 2007 (DOG nº 74, do 17 de abril) pola que se convocan en réxime de concorrencia competitiva determinadas liñas de axuda das bases reguladoras para o fomento das iniciativas xeradoras de coñecemento nas Pemes galegas e das bases reguladoras de apoios a proxectos colaborativos de carácter empresarial, publicadas mediante a Resolución do 9 de marzo de 2007 (DOG nº 59, do 23 de marzo).
Finalidade: As bases reguladoras para o fomento das iniciativas xeradoras de coñecemento nas Pemes galegas diríxense ao fomento das actuacións que lles permitan ás Pemes galegas a mellora da súa planificación empresarial e a reflexión para abordar con maiores garantías de éxito a súa consolidación e crecemento e as bases reguladoras de apoios a proxectos colaborativos de carácter empresarial diríxense á mellora da competitividade empresarial mediante a actuación e coordinación do tecido asociativo a través de proxectos propostos por organismos intermedios en xeral e agrupacións empresariais innovadoras en particular.
Aplicacións orzamentarias: 02.02.E3/10/01.651700, 02.02.E3/10/01.651800, 02.02.E3/10/01.651450 e 02.02.E6/20/03.651800.
Ver referencia pdf "15600D005P087.PDF"
Norma reguladora: Resolución do 21 de maio de 2007 (DOG nº 101, do 28 de maio) pola que se dá publicidade ao convenio de apoio financeiro aos investimentos das pequenas e medianas empresas de Galicia financiados polo Instituto Galego de Promoción Económica (Igape), o Instituto de Crédito Oficial (ICO) e as entidades financeiras.
Finalidade: Establecer unha liña de subsidiación ao financiamento obtido polas pequenas e medianas empresas que promovan investimentos na Comunidade Autónoma de Galicia ou no estranxeiro, mediante algunha das liñas do Plan de fomento empresarial 2007 do Instituto de Crédito Oficial (ICO).
Aplicación orzamentaria: 02.01.E5/10/01.656700.
Ver referencia pdf "15600D005P087.PDF"
Norma reguladora: Resolución do 21 de maio de 2007 (DOG nº 101, do 28 de maio) pola que se dá publicidade ás bases reguladoras das axudas para a habilitación de liñas de financiamento subsidiado para microempresas, proxectos emprendedores e investimentos das Pemes para a mellora competitiva na Comunidade Autónoma de Galicia.
Finalidade: facilitar o acceso ao financiamento nos investimentos das microempresas, dos emprendedores, e das Pemes que melloren a súa competitividade.
Aplicacións orzamentarias: 02.01.E1/13/01.656701 e 02.01.E1/13/01.656702.
Ver referencia pdf "15600D005P087.PDF"
Norma reguladora: Resolución do 20 de agosto de 2007 (DOG nº 164, do 24 de agosto) pola que se convocan en réxime de concorrencia competitiva determinadas liñas de axuda das bases reguladoras de apoios a proxectos colaborativos de carácter empresarial, publicadas mediante a Resolución do 9 de marzo de 2007 (DOG nº 59, do 23 de marzo de 2007).
Finalidade: Estas bases diríxense á mellora da competitividade empresarial mediante a actuación e coordinación do tecido asociativo a través de proxectos propostos por organismos intermedios en xeral e agrupacións empresariais innovadoras en particular.
Aplicación orzamentaria: 02.02.E1/10/02.651800.
Ver referencia pdf "15600D005P087.PDF"
Norma reguladora: Resolución do 1 de outubro de 2007 (DOG nº 194, do 5 de outubro) pola que se dá publicidade ás bases reguladoras das axudas do Igape para o apoio financeiro 2007 aos establecementos turísticos, hostalaría e comercio retallista nas comarcas de Ferrol, Eume e Ortegal.
Finalidade: establecer unha liña de subsidiación ao financiamento obtido polas pequenas e medianas empresas dos sectores de turismo, hostalaría e comercio retallista que promovan investimentos nas comarcas de Ferrol, Eume e Ortegal.
Aplicación orzamentaria: 02.01.E5/10/01.656700.
Ver referencia pdf "15600D005P087.PDF"
Norma reguladora: Resolución do 7 de novembro de 2007 (DOG nº 216, do 8 de novembro) pola que se dá publicidade ás bases reguladoras das axudas deste instituto para a habilitación de dúas liñas de financiamento subsidiado de producións audiovisuais e investimentos en bens de equipamento que realizarán as Pemes do sector audiovisual galego.
