A Constitución española, no seu artigo 44.2º, obriga os poderes públicos a promover a ciencia e a investigación científica e técnica en beneficio do interese xeral. Ademais, establece no artigo 149.1º 15 que o fomento e a coordinación da investigación científica e técnica son competencia exclusiva do Estado.

O Estatuto de Galicia recolle no seu artigo 27.19º que lle corresponde á Comunidade Autónoma galega a competencia do fomento da cultura e da investigación en Galicia, sen prexuízo do establecido no artigo 149.2º da Constitución.

A Lei 12/1993, do 6 de agosto, de fomento de investigación e desenvolvemento tecnolóxico de Galicia, no seu artigo 1º, establece como obxectivo xeral o fomento da investigación científica e a innovación tecnolóxica para promover o desenvolvemento económico, social e produtivo de Galicia. Como unha ferramenta encamiñada ao logro deste obxetivo, a citada lei, no seu capítulo II, crea o Plan Galego de Investigación e Desenvolvemento Tecnolóxico. O Consello da Xunta de Galicia, na súa reunión do 21 de setembro de 2006, aprobou o Plan Galego de Investigación, Desenvolvemento e Innovación Tecnolóxica-Incite (2006-2010).

De acordo coa referida Lei 12/1993, do 6 de agosto, o Plan Galego de Investigación, Desenvolvemento e Innovación Tecnolóxica-Incite (en diante, PGIDIT-Incite) está integrado por tres tipos de programas: os programas horizontais, os programas xerais e os programas sectoriais. Dentro dos programas horizontais, o PGIDIT-Incite (2006-2010) conta con tres programas: o de Recursos Humanos (RHS), o de Articulación do Sistema Galego de Innovación (ART) e o de Comunicacións e Sensibilización Social (CSS). Estes programas tratan de contribuír á mellora do sistema galego de innovación incidindo na cooperación entre todos os axentes. Constitúen o corazón do PGIDIT-Incite, e por tanto os alicerces en que deben pivotar todas as actuacións que selectivamente deben incidir no desenvolvemento dos sectores económicos en que se deben focalizar as prioridades.

Pola súa banda, o Programa de recursos humanos (RHS) ten o propósito de definir unha carreira científica que posibilite a formación e consolidación dos investigadores e investigadoras, e lles permita a integración estable dentro do sistema galego de I+D+i. Entre os seus obxetivos están:

-Incrementar os recursos humanos dedicados a actividades de I+D+i, tanto en número como en especialización, nas áreas de maior interese.

-Fomentar a formación de doutores e consolidar a formación posdoutoral.

-Fomentar a formación de tecnólogos e axentes de innovación.

-Formar técnicos de apoio á investigación, así como incorporar xestores de innovación e técnicos de apoio ao sistema de I+D+i.

-Incrementar as estadías de investigadores e investigadoras de Galicia en centros de investigación de fóra da Comunidade Autónoma para a súa formación e desenvolvemento da carreira científica.

O Programa de recursos humanos (RHS) basea as súas actuacións e instrumentos:

-No desenvolvemento da carreira investigadora en todas as etapas, definindo un itinerario lineal desde a formación dos investigadores e investigadoras ata a súa consolidación no sistema, e dotando de instrumentos de axuda cada unha das etapas (predoutoral, posdoutoral, incorporación e consolidación).

-No desenvolvemento dunha liña de apoio á investigación mediante a formación e incorporación de tecnólogos e axentes de innovación, definindo un itinerario lineal desde a súa etapa de formación ata a súa consolidación no sistema, e dotando de instrumentos de axuda cada unha das etapas (formación, incorporación e consolidación).

-Favorecer a mobilidade do persoal de I+D+i tanto entre sectores como entre institucións.

Ben que nos decretos de estrutura orgánica de diferentes consellerías se lles outorga a estas a participación en diferentes aspectos sobre competencias no fomento da investigación sectorial, por mor da necesidade de coordinación, vertebración e transversalidade que ten a Dirección Xeral de Investigación, Desenvolvemento e Innovación, nace a Comisión Interdepartamental de Ciencia e Tecnoloxía de Galicia, CICETGA, creada na Lei 12/1993, no seu artigo 11.1º e regulada polo Decreto 14/2006, do 26 de xaneiro.

No artigo 7 do Decreto 231/2006, do 23 de novembro, polo que se establece a estrutura orgánica da Consellería de Innovación e Industria, indícase que á Dirección Xeral de Investigación, Desenvolvemento e Innovación lle corresponde a ordenación, planificación, coordinación, execución e seguimento das competencias en materia de fomento da investigación que ten atribuídas a Comunidade Autónoma de Galicia en virtude do establecido no artigo 27.19º do Estatuto de autonomía de Galicia, na Lei estatal 13/1986, do 14 de abril, de fomento e coordinación xeral da investigación científica e técnica, e na Lei galega 12/1993, do 6 de agosto, de fomento da investigación e desenvolvemento tecnolóxico de Galicia; así como a elaboración, xestión, coordinación e control do Plan Galego de Investigación, Desenvolvemento e Innovación Tecnolóxica.

Polo que antecede, esta consellería

DISPÓN:

Artigo 1º.-Convocatoria e bases reguladoras.

1. Esta orde ten por obxeto aprobar as bases polas que se rexerá a concesión das axudas de Dirección Xeral de Investigación, Desenvolvemento e Innovación da Consellería de Innovación e Industria correspondentes a diversas accións de formación de investigadores e tecnólogos, do Programa de recursos humanos (RHS) do Plan Galego de Investigación, Desenvolvemento e Innovación Tecnolóxica-Incite (2006-2010).

2. Así mesmo, por medio desta orde convócanse en réxime de concorrencia competitiva, conforme os principios de publicidade, transparencia, igualdade e non-discriminación, as axudas que a continuación se indican, que constitúen o réxime de subvencións dirixidas aos centros de investigación das administracións públicas e aos centros tecnolóxicos nas accións formativas de investigadores, encadradas no Programa de recursos humanos (RHS), que se rexerán polas seguintes bases xerais, así como por aquelas específicas que se inclúen como anexos a esta orde:

1.-Programa María Barbeito de axudas a contratos predoutorais de formación de doutores para a súa incorporación en organismos públicos e privados de investigación da Comunidade Autónoma de Galicia (anexo I).

2.-Programa Ángeles Alvariño de axudas a especialización de doutores recentes en organismos públicos e privados de investigación da Comunidade Autónoma de Galicia (anexo II).

3.-Programa Isidro Parga Pondal de axudas a incorporación de doutores cunha formación posdoutoral contrastada, en organismos públicos e privados de investigación da Comunidade Autónoma de Galicia (anexo III).

4.-Programa Lucas Labrada de axudas ao fomento da formación e especialización de tecnólogos e axentes de innovación e xestión de proxectos de I+D+i en organismos públicos e privados de investigación da Comunidade Autónoma de Galicia (anexo IV).

5.-Programa Isabel Barreto de axudas a incorporación de tecnólogos e axentes de innovación e xestión de proxectos de I+D+i en organismos públicos e privados de investigación da Comunidade Autónoma de Galicia (anexo V).

6.-Prórroga das axudas concedidas para a contratación de doutores en organismos públicos de investigación da Comunidade Autónoma de Galicia (Programa Isidro Parga Pondal) no ano 2006 (anexo VI).

7.-Segunda prórroga das axudas concedidas para a contratación de doutores en organismos públicos de investigación da Comunidade Autónoma de Galicia (Programa Isidro Parga Pondal) no ano 2004 (anexo VII).

8.-Prórroga das axudas a contratos predoutorais de formación de doutores para a súa incorporación en organismos públicos e privados de investigación da Comunidade Autónoma de Galicia (Programa María Barbeito) no ano 2006 (anexo VIII).

9.-Bolsas para estadías no estranxeiro e en centros españois situados fóra da comunidade autónoma (anexo IX).

3. As devanditas modalidades de axuda teñen os códigos de procedemento que se indican no seguinte cadro:

Ver referencia pdf "15600D003P006.PDF"

Artigo 2º.-Requisitos dos beneficiarios e presentación de solicitudes.

1. Para poder ser beneficiario das axudas deberá presentarse unha solicitude axustada ao/s modelo/s normalizado/s que figuran nos anexos correspondentes segundo o indicado no punto 2 deste artigo. Ademais, os beneficiarios das axudas convocadas nesta orde deberán reunir as condicións exixidas no artigo 10 da Lei 9/2007, do 13 de xuño, de subvencións de Galicia, así como os requisitos que se establezan para cada tipo de axuda no anexo correspondente.

2. No enderezo http://www.conselleriaiei.org/ estarán á disposición dos interesados de forma íntegra os correspondentes formularios de solicitude e modelos oficiais que será necesario cubrir e cuxas caras externas se publican como anexos, segundo a táboa seguinte:

Ver referencia pdf "15600D003P006.PDF"

3. Os formularios, debidamente cubertos e asinados polos interesados, deberán enviarse acompañados, ademais da documentación adicional que para cada un dos programas se indica no correspondente anexo, das seguintes declaracións:

a) Declaración responsable do solicitante de todas as solicitudes efectuadas e concedidas para o mesmo fin, das distintas administracións públicas competentes ou dos seus organismos ou sociedades.

b) Declaración responsable de non estar incurso en ningunha das prohibicións para a obtención da axuda recollidas no artigo 10 da Lei 9/2007, do 13 de xuño, de subvencións de Galicia.

c) Declaración responsable de estar ao día, no cumprimento das obrigas estatais, coa Comunidade Autónoma de Galicia e a Seguridade Social.

d) Declaración opcional do interesado do compromiso de utilizar a lingua galega en todas as relacións que, como consecuencia deste procedemento, manteña coa Administración autonómica, de acordo co establecido no artigo 6.3º da Lei 3/1983, do 15 de xuño, de normalización lingüística.

Artigo 3º.-Lugar e prazo de presentación das solicitudes.

1. As solicitudes, dirixidas ao director xeral de Investigación, Desenvolvemento e Innovación, presentaranse no rexistro xeral da Dirección Xeral de Investigación, Desenvolvemento e Innovación ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999.

2. O prazo de presentación de solicitudes será dun mes contado a partir do día seguinte da publicación desta orde no Diario Oficial de Galicia. Entenderase como último día do prazo o correspondente ao mesmo ordinal do día da publicación. Se o último día do prazo fose inhábil, entenderase prorrogado ao primeiro día hábil seguinte e, se no mes do vencemento non houbese día equivalente ao inicial do cómputo, entenderase que o prazo expira o derradeiro do mes.

Artigo 4º.-Información aos/ás interesados/as.

1. Sobre estes procedementos administrativos, que teñen os códigos indicados no punto 2 do artigo 2 destas bases xerais, poderase obter documentación normalizada ou información adicional na Dirección Xeral de Investigación, Desenvolvemento e Innovación, presencialmente ou a través dos seguintes medios:

a) Na epígrafe de axudas e na oficina virtual da páxina web oficial da consellería: http://www.conselleriaiei.org/.

b) Nos seguintes teléfonos da Dirección Xeral de Investigación, Desenvolvemento e Innovación: 981 54 10 75, 981 54 10 76 e 981 54 39 91.

c) No enderezo electrónico: info.rhs@xunta.es.

2. Así mesmo, para cuestións xerais sobre este ou outro procedemento, poderá facerse uso do teléfono de información xeral da Consellería de Innovación e Industria, que é o 981 54 43 41.

Artigo 5º.-Financiamento e concorrencia.

1. Para a concesión das axudas convocadas nesta orde, destinaranse os créditos dos orzamentos xerais da Comunidade Autónoma de Galicia que a seguir se indican para cada acción e de acordo coas seguintes anualidades:

Ver referencia pdf "15600D003P006.PDF"

Todas as cantidades antes citadas poderanse incrementar en función das peticións presentadas e de acordo coas dispoñibilidades de créditos. Así mesmo, estas cantidades poden ser obxecto dunha nova periodificación anual no caso de que, por razóns imputables ao órgano xestor, os contratos se inicien con posterioridade á data do 1 de outubro do ano da convocatoria (que en todo caso terá que ser anterior ao 31 de decembro dese ano).

2. O concepto, contías e forma de pagamento de cada tipo de axuda establécense no anexo correspondente.

Artigo 6º.-Consentimentos e autorizacións.

1. A presentación da solicitude implica o coñecemento e a aceptación destas bases reguladoras.

2. Segundo o artigo 20.3º da Lei 9/2007, do 13 de xuño, de subvencións de Galicia, a presentación da solicitude de concesión das axudas e subvencións polo/a interesado/a comportará a autorización ao órgano xestor para solicitar as certificacións que deba emitir a Axencia Estatal da Administración Tributaria, a Tesouraría Xeral da Seguridade Social e a Consellería de Economía e Facenda da Xunta de Galicia. Non obstante, o solicitante poderá denegar expresamente o consentimento, debendo presentar entón a certificación nos termos previstos regulamentariamente.

3. De acordo co establecido na disposición adicional primeira do Decreto 132/2006, do 27 de xullo, de creación dos rexistros de axudas, subvencións e convenios e de sancións da Xunta de Galicia, a persoa solicitante da axuda consentirá expresamente a inclusión e publicidade dos datos relevantes referidos ás axudas e subvencións recibidas, así como ás sancións impostas, no devandito rexistro, feito que terá lugar agás nos supostos legalmente establecidos.

4. De conformidade co artigo 13.4º da Lei 4/2006, do 30 de xuño, de transparencia e de boas prácticas na Administración pública galega, esta consellería publicará na súa páxina web oficial a relación dos beneficiarios e o importe das axudas concedidas, polo que a presentación da solicitude leva implícita a autorización para o tratamento necesario dos datos dos beneficiarios e a súa publicación na citada páxina web, coas excepcións previstas nas leis.

Artigo 7º.-Órganos competentes.

A Dirección Xeral de Investigación, Desenvolvemento e Innovación será o órgano competente para a instrución do procedemento de concesión da/s axuda/s establecida/s nesta convocatoria, correspondéndolle ao conselleiro de Innovación e Industria ditar a resolución de concesión.

Artigo 8º.-Instrución do/s procedemento/os e tramitación.

1. Os servizos da dita dirección xeral comprobarán que todas as solicitudes reúnen os requisitos establecidos nesta orde.

2. Se a solicitude non reúne algún dos requisitos esixidos nestas bases reguladoras ou no correspondente anexo da convocatoria, requirirase mediante anuncio na páxina web da Dirección Xeral de I+D+i (http://www.conselleriaiei.org/dxidi) para que:

a) Os interesados e interesadas poidan emendar os erros e falta de documentos indicados, ante a Dirección Xeral de Investigación, Desenvolvemento e Innovación, achegando, de ser o caso, a documentación necesaria no prazo de 10 días.

b) Transcorrido este prazo sen que se corrixan as causas de exclusión, procederase consonte o establecido no artigo 71 da Lei 30/1992, do 26 de novembro, do réxime xurídico das administracións públicas e do procedemento administrativo común.

3. Sen prexuízo do disposto no punto anterior, poderá requirirse ao solicitante que achegue cantos datos, documentos complementarios e aclaracións resulten necesarios para a tramitación e resolución do procedemento.

4. Unha vez revisadas as solicitudes e as emendas feitas, aqueles expedientes administrativos que reúnan todos os requisitos e a documentación necesaria serán remitidos á comisión de selección, de acordo co establecido no artigo seguinte.

5. Os expedientes que non cumpran as exixencias contidas nestas bases ou na normativa de aplicación, ou que non conteñan a documentación necesaria ou que esta non cumpra os requisitos establecidos, quedarán á disposición do órgano instrutor para que formule a proposta de resolución de non-admisión, en que se indicarán as causas desta.

6. O feito de non axustarse aos termos da convocatoria, así como a ocultación de datos, a súa alteración ou calquera outra manipulación da información, será causa da desestimación da solicitude, sen prexuízo do disposto nos artigos 50 e seguintes da Lei 9/2007, do 13 de xuño, de subvencións de Galicia.

Artigo 9º.-Avaliación e selección das solicitudes.

1. Os principios xerais aplicados na avaliación e selección das solicitudes de todas as axudas convocadas nesta orde serán os de obxectividade, independencia e calidade das avaliacións. Os criterios e mecanismos de avaliación e selección para cada unha das accións especificaranse no anexo correspondente.

2. A selección dos candidatos e candidatas levarase a cabo en réxime de concorrencia competitiva; para iso, só se considerará a documentación achegada na solicitude, polo que se prescindirá do trámite de audiencia de conformidade co disposto no artigo 84.4º da Lei 30/1992, do 26 de novembro, de réxime xurídico das administracións públicas e do procedemento administrativo común, e no artigo 21.4º da Lei 9/2007, do 13 de xuño, de subvencións de Galicia.

3. A selección das solicitudes admitidas correspóndelle a unha comisión de selección nomeada para tal efecto, que será o órgano colexiado encargado de seleccionar as solicitudes avaliadas positivamente de acordo cos criterios obxectivos fixados no/s anexo/s correspondente/s, así como de propoñer a concesión ou denegación da axuda aos interesados. A comisión de selección poderá contar co asesoramento de órganos avaliadores ou expertos externos.

4. A comisión de selección estará composta polos seguintes membros (todos eles con voz e voto):

a) Presidente: o/a subdirector/a xeral de xestión do PGIDIT ou persoa en quen delegue.

b) Secretario: un funcionario ou funcionaria da Dirección Xeral de I+D+i.

c) Vogais: 7 vogais, entre os que figurarán un representante da Subdirección Xeral de Innovación Empresarial e o xestor ou xestora do programa de RHS. Os 5 restantes serán designados polo director xeral de I+D+i entre expertos dos distintos ámbitos de coñecemento (como mínimo, un por ámbito) pertencentes ás tres universidades do SUG e outros centros de investigación de Galicia.