Finalidade: estas bases diríxense a facilitar o acceso ao financiamento de producións audiovisuais e investimentos en bens de equipamento nas Pemes do sector audiovisual galego.
Aplicacións orzamentarias: 02.01.E5/10/01.656700, 02.01.E5/10/01.656701 e 02.01.E5/10/01.656702
Ver referencia pdf "15600D005P087.PDF"
Norma reguladora: Resolución do 1 de febreiro de 2008 (DOG nº 33, do 15 de febreiro) pola que se dá publicidade ás bases reguladoras da selección de entidades de acollida para o desenvolvemento en Galicia de bolsas de comercio internacional convocadas en 2007 polo Igape.
Finalidade: Estas bases teñen como obxectivo a selección das entidades de acollida onde os bolseiros de comercio internacional levará a cabo as súas tarefas segundo un plan de traballo proposto e consensuado co Igape.
Ver referencia pdf "15600D005P087.PDF"
Norma reguladora: Resolución do 4 de marzo de 2008 (DOG nº 47, do 6 de marzo) pola que se dá publicidade ás bases reguladoras das axudas para a habilitación de liñas de financiamento subsidiado para microempresas, proxectos emprendedores e investimentos das Pemes para a mellora competitiva na Comunidade Autónoma de Galicia.
Finalidade: facilitar o acceso ao financiamento nos investimentos das microempresas, dos emprendedores e das Pemes que melloren a súa competitividade.
Aplicacións orzamentarias: 02.01.E1/13/01.656701, 02.01.E1/13/01.656702, 02.01.E1/13/02.656701, 02.01.E1/13/02.656702, 02.01.E4/13/01.656701 e 02.01.E4/13/01.656702.
Ver referencia pdf "15600D005P087.PDF"
Norma reguladora: Resolución do 23 de abril de 2008 (DOG nº 84, do 2 de maio) pola que se dá publicidade ás bases reguladoras das axudas do Igape para o apoio aos investimentos das empresas do sector do transporte público de viaxeiros por estrada.
Finalidade: Facilitar o financiamento aos investimentos promovidos por empresas pertencentes ao sector transporte público de viaxeiros por estrada no ámbito da Comunidade Autónoma de Galicia, que supoñan unha mellora da eficiencia enerxética no transporte, a redución de gases contaminantes e favorecer o seu uso por persoas con mobilidade reducida.
Aplicación orzamentaria: 02.02.E2/10/02.656700.
Ver referencia pdf "15600D005P087.PDF"
Norma reguladora: Resolución do 9 de maio de 2008 (DOG nº 92, do 14 de maio) pola que se dá publicidade ás bases reguladoras das axudas do Igape á internacionalización das empresas galegas e se procede á súa convocatoria.
Finalidade: facilitar a internacionalización da empresa galega poñendo ao seu alcance liñas de axuda financeira que apoien a súa presenza exterior.
Aplicación orzamentaria: 01.04.E3/10/01.651700.
Ver referencia pdf "15600D005P087.PDF"
ANEXO II
Norma reguladora: Resolución do 21 de maio de 2007 (DOG nº 101, do 28 de maio) pola que se lle dá publicidade ao convenio de apoio financeiro aos investimentos das pequenas e medianas empresas de Galicia financiados polo Instituto Galego de Promoción Económica (Igape), o Instituto de Crédito Oficial (ICO) e as entidades financeiras.
Finalidade: Establecer unha liña de subsidiación ao financiamento obtido polas pequenas e medianas empresas que promovan investimentos na Comunidade Autónoma de Galicia ou no estranxeiro, mediante algunha das liñas do Plan de fomento empresarial 2007 do Instituto de Crédito Oficial (ICO).
Aplicación orzamentaria: 02.01.E5/10/01.656700.
Ver referencia pdf "15600D005P087.PDF"
Norma reguladora: Resolución do 20 de agosto de 2007 (DOG nº 164, do 24 de agosto) pola que se procede á convocatoria de determinadas liñas de axuda das bases reguladoras para o fomento das iniciativas xeradoras de coñecemento nas Pemes galegas.
Finalidade: estas bases diríxense ao fomento das actuacións que permitan ás Pemes galegas a mellora da súa planificación empresarial e a reflexión para abordar con maiores garantías de éxito a súa consolidación e crecemento.
Aplicación orzamentaria: 02.02.E4/10/02.656700.
Ver referencia pdf "15600D006P094.PDF"