5. A comisión levantará acta das súas deliberacións e elevará a súa proposta de resolución ao conselleiro de Innovación e Industria a través do director xeral de Investigación, Desenvolvemento e Innovación.

6. Na proposta de concesión que formule a comisión figurarán de xeito individualizado os solicitantes propostos para obter a axuda, especificándose a avaliación que lles corresponde segundo os criterios establecidos no anexo correspondente. Así mesmo, indicarase -de ser o caso- o importe da axuda para cada un deles. Para cada un dos programas incluídos nesta orde, a comisión de selección poderá elaborar unha lista de espera, de ser o caso, entre os solicitantes que non resultasen beneficiarios co fin de determinar posibles substitucións.

7. A proposta de concesión formulada pola comisión así como, de ser o caso, a lista de espera correspondente publicarase na internet, na epígrafe de axudas do enderezo http://www.conselleriaiei.org/. Esta publicación só terá efectos informativos.

8. O resto das actuacións subvencionables quedará en reserva para seren atendidas, ben co crédito que quedase libre de producirse algunha renuncia ou modificación nos proxectos inicialmente subvencionados, ben co incremento dos créditos orzamentarios destinados a estas axudas. Para estes efectos poderán realizarse sucesivas propostas de resolución conforme o sinalado neste artigo.

Artigo 10º.-Resolución e notificación.

1. A comisión de selección formulará a proposta de resolución, que se elevará, a través do órgano instrutor, ao conselleiro de Innovación e Industria, quen ten a competencia para resolver estas axudas, sen prexuízo da súa posible delegación noutros órganos da Consellería de Innovación e Industria. Esta resolución publicarase no DOG.

2. Á vista da proposta formulada pola comisión de selección a través do órgano instrutor e segundo o que dispón o artigo 21.4º da Lei 9/2007, do 13 de xuño, de subvencións de Galicia, ao non ser tidos en conta outros feitos nin outras alegacións e probas que as aducidas polos interesados, o conselleiro de Innovación e Industria ditará as correspondentes resolucións definitivas de concesión ou denegación que serán motivadas de acordo cos criterios de valoración establecidos en cada anexo.

3. A/s dita/s resolución/s expresará/n, cando menos:

a) As entidades beneficiarias da axuda e os candidatos seleccionados ou as persoas físicas beneficiarias, segundo corresponda.

b) O importe global da axuda para cada entidade ou persoa física beneficiaria, segundo corresponda.

c) A relación de posibles suplentes, a cal estará vixente un prazo máximo de 9 meses despois da súa publicación.

d) A desestimación expresa do resto das solicitudes.

4. En ningún caso o importe da axuda ou subvención poderá superar o custo da actividade que vaia desenvolver o beneficiario ou, de ser o caso, a porcentaxe máxima do investimento subvencionable legalmente establecido.

5. O prazo máximo para resolver as solicitudes presentadas ao abeiro desta convocatoria será de 6 meses, contado desde a apertura do prazo anual de presentación de solicitudes. De non mediar resolución expresa no dito prazo mediante a publicación da correspondente resolución no DOG, os solicitantes poderán entender desestimadas as súas solicitudes por silencio administrativo.

6. Todas as solicitudes serán notificadas de acordo co establecido na Lei 30/1992, do 26 de novembro, do réxime xurídico das administracións públicas e do procedemento adminstrativo común. Non obstante, e de conformidade co establecido no artigo 59.6.b) da devandita lei, a notificación individual de concesión da axuda substituirase pola publicación no DOG, con indicación da data da convocatoria, do beneficiario, da cantidade concedida e da finalidade da subvención outorgada.

Artigo 11º.-Réxime de recursos.

As resolucións ditadas ao abeiro da correspondente orde de convocatoria poñerán fin á vía administrativa e contra elas, sen prexuízo de que os interesados poidan exercer calquera outro que consideren procedente, poderán interpoñerse os seguintes recursos:

a) Recurso potestativo de reposición ante o conselleiro de Innovación e Industria, no prazo dun mes contado a partir do día seguinte ao da publicación da resolución no DOG. No caso de que a resolución se entenda desestimada por silencio administrativo, o prazo será de tres meses, contados a partir do día seguinte a aquel en que se produza o acto presunto.

b) Recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados a partir do día seguinte ao de publicación da resolución no DOG. No caso de que a resolución se entenda desestimada por silencio administrativo, o prazo será de seis meses contados a partir do día seguintea aquel en que se produza o acto presunto.

Artigo 12º.-Modificación da resolución.

1. Toda alteración das condicións tidas en conta para a concesión da axuda ou subvención e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión.

2. Poderase acordar a modificación da resolución da concesión por instancia do interesado ou interesada, sempre que este/a presente solicitude de modificación con anterioridade á data de finalización do prazo de xustificación e se cumpran os seguintes requisitos:

a) Que a actividade, conduta ou modificación do proxecto estea comprendida dentro da finalidade das bases reguladoras.

b) Que se acredite a inexistencia de prexuízo a terceiros.

c) Que os novos elementos ou circunstancias que motiven a modificación, de ter concorrido na concesión inicial, non supuxesen a denegación da subvención.

3. O acto polo que se acorde ou se denegue a modificación da resolución será ditado polo conselleiro de Inovación e Industria, logo da instrución do correspondente expediente en que se lle dará audiencia ao interesado ou interesada.

Artigo 13º.-Obrigas dos beneficiarios.

Sen prexuízo das demais obrigas que resulten da Lei 9/2007, do 13 de xuño, de subvencións de Galicia, da disposición adicional segunda do Decreto 287/2000, de 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, así como daqueloutras específicas que se indiquen nos correspondentes anexos desta convocatoria, os beneficiarios das axudas concedidas ao abeiro do disposto nesta orde, quedan obrigados a:

a) Proceder ao reintegro, total ou parcial, da axuda ou subvención percibida no suposto de incumprimento das condicións establecidas para a súa concesión.

b) Facilitar toda información que lles sexa requirida pola Dirección Xeral de Investigación, Desenvolvemento e Innovación, así como pola Intervención Xeral da Comunidade Autónoma, o Consello de Contas e o Tribunal de Contas, no exercicio das súas funcións de fiscalización e control.

c) Comunicar á Dirección Xeral de Investigación, Desenvolvemento e Innovación calquera axuda, o seu importe e duración, concedida para a execución dun mesmo investimento, no momento en que sexan beneficiarios.

d) Incluír no momento da xustificación da execución total do proxecto e, en calquera caso, antes do derradeiro pagamento, unha declaración complementaria do conxunto das axudas solicitadas, tanto as aprobadas ou concedidas como as pendentes de resolución, para un mesmo proxecto, das distintas administracións públicas competentes ou das súas entidades vinculadas ou dependentes.

Artigo 14º.-Reintegro.

Os beneficiarios das axudas concedidas ao abeiro desta orde deberán proceder ao reintegro total ou parcial da subvención ou axuda pública percibida e os xuros de mora correspondentes desde o momento do seu pagamento ata a data en que se acorde a procedencia do reintegro nos supostos previstos nos artigos 32 e 33 da Lei 9/2007, do 13 de xuño, de subvencións de Galicia.

Artigo 15º.-Comprobación das axudas concedidas.

O órgano concedente poderá comprobar a axeitada xustificación da axuda, así como a realización da actividade e o cumprimento da finalidade que determinen a concesión e o aproveitamento da axuda.

Artigo 16º.-Remisión normativa.

Para todo o non previsto nestas bases observarase o previsto na Lei 9/2007, do 13 de xuño, de subvencións de Galicia, no Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia; no Regulamento (CE) Nº 1828/2006 da Comisión, do 8 de decembro de 2006, polo que se fixan normas de desenvolvemento para o Regulamento (CE) 1083/2006, do Consello, polo que se establecen as disposicións xerais relativas ao Feder, ao FSE e ao Fondo de Cohesión; no Regulamento (CE) Nº 1081/2006, do Parlamento Europeo e do Consello, do 5 de xullo de 2006, relativo ao FSE e polo que se derroga o Regulamento (CE) Nº 1748/1999, e no resto de normativa que resulte de aplicación.

Disposición adicional

As bases que rexen a concesión das axudas e todos cantos actos administrativos deriven da súa aplicación poderán ser impugnados polos interesados nos casos e na forma establecidos na Lei 30/1992, de 26 de novembro, do réxime xurídico das administracións públicas e do procedemento administrativo común.

Disposición transitoria

Convocatorias en fase de execución.

As convocatorias de axudas que no momento da entrada en vigor desta orde estean en fase de execución, seguiranse observando nos seus propios termos e rexeranse de acordo coas normas conforme as que foron ditadas.

Disposicións derradeiras

Primeira.-Habilitación para o desenvolvemento.

Facúltase o director xeral de Investigación, Desenvolvemento e Innovación para ditar cantas disposicións sexan necesarias para o desenvolvemento e a aplicación desta orde.

Segunda.-Entrada en vigor.

Esta orde entrará en vigor o día seguinte ao da súa publicación no Diario Oficial de Galicia.

Santiago de Compostela, 31 de xullo de 2008.

Fernando Xabier Blanco Álvarez

Conselleiro de Innovación e Industria

Anexo I

Programa María Barbeito de axudas para contratos predoutorais de formación de doutores en organismos públicos e privados de investigación da Comunidade Autónoma de Galicia (nova adxudicación)

Artigo 1º.-Obxectivo e finalidade.

O obxectivo do Programa María Barbeito é o de outorgar axudas ás universidades do SUG, organismos públicos de investigación con sede en Galicia (OPIs) e entes e centros públicos de investigación de Galicia (CEPIGA) que fomenten a contratación de titulados superiores predoutorais co obxectivo de formar doutores/as en organismos públicos e privados de investigación da Comunidade Autónoma de Galicia.

A finalidade principal destas axudas é o apoio á formación en investigación básica e aplicada daqueles titulados superiores universitarios que desexen realizar a súa tese de doutoramento nun centro de investigación radicado na Comunidade Autónoma de Galicia.

1.1. As actividades que constitúen o obxecto desta convocatoria son axudas ás universidades do SUG, organismos públicos de investigación con sede en Galicia (OPIs) e entes e centros públicos de investigación de Galicia (CEPIGA) que fomenten a contratación de titulados superiores predoutorais co obxectivo de formar doutores/as en organismos públicos de investigación da Comunidade Autónoma de Galicia.

1.2. O número máximo de axudas que poderán outorgarse será de 84.

Artigo 2º.-Beneficiarios das axudas.

Poderán ser beneficiarios das axudas correspondentes ao Programa María Barbeito, as universidades do SUG, organismos públicos de investigación con sede en Galicia (OPIs) e entes e centros públicos de investigación de Galicia (CEPIGA) que contraten os candidatos e candidatas seleccionados, a través dun contrato de traballo en prácticas ou, na súa falta, un contrato laboral de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo, en virtude do cal o investigador ou investigadora seleccionado/a quedará vinculado/a ao centro de formación onde desenvolva a súa tese de doutoramento, asumindo ambas as partes as obrigas contractuais que deriven del, e que en todo caso se adecuarán ao contido da solicitude de axuda.

Artigo 3º.-Requisitos dos solicitantes.

Os solicitantes e candidatos seleccionados das axudas correspondentes ao Programa María Barbeito deberán cumprir, con data límite en que coincida coa finalización do prazo de presentación de solicitudes, os seguintes requisitos:

1. Posuír calquera nacionalidade.

2. Estar en posesión dun título universitario superior (licenciado ou equivalente) recoñecido oficialmente. A data de finalización dos estudos que dean acceso ao título universitario superior debe ser igual ou posterior ao 1 de xaneiro de 2004. Enténdese como data de finalización dos estudos a de superación da última materia para os completar.

a) Tamén poderán presentar a súa solicitude:

-Os licenciados en medicina, farmacia, bioloxía, química ou psicoloxía posteriores ao 1 de xaneiro de 2001 que, na data de peche do prazo de presentación de solicitudes, estean en posesión do título oficial de especialidade médica (MIR) ou farmacéutica (FIR) ou conten co certificado oficial de especialidade en bioloxía (BIR), química (QUIR) ou psicoloxía (PIR).

-Titulados posteriores ao 1 de xaneiro de 2001 que acrediten fidedignamente algunha das seguintes circunstancias entre esta data e o 1 de xaneiro de 2004: baixa maternal, que teñan a cargo menores de 3 anos, que teñan baixo a súa dependencia directa e legal e vivindo ás súas expensas cónxuxe, fillos e/ou ascendentes de 1º grao de consanguinidade ou afinidade ou tutelados por sentenza xudicial firme, persoas con discapacidade física, psíquica ou sensorial, recoñecidos como tales e cun grao de minusvalidez igual ou superior ao 33%.

b) Para os efectos de solicitar unha axuda do Programa María Barbeito, considérase que os títulos obtidos no estranxeiro ou en centros universitarios privados españois están recoñecidos oficialmente cando o solicitante acredite ter sido admitido nun programa de doutoramento dunha universidade española mediante certificación da universidade correspondente.

3. Posuír unha media simple de expediente académico (segundo Resolución do 15 de marzo de 2005, DOG nº 57, do 23 de marzo) igual ou superior a:

-1,50 para os/as licenciados/as e,

-1,00 para os/as titulados/as en estudos técnicos superiores.

No caso de titulados/as en universidades non pertencentes ao SUG (Sistema Universitario de Galicia), a media simple de expediente académico será determinada polos servizos da Dirección Xeral de Investigación, Desenvolvemento e Innovación seguindo o establecido no protocolo de colaboración subscrito entre a Consellería de Educación e Ordenación Universitaria e as tres universidades galegas para a valoración de expedientes académicos, publicado pola Resolución do 15 de marzo de 2005 (DOG nº 57, do 23 de marzo).

4. Estar oficialmente matriculado nun doutomento ou terceiro ciclo de estudos universitarios oficiais e non ter transcorrido máis de dous anos desde a data de finalización dos estudos do programa oficial de posgrao (POP) que dean acceso ao doutoramento, ou no caso de alumnos de 3º ciclo regulados polo Real decreto 778/1998, do 30 de abril- desde a data de finalización dos cursos académicos do programa de doutoramento a que estea adscrito o/a solicitante.

-O límite de dous anos ampliarase a tres, se durante ese período se xustifica fidedignamente algunha das seguintes circunstancias: baixa maternal, que se teña a cargo menores de tres anos, que se teñan baixo a súa dependencia directa e legal e vivindo ás súas expensas cónxuxe, fillos e ascendentes de 1º grao de consanguinidade ou afinidade ou tutelados por sentencia xudicial firme, persoas con discapacidade física, psíquica ou sensorial, recoñecidos como tales e cun grao de minusvalidez igual ou superior ao 33%.

-A data de finalización dos cursos académicos do programa de doutoramento a que estea adscrito o/a solicitante contabilizarase ata o día seguinte ao da publicación desta orde no DOG.

5. No caso de alumnos de 3º ciclo regulados polo Real decreto 778/1998, do 30 de abril, posuír o certificado de estudos avanzados ou estar en disposición de obtelo, antes do 1 de outubro do ano desta convocatoria.

6. Realizar a tese de doutoramento nun centro de investigación situado na Comunidade Autónoma de Galicia.

7. Ter aprobado polo consello de departamento ou órgano colexiado correspondente o proxecto de tese. Esta aprobación terá que producirse en data anterior ao 1 de outubro do ano desta convocatoria.

8. Non ter sido beneficiario destas axudas ou outras homologadas (bolsas predoutorais ou equivalentes) en anteriores convocatorias, durante un período igual ou superior a nove meses.

9. Non ter vixente un contrato do Programa María Barbeito.

Artigo 4º.-Duración das axudas.

1. A duración das axudas será dun máximo de dous anos, que se desenvolverá nas datas que se indiquen na correspondente resolución de adxudicación, que terán que ser entre o 1 de outubro de 2008 e o 30 de decembro de 2010. Os contratos establecidos ao abeiro das axudas do Programa María Barbeito terán a mesma duración máxima de dous anos.

2. Sempre que as disposicións legais e orzamentarias así o permitan, as axudas correspondentes ao Programa María Barbeito poderán ser obxecto de prórroga tras a publicación no DOG dunha convocatoria en que se recollan os requisitos e características desta.

Artigo 5º.-Dotación, número e financiamento das axudas.

1. As axudas só poderán ir destinadas ao financiamento dos contratos dos candidatos seleccionados.

2. A axuda concedida para cada contrato será de 20.440 euros por ano de contrato, incluíndo neste importe a retribución bruta anual do contrato e o pagamento dos custos sociais.

2.1. Se a entidade beneficiaria formaliza un contrato que implique unha contía superior bruta a 20.440 € anuais, deberá achegar a diferenza. A cantidade que achegue a institución poderá proceder dos seus orzamentos ou doutras axudas públicas ou privadas que reciba.

2.2. En ningún caso lle serán exixibles á Consellería de Innovación e Industria outras obrigas que o cumprimento das condicións da subvención ou axuda nos termos sinalados nesta convocatoria.

3. O número máximo de contratos que poderán financiarse é de 84, que serán financiados con cargo ás aplicacións orzamentarias 10.02.561B.444.0 e 10.02.561A.440.0 dos orzamentos xerais da Comunidade Autónoma para os anos 2008, 2009 e 2010, de acordo coa seguinte distribución:

Ver referencia pdf "15600D003P006.PDF"

4. Estas cantidades poden ser obxeto dunha nova periodificación anual no caso de que, por razóns imputables ao órgano xestor, os contratos se inicien con posterioridade á data do 1 de outubro de 2008 (que en todo caso terá que ser anterior ao 31 de decembro de 2008).

5. As entidades beneficiarias serán as encargadas do pagamento dos correspondentes contratos.

6. A primeira anualidade dos contratos comenzará a computarse na/s data/s que se indique/n na resolución desta convocatoria, que non será anterior ao 1 de outubro de 2008, nin posterior ao 30 de decembro de 2008.

Artigo 6º.-Formalización das solicitudes.

As solicitudes deberán presentarse no modelo normalizado RHS.MB-08/00 do que a cara externa se publica como anexo XIII á presente orde, no prazo e forma sinalada nos artigos 2º e 3º das bases xerais desta convocatoria, xunto coa seguinte documentación:

1. Fotocopia do documento nacional de identidade ou do documento equivalente no caso de nacionais doutros países.

2. Certificación académica detallada (orixinal ou fotocopia compulsada) en que conste expresamente:

a) As cualificacións obtidas, as datas de obtención destas, o número de créditos e o número exacto de convocatorias investidas en cada materia. Naqueles casos en que no correspondente sistema de educación superior non existan convocatorias, deberase acreditar fidedignamente tal extremo.

b) A media simple segundo o protocolo de colaboración do SUG (Resolución da Consellería de Educación e Ordenación Universitaria do 15 de marzo de 2005, DOG nº 57, do 23 de marzo), para os/as titulados/as en universidades do SUG. No caso de titulados por universidades non pertencentes ao SUG a media simple será determinada polos servizos da Dirección Xeral de Investigación, Desenvolvemento e Innovación seguindo o establecido no devandito protocolo de colaboración do SUG.

c) A data en que se finalizaron os estudos e constancia expresa de que as materias relacionadas constitúen o programa completo da titulación correspondente.

2.1. Non serán válidas as certificacións extractadas do expediente académico do solicitante.

2.2. No caso de estudos validados deberá presentarse, así mesmo, certificación académica para os estudos de orixe, nos mesmos termos que os indicados nas alíneas a), b) e c) do punto 2 do presente artigo.

2.3. Para os efectos de determinar a media do expediente académico, os que acceden ao 2º ciclo dunha titulación superior a través do curso de adaptación correspondente, por estar en posesión dun título de só 1º ciclo ou por ter realizado o 1º ciclo dalgunha titulación que permita o acceso ao 2º ciclo, deberán achegar, ademais da certificación correspondente ao curso de adaptación, 4º e 5º, a referente á titulación de 1º ciclo ou aos estudos de 1º ciclo realizados, nos mesmos termos que os indicados nas alíneas a), b) e c) do punto 2 deste artigo.

2.4. Os solicitantes que cursasen os seus estudos no estranxeiro e posúan certificación académica expedida en idioma distinto do español deberanlle xuntar a correspondente tradución oficial. En tales casos, ademais dos detalles xerais indicados nas alíneas a), b) e c) no punto 2 deste artigo, a certificación indicará cales son as cualificacións máxima e mínima dentro do sistema de avaliación correspondente e cal é a cualificación mínima para aprobar.

3. As persoas que se acollan aos supostos previstos nas alíneas a) e b) do punto 2 e no punto 4 do artigo 3 deste anexo, deberán acreditalo documentalmente.

4.- Proxecto do traballo de investigación que se vai realizar para a obtención do grao de doutor, cunha extensión entre 2 e 4 folios, asinado polo interesado e co visto e prace do/a director/a e no que consten especificamente, alomenos, os seguintes aspectos:

a) Obxetivos e contidos básicos do traballo.

b) Estratexias específicas de análise e indagación que se utilizarán.

5. Certificación, expedida polo secretario do correspondente departamento universitario, en que conste:

a) A admisión do proxecto de traballo de investigación por parte do consello de departamento e a súa data.

b) Os datos relativos ao director do proxecto de tese e os relativos ao titor, no caso de que este non sexa o director da tese.

c) No caso específico de que o director do proxecto de tese pertenza a CSIC, IEO ou ao INGACAL, na certificación emitida polo departamento deberase facer constar expresamente se o beneficiario da axuda, e responsable de establecer o correspondente contrato co solicitante, será o CSIC, IEO ou o INGACAL. De non especificarse expresamente, entenderase que o beneficiario da axuda, e responsable de establecer o correspondente contrato co solicitante- será a universidade correspondente.

d) En calquera caso, sempre que o solicitante vaia desenvolver a súa investigación nun centro de investigación diferente do departamento universitario que certifique a admisión do proxecto, na antedita certificación de admisión do proxecto deberá constar a autorización expresa de tal circunstancia. Ademais, a certificación do departamento deberá vir acompañada do correspondente escrito de aceptación do centro en que se vai desenvolver a investigación, asinada polo/a seu/súa responsable e na que consten os seguintes datos: nome do centro, enderezo e institucións a que pertence.

Se ao finalizar o prazo de presentación da documentación o interesado aínda non dispón do certificado de admisión do proxecto de tese por parte do consello de departamento, presentará o compromiso de entregalo tan pronto como se produza a súa aprobación. En todo caso, o dito documento deberá presentarse antes do 1 de outubro do ano da correspondente convocatoria.

6. Certificación académica detallada, orixinal ou fotocopia compulsada, en que conste, segundo corresponda:

a) A superación do mínimo de 60 créditos dun programa oficial de posgrao necesario para a admisión no doutoramento, segundo o Real decreto 56/2005 de 21 de xaneiro de 2005 (BOE do 21 de xaneiro). Na dita certificación deben constar as cualificacións correspondentes e a súa data de finalización.

b) A superación dos cursos académicos correspondentes ao primeiro ano do programa de doutoramento a que estea adscrito o/a solicitante, coas cualificacións correspondentes e a súa data de finalización.

7. Ademais das declaracións indicadas de xeito xeral no punto 3 do artigo 2 das bases xerais:

a) Declaración responsable do solicitante de non ter sido beneficiario destas axudas ou doutras homologadas por un período igual ou superior a 9 meses.

b) Declaración responsable do solicitante de non ter en vigor un contrato do Programa María Barbeito.

Artigo 7º.-Tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, e os servizos da dita dirección xeral procederán segundo o establecido no artigo 8º (instrución dos procedementos e tramitación) das bases xerais desta convocatoria.

Artigo 8º.-Avaliación e selección de candidatos.

1. Comisión de selección: a selección de candidatos será efectuada pola comisión de selección indicada no artigo 9º (avaliación e selección das solicitudes) das bases xerais desta convocatoria.

2. Criterios xerais de selección: a selección farase en función dos méritos acreditados nos puntos 2 e 6 do artigo 6º deste anexo I, empregando o baremo establecido no punto 3 deste artigo. As solicitudes recibidas agruparanse no correspondente ámbito de coñecemento dos cinco recoñecidos polo Consello de Coordinación Universitaria do Ministerio de Educación e Ciencia. A adscrición dos diferentes títulos universitarios oficiais e de validez en todo o territorio do Estado español a estes ámbitos de coñecemento, aparece recollida no anexo X desta orde.

3. Baremo.

3.1. Expediente académico de 1º e 2º ciclo: media simple da titulación segundo o protocolo de colaboración do SUG (Resolución da Consellería de Educación e Ordenación Universitaria do 15 de marzo de 2005, DOG nº 57, do 23 de marzo), para os/as titulados/as en universidades do SUG.

3.2. Estudos de terceiro ciclo ou de programas oficiais de posgrao: media (segundo o caso) dos 20 créditos correspondentes aos cursos académicos do 1º ano do programa de doutoramento, ou media do mínimo de 60 créditos do programa oficial de posgrao que dea acceso ao doutoramento. Utilizarase o seguinte baremo:

Ver referencia pdf "15600D003P006.PDF"

3.3. A puntuación total de cada solicitante, obterase a partir da seguinte fórmula:

Media final = Media da titulación × Media cursos doutoramento ou posgrao + C

MT MTER ou MPOP

Onde: MT representa a media das titulacións, MTER ou MPOP a media do 1º ano do terceiro ciclo ou -segundo corresponda- do programa oficial de posgrao, respectivamente, de cada un dos cinco ámbitos de coñecemento arriba indicados, obtidas a partir dos datos estatísticos existentes na Dirección Xeral de Investigación, Desenvolvemento e Innovación correspondentes aos solicitantes admitidos nas últimas 3 convocatorias das antigas bolsas predoutorais e/ou do Programa María Barbeito. C, cun valor de 1,0 punto por:

a) O compromiso do solicitante, mediante declaración persoal, de utilización da lingua galega en todas as relacións que o interesado manteña coa Administración autonómica: 0,5 puntos.

b) Pola corrección da solicitude e documentación correspondente (sen que sexa necesaria a súa emenda): 0,5 puntos.

4. Selección: os solicitantes de axudas de nova adxudicación correspondentes ao Programa María Barbeito ordenaranse por orde decrecente de media final e as axudas adxudicaranse comezando polo candidato de maior puntuación. A comisión de selección elaborará unha lista de espera por orde decrecente de puntuación, na que figurarán os solicitantes admitidos definitivamente que, non acadando puntuación suficiente para seren adxudicatarios de axuda, teñan unha puntuación igual ou superior á mínima establecida pola comisión de selección.

5. A proposta de concesión formulada pola comisión, así como, de ser o caso, a lista de espera para posibles substitucións, publicarase na internet, na epígrafe de axudas do enderezo http://www.conselleriaiei.org. Esta publicación terá só efectos informativos.

Artigo 9º.-Resolución e notificación.

A Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no DOG, segundo o indicado no artigo 10º das bases xerais desta orde.

Artigo 10º.-Formalización dos contratos e pagamento das axudas.

1. Publicada a resolución no DOG, as institucións e entidades beneficiarias procederán á contratación dos candidatos seleccionados para os seus organismos mediante a formalización de contratos de traballo en prácticas ou, na súa falta, de contratos laborais de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo.

2. Nos contratos deberá facerse referencia expresa a:

a) Ao seu financiamento con cargo ao Programa María Barbeito da Consellería de Innovación e Industria da Xunta de Galicia e, de ser o caso, ao seu cofinanciamento polo Fondo Social Europeo.

b) Data de incorporación efectiva do beneficiario ao seu posto de traballo.

c) A retribución bruta anual, lugar de prestación de servizos do beneficiario e a duración do contrato.

3. O pagamento das axudas pola Consellería de Innovación e Industria ás institucións ou entidades beneficiarias levarase a cabo do modo seguinte:

-Un único pagamento do período do ano 2008, polo gasto efectivamente realizado, unha vez que as institucións ou entidades beneficiarias certifiquen a sinatura dos contratos, acompañada dunha copia cotexada destes. O dito período empezará a computarse na data de sinatura do/s correspondente/s contrato/s.

-Dous pagamentos de periodicidade semestral, correspondentes ao ano 2009 e outro correspondente ao primeiro semestre do ano 2010, logo de xustificación do gasto realizado.

-O pagamento do último período correspondente ao ano 2010, ata a finalización da actividade, quedará pendente, ademais da xustificación do gasto realizado, da achega da declaración complementaria de axudas indicada na letra d) do artigo 13º (obrigas dos beneficiarios) das bases xerais desta orde.

Poderán realizarse pagamentos anticipados ata o límite do 10% da axuda concedida, nas condicións establecidas na normativa vixente.

Artigo 11º.-Condicións de aproveitamento.

Estas axudas son incompatibles coa realización doutro traballo remunerado ou o aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das accións formativas que o solicitante vai realizar segundo o seu proxecto (asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación), así como cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

No momento en que algún dos beneficiarios destas axudas realice a lectura da súa tese de doutoramento, deberá comunicarllo á Dirección Xeral de Investigación, Desenvolvemento e Innovación; se o escrito vén acompañado dun informe do director da tese, dando conta de que o doutorando participa noutras tarefas de investigación do grupo, poderase autorizar, por parte da Dirección Xeral de Investigación, Desenvolvemento e Innovación, a continuación do aproveitamento da axuda ata o remate do período para o que se lle concedeu, sempre que as disposicións legais e as dispoñibilidades orzamentarias así o permitan.

Artigo 12º.-Renuncias e substitucións dos candidatos seleccionados e contratados.

1. A renuncia deberá comunicarse, mediante escrito motivado do candidato seleccionado, dirixido ao director xeral de I+D+i, nun prazo mínimo de 15 días naturais, antes de que se produza. O candidato seleccionado deberá trasladar copia da antedita comunicación, segundo corresponda:

-Ao vicerreitor ou vicerreitora de investigación, ou cargo equivalente, no caso das universidades.

-Ao director do centro, no caso das institucións non universitarias.

-Ao representante legal no caso dos organismos da administración, beneficiarios.

2. En canto ás substitucións, no caso de que se produza algunha renuncia, o órgano de resolución da convocatoria poderá adxudicar a axuda aos solicitantes da lista de espera, sempre e cando a renuncia se produza dentro do prazo dos nove meses a partir da data de resolución. O substituto quedará suxeito ás mesmas condicións e polo tempo restante do aproveitamento da axuda. En ningún caso o período correspondente á substitución poderá rematar máis alá da data xeral de finalización indicada para os contratos na correspondente resolución.

Artigo 13º.-Interrupcións.

O persoal investigador contratado ao abeiro das axudas do Programa María Barbeito estará suxeito ao establecido na lexislación vixente.

Artigo 14º.-Dereitos dos candidatos seleccionados e contratados.

Amais dos dereitos de carácter xeral que se sinalan no artigo 5.1º do Real decreto 63/2006, do 27 de xaneiro, polo que se aproba o Estatuto do persoal investigador en formación, os candidatos seleccionados e contratados mediante as axudas correspondentes ao Programa María Barbeito teñen dereito a percibir a axuda económica correspondente e a beneficiarse dos dereitos de carácter laboral, así como os relativos aos da seguridade social, que deriven do contrato que formalicen co organismo, centro ou entidade de adscrición.

Artigo 15º.-Obrigas dos candidatos seleccionados e contratados.

Os candidatos seleccionados e contratados mediante as axudas correspondentes ao Programa María Barbeito teñen as seguintes obrigas:

a) Cumprir as condicións e obriga establecidas na presente convocatoria.

b) Levar a cabo as actividades previstas nos seus programas de formación e especialización na investigación.

c) Cumprir os obxectivos do programa de formación e especialización con aproveitamento.

d) Aterse ao réxime interno ou de funcionamento do organismo ou institución en que desenvolva as súas actividades, especialmente no relativo a condicións de traballo e normas de prevención de riscos laborais.

e) Residir na Comunidade Autónoma de Galicia, agás durante os períodos de formación a que expresamente se lles autorice.

f) Notificarlle á Dirección Xeral de Investigación, Desenvolvemento e Innovación a data de defensa da súa tese e a cualificación obtida. No suposto de que non realice a defensa da tese, deberá notificarllo igualmente á Dirección Xeral de Investigación, Desenvolvemento e Innovación, indicando as causas que motivaron a dita circunstancia.

g) O persoal investigador do Programa María Barbeito adscrito á universidade poderá, por petición propia, dedicar ata un máximo de 60 horas durante o curso académico á colaboración en actividades docentes con fins formativos, limitadas a ensinanzas prácticas ou suplencias non superiores neste caso a 5 horas, logo de conformidade entre o director do traballo e o departamento implicado. Esta colaboración non suporá, en ningún caso, a asunción polo beneficiario das axudas das responsabilidades que corresponden ao profesorado.

Artigo 16º.-Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal investigador en formación, sen prexuízo das derivadas da relación laboral que se estableza:

a) Cumprir as condicións e obriga establecidas nesta convocatoria.

b) Proporcionarlle o apoio necesario e facilitarlle a utilización dos medios, instrumentos ou equipamentos que resultan precisos para o normal desenvolvemento da súa actividade.

c) Designar un titor, co grao de doutor, para a coordinación e orientación da actividade dos beneficiarios.

d) Velar polo adecuado desenvolvemento do programa de formación do beneficiario, sen que se lle poida exixir a realización de calquera outra actividade que non estea relacionada co desenvolvemento da súa investigación ou da formación específica requirida por esta, durante o seu transcurso.

e) O persoal investigador en formación do Programa María Barbeito que desenvolva a súa actividade nunha universidade poderá colaborar en tarefas docentes, dentro dos límites establecidos nestas bases, sen que en ningún caso se poida desvirtuar a finalidade investigadora e formativa das axudas. En todo caso, non se lle poderán atribuír obrigas docentes superiores a 60 horas anuais.

f) Permitir a súa integración nos departamentos, institutos e organismos públicos ou privados en que leven a cabo a súa investigación. Os centros onde se integren os contratos María Barbeito estarán obrigados a garantirlles os dereitos e prestacións de que desfruta o persoal do centro de similar categoría co obxecto de que cumpran as súas obrigas.

Anexo II

Programa Ángeles Alvariño de axudas á especialización de doutores recentes para a súa incorporación en organismos públicos e privados de investigación da Comunidade Autónoma de Galicia (nova adxudicación)

Artigo 1º.-Obxectivo e finalidade.

O Programa Ángeles Alvariño de axudas á especialización de doutores recentes para a súa incorporación en organismos públicos e privados de investigación da Comunidade Autónoma de Galicia ten como obxetivo o de potenciar a acción de inserción de doutores recentes nas universidades do SUG, nas institucións non universitarias sen ánimo de lucro e organismos das administracóns públicas ou das súas entidades dependentes e nos centros tecnolóxicos que permitan o perfeccionamento da súa formación nos termos establecidos nesta convocatoria, entre os que se inclúe que parte da actividade subvencionada se desenvolva en centros de investigación de fóra de Galicia e distintos a aquel no que se acadara o grao de doutor/a.

Esta convocatoria establece as bases que regulan en réxime de publicidade, obxectividade e concorrencia competitiva, a concesión de axudas para a realización de contratos laborais de duración determinada destinados á incorporación en organismos públicos de investigación e centros tecnolóxicos da Comunidade Autónoma de Galicia, de investigadores doutores recentes, coa finalidade de potenciar a súa especialización mediante a súa incorporación a algún dos proxectos ou liñas de investigación que figuran no anexo XI desta convocatoria.

Artigo 2º.-Beneficiarios das axudas.

1. Poderán ser beneficiarios das axudas correspondentes ao Programa Ángeles Alvariño as universidades do SUG, as institucións non universitarias sen ánimo de lucro e organismos das administracións públicas ou das súas entidades dependentes e centros tecnolóxicos, que desenvolvan actividades de investigación ou innovación, radicadas na Comunidade Autónoma de Galicia, e que:

a) Oferten, nesta convocatoria, algún proxecto ou liña de investigación que se relacionan no anexo XI desta orde, destinadas á contratación de persoal investigador doutor do Programa Ángeles Alvariño seleccionados segundo o proceso establecido neste anexo.

b) Fomenten a contratación de persoal investigador doutor recente a través dun contrato laboral de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo, en virtude do cal o investigador ou investigadora seleccionado/a quedará vinculado/a ao centro de formación onde desenvolva o seu labor de investigación, asumindo ambas as partes as obrigas contractuais que deriven del e que, en todo caso, se adecuarán ao contido da solicitude de axuda.

c) Permitan que parte da actividade subvencionada se desenvolva en centros de investigación de fóra de Galicia distintos a aquel en que se obtivo o grao de doutor/a, polos períodos necesarios para que ao final dos tres anos de duración dos contratos poidan cumprir o requisito de 24 meses de estadía en centros de investigación.

2. Establécese un máximo de 55 axudas coa seguinte distribución:

Ver referencia pdf "15600D003P006.PDF"

Artigo 3º.-Requisitos dos candidatos.

Os candidatos á obtención dalgún dos contratos correspondentes ao Programa Ángeles Alvariño deberán acreditar, con data límite en que coincida coa finalización do prazo de presentación de solicitudes, o cumprimento dos seguintes requisitos:

1. Posuír calquera nacionalidade.

2. Estar en posesión do grao de doutor:

a) A data de obtención do grao de doutor debe ser posterior ao 1 de xaneiro do ano 2005. O prazo de 1 de xaneiro de 2005 ampliarase ao de 1 de xaneiro de 2004 naqueles casos en que se acredite fidedignamente algunha das seguintes circunstancias entre esta data e o 1 de xaneiro de 2005: baixa maternal, que teñan a cargo menores de 3 anos, que teñan baixo a súa dependencia directa e legal e vivindo ás súas expensas cónxuxe, fillos e/ou ascendentes de 1º grao de consanguinidade ou afinidade ou tutelados por sentenza xudicial firme, persoas con discapacidade física, psíquica ou sensorial, recoñecidos como tales e cun grao de minusvalidez igual ou superior ao 33%.

b) No caso de que o grao de doutor fose obtido no estranxeiro deberá estar homologado segundo o establecido no Real decreto 309/2005, do 18 de marzo, polo que se modifica o Real decreto 285/2004, do 20 de febreiro, polo que se regulan as condicións de homologación e validación de títulos e estudos estranxeiros de educación superior. Admitiranse solicitudes de candidatos que iniciasen o trámite de homologación do grao de doutor, pero neste caso a selección do candidato, de producirse, quedará condicionada a que a dita homologación se conceda antes do prazo de inicio dos contratos establecido de forma xenérica na resolución de adxudicación das axudas do Programa Ángeles Alvariño.

c) No caso de solicitantes que estean en posesión de máis dun doutoramento, os requisitos expresados referiranse ao primeiro dos doutoramentos obtidos.

3. Contar coa aceptación do departamento das universidades do SUG, dunha institución non universitaria sen ánimo de lucro, e/ou organismo das administracións públicas, ou as súas entidades dependentes, responsable de cada unha das prazas a que opte o solicitante. A dita aceptación farase mediante certificado (orixinal ou copia compulsada) emitido polo/a secretario/a do departamento universitario ou o responsable da institución non universitaria sen ánimo de lucro ou do organismo da administración pública ou entidade dependente.

4. Contar co compromiso do organismo público ou privado que avala a súa aceptación, de aceptación de que parte da actividade subvencionada se desenvolva en centros de investigación de fóra de Galicia distintos a aquel en que se obtivese o grao de doutor/a, polos períodos necesarios para que ao final dos tres anos de duración dos contratos poidan cumprir o requisito mínimo de 24 meses de estadía en centros de investigación. Aqueles períodos de estadías posdoutorais en centros de investigación de fóra de Galicia distintos daquel en que se obtivese o grao de doutor/a, levados a cabo con antelación á sinatura do correspondente contrato, serán contabilizados para o mínimo establecido de 24 meses.

5. Comprometerse a solicitar anualmente as axudas para a realización dos períodos de estadías en centros de investigación de fóra de Galicia e distintos daquel en que se obtivese o grao de doutor/a (segundo o establecido no anexo IX desta orde), necesarios para que ao final dos 3 anos de contrato do Programa Ángeles Alvariño poidan cumprir o mínimo de 24 meses establecido como requisito. Estarán exentos do dito compromiso aqueles que acrediten fidedignamente:

a) Ter completado o devandito período mínimo de 24 meses de estadías en centros de investigación de fóra de Galicia y distintos daquel en que se obtivese o grao de doutor/a.

b) Ter cursado integramente o doutoramento e obter o grao de doutor nunha universidade estranxeira.

c) Un grao de minusvalidez igual ou superior ao 65%.

Artigo 4º.-Duración das axudas.

A duración das axudas para a contratación de doutores recentes do Programa Ángeles Alvariño será dun máximo de tres anos. Os contratos establecidos ao abeiro das devanditas axudas terán a mesma duración máxima e desenvolveranse nas datas que se indiquen na correspondente resolución de adxudicación, que terán que ser entre o 1 de outubro de 2008 e o 30 de decembro de 2011.

Artigo 5º.-Dotación, número e finaciamento das axudas.

1. As axudas só poderán ir destinadas ao financiamento dos contratos dos candidatos seleccionados.

2. A axuda concedida para cada contrato será de 28.000 euros por ano de contrato, incluíndo neste importe a retribución bruta anual do contrato e o pagamento dos custos sociais.

a) Se a entidade beneficiaria formaliza un contrato que implique unha contía superior bruta a 28.000 € anuales, deberá achegar a diferenza. A cantidade que achegue a institución poderá proceder dos seus orzamentos, ou doutras axudas públicas ou privadas que reciba.

b) En ningún caso serán exixibles á Consellería de Innovación e Industria máis obrigas que o cumprimento das condicións da subvención ou axuda nos termos sinalados nesta convocatoria.

3. O número máximo de contratos que poderán financiarse é de 55, que serán financiados con cargo ás aplicacións orzamentarias dos orzamentos xerais da comunidade autónoma para os anos 2008, 2009, 2010 e 2011 que a seguir se indican, e de acordo coa seguinte distribución:

Ver referencia pdf "15600D003P006.PDF"

4. As cantidades indicadas poderán ser obxeto dunha nova periodización anual no caso de que, por razóns imputables ao órgano xestor, os contratos se inicien con posterioridade á data do 1 de outubro de 2008, que en todo caso terá que ser anterior ao 31 de decembro de 2008.

5. As entidades beneficiarias serán as encargadas do pagamento dos correspondentes contratos.

6. A primeira anualidade dos contratos comenzará a computarse na/s data/s que se indique/n na resolución desta convocatoria, que non será anterior ao 1 de outubro de 2008, nin posterior ao 31 de decembro do mesmo ano.

Artigo 6º.-Formalización de solicitudes e documentación requirida.

As solicitudes deberán presentarse no modelo normalizado RHS.AA-08/00 cuxa portada se publica como anexo XIV a esta orde, no prazo e forma establecidos nos artigos 2º e 3º da bases xerais desta convocatoria.

Na instancia de solicitude o candidato indicará, por orde de preferencia, o código do/s proxecto/s ou liña/s a que opta, entre aquelas que figuran no anexo XI a esta orde, tendo en conta que como máximo poderá solicitar 3 prazas e que estas deben corresponder a unha única área temática ANEP.

As solicitudes deberán acompañarse da seguinte documentación:

1. Para cada unha das prazas solicitadas, orixinal ou copia cotexada do certificado de aceptación polo departamento das universidades do SUG, institucións non universitarias sen ánimo de lucro, organismos das administracións públicas, ou as súas entidades dependentes, responsable de cada praza solicitada. O dito certificado deberá estar asinado polo/a secretario/a do departamento universiario correspondente ou polo responsable de la institución non universitaria sen ánimo de lucro, organismo das administracións públicas, ou as súas entidades dependentes, responsable da/s praza/s solicitada/s, e nel deben constar os seguintes datos:

a) Datos persoais do candidato (nome e apelidos e número do DNI).

b) Data de aprobación da proposta de aceptación polo órgano colexiado correspondente.

c) Datos do destino/praza ofertada para a que se propón ao candidato ou candidata a unha axuda do Programa Ángeles Alvariño. Os datos da praza deben coincidir cos que figuran no anexo XI a esta convocatoria relativo ás prazas do Programa Ángeles Alvariño e corresponderse cunha das prazas ofertadas polo departamento, institución ou organismo que avala a aceptación do candidato.

d) Datos do/a doutor/a ou especialista que actuará como titor/a do plan de formación especializada nos termos establecidos nesta convocatoria.

e) Constancia expresa do compromiso do departamento (no caso das universidades) ou da institución non universitaria correspondente, da aceptación de que parte da actividade subvencionada se desenvolva en centros de investigación de fóra de Galicia distintos a aquel en que se obtivese o grao de doutor/a, polos períodos necesarios para alcanzar, ao final dos 3 anos de duración do contrato, o mínimo de 24 meses de estadía en centros de investigación de fóra de Galicia distintos a aquel en que se obtivese o grao de doutor/a.

f) No caso de departamentos das universidades, compromiso de inclusión no POD correspondente para, por petición do interesado, prestar colaboracións complementarias tales como tarefas docentes, neste último caso ata un máximo de 90 horas anuais.

2. Fotocopia do documento nacional de identidade ou do documento equivalente no caso de nacionais doutros países.

3. Fotocopia compulsada do título de doutor ou doutro documento acreditativo de ter alcanzado o dito grao e a data da súa obtención. No caso de título de doutor obtido no estranxeiro, fotocopia compulsada da homologación, ou da solicitude de homologación presentada ante o órgano competente.

4. Currículo do candidato cuberto nalgún dos modelos normalizados que figuran na páxina web da Dirección Xeral de Investigación, Desenvolvemento e Innovación e da Consellería de Innovación e Industria no enderezo http://www.conselleriaiei.org. Unha vez cuberto deberá enviarse á Dirección Xeral de Investigación, Desenvolvemento e Innovación:

a) Unha copia impresa do currículo, debidamente asinada polo interesado.

b) Unha copia do currículo en CD, que debe coincidir exactamente coa copia impresa.

c) Fotocopia simple das publicacións ou documentos científico-técnicos, contribucións a congresos, etc., alegadas no currículo.

d) Documentos xustificativos (orixinal ou copia cotexada) dos méritos alegados no currículo: participación en proxectos de I+D, contratos de I+D, patentes ou modelos de utilidade, etc.

e) De ser o caso, orixinal ou copia cotexada dos documentos que acrediten a realización de estadías de investigación en universidades ou centros de investigación estranxeiros distintos a aquela universidade ou institución en que se expediu o seu título de doutor. A acreditación da/s estadía/s de investigación farase mediante certificado/s do/s centro/s ou institución/s en que se levou a cabo cada un dos períodos de estadía de investigación, debidamente asinado polo responsable do/s dito/s centro/s ou institución/s e no que consten os seguintes datos:

-Centro e institución na que se levou a cabo cada un dos períodos de estadía.

-Data (dd/mm/aa) de inicio e finalización do/s período/s de estadía/s.

-Breve descrición da/s actividade/s de investigación levadas a cabo no período.

Non serán obxecto de valoración aqueles méritos alegados que non sexan convenientemente acreditados.

5. Memoria sobre o plan de investigación que vai desenvolver polo candidato que deberá incluír o programa de formación teórico e experimental proposto co cronograma de actuacións ao longo dos tres anos de duración das axudas. A devandita memoria, dun mínimo de 5 folios e máximo de 10, deberá estar asinada polo interesado e co visto e prace do/a doutor/a que actuará como titor/a e do responsable do centro, departamento, etc. a que está/n adscrita/s a/s praza/s solicitada/s.

6. Declaración expresa do candidato do compomiso de solicitar na correspondente convocatoria de estadías (segundo o establecido no anexo IX da orde de RHS correspondente) e levar a cabo os períodos de estadía en centros de investigación de fóra de Galicia distintos a aquel en que obtivese o grao de doutor/a, necesarios para alcanzar o mínimo de 24 meses ao longo do período de 3 anos de contrato, que se lle concedan. Estarán exentos de presentar a dita declaración aqueles que:

a) Teñan completado o devandito período mínimo de 24 meses de estadías en centros de investigación de fóra de Galicia distintos daquel en que obtivese o grao de doutor/a.

b) Cursasen integramente o doutoramento e obtivesen o grao de doutor nunha universidade estranxeira.

c) Acrediten fidedignamente un grao de minusvalidez igual ou superior ao 65%.

7. As persoas que se acollan ao suposto establecido no punto 2 a) do artigo 3º deste anexo, deberán acreditalo documentalmente.

8. Ademais das declaracións indicadas de xeito xeral no punto 3 do artigo 2º das bases xerais, as seguintes declaracións xuradas:

a) Declaración xurada de non ter en vigor un contrato do Programa Ángeles Alvariño, Juan de la Cierva ou equivalente.

b) Declaración xurada de non ter sido beneficiario dunha axuda do Programa Ángeles Alvariño, Juan de la Cierva ou equivalente, por un período igual ou superior a 9 meses.

Artigo 7º.-Instrución do procedemento e tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 8º (instrución do/s procedemento/s e tramitación) das bases xerais desta convocatoria.

Artigo 8º.-Avaliación e selección das solicitudes.

1. Avaliación: a avaliación científico-técnica dos méritos dos candidatos será realizada por comités, que abranguerán unha ou máis áreas ANEP, constituídos por expertos externos e designados pola Dirección Xeral de Investigación, Desenvolvemento e Innovación. Para os efectos da súa avaliación e tendo en conta a/s área/s ANEP e perfil/s da/s praza/s solicitada/s, as solicitudes recibidas agruparanse en comités que abranguerán unha ou máis áreas ANEP.

No proceso de avaliación das solicitudes os comités de expertos externos deberán ter en conta as seguintes consideracións:

1ª Puntuar os méritos alegados e debidamente xustificados polos candidatos en cada unha das epígrafes do currículo obxecto da avaliación segundo os aspectos indicados no punto seguinte, dándolles especial relevancia ás contribucións feitas nos anos posteriores a alcanzar o grao de doutor/a.

2ª Os comités valorarán, ata un máximo de 85 puntos, os seguintes aspectos:

1.-Publicacións de carácter científico: máximo 40 puntos.

1.1.-Libros (con ISBN): ata un máximo de 40 puntos. A avaliación de libros farase tendo en conta a calidade da editorial segundo o seu prestixio nacional ou internacional e o grao de exixencia e rigor científico nos procesos de selección dos traballos publicados.

1.2.-Capítulos de libro (con ISBN): ata un máximo de 10 puntos. A avaliación de capítulos de libros farase tendo en conta a calidade da editorial segundo o seu prestixio nacional ou internacional e o grao de exixencia e rigor científico nos procesos de selección dos traballos publicados.

1.3.-Publicacións en revistas científicas: ata un máximo de 40 puntos.

-Tipo A (revistas que aparecen no Sciencie Citation Index, no Social Sciences Citation Index (SSCI) ou no Arts & Humanities Citation Index (AHCI): máximo 40 puntos.

-Tipo B (revistas de prestixio non catalogadas como tipo A, que empregan un proceso de revisión de artigos a través de censores externos): máximo 5 puntos.

-Tipo C (revistas de investigación non incluídas nas epígrafes anteriores): máximo 1 punto.

2.-Proxectos de I+D, contratos de investigación e patentes: máximo de 30 puntos.

2.1.-Participación en proxectos de investigación autonómicos, nacionais e internacionais: máximo 30 puntos.

-Proxectos internacionais: máximo 30 puntos.

-Proxectos nacionais: máximo 10 puntos.

-Proxectos autonómicos: máximo 5 puntos.

2.2.-Participación en contratos de investigación: máximo 30 puntos.

-Contratos con empresas: máximo 30 puntos.

-Contratos coa administración: máximo 10 puntos.

-Informes técnicos e outros: máximo 5 puntos.

2.3.-Patentes rexistradas ou en explotación: máximo 10 puntos.

-En explotación: máximo 10 puntos.

-Rexistradas: máximo 5 puntos.

3.-Outros méritos académico-científicos dos candidatos: máximo 15 puntos.

3.1.-Estadías de investigación posdoutorais (continuadas, superiores a un mes) en universidades ou centros de investigación de fóra de Galicia, distintos a aquel en que se levou a cabo o doutoramento e se alcanzou o grao de doutor: máximo 5 puntos.

3.2.-Relatorios e comunicacións a congresos ou reunións científicas: máximo 5 puntos.

-Relatorios en congresos internacionais: máximo 5 puntos.

-Relatorios en congresos nacionais: máximo 2,5 puntos.

-Comunicacións en congresos internacionais: máximo 1 punto.

-Comunicacións en congresos nacionais: máximo 0,5 puntos.

3.3.-Outros méritos académico-científicos dos candidatos: máximo 5 puntos. Valoraranse aqueloutros méritos académico-científicos relacionados coa súa área temática e área de coñecemento, do máximo de 5 méritos desta epígrafe do currículo sinalados polo solicitante.

2. Selección dos candidatos: realizada a avaliación científico-técnica dos méritos dos candidatos polos comités de expertos externos, a selección dos candidatos efectuaraa a comisión de selección establecida no artigo 9 da bases xerais desta convocatoria, consonte o baremo seguinte:

1.-Avaliación científico-técnica do candidato realizada polos expertos externos: ata 85 puntos.

2.-A avaliación por parte da comisión de selección (máximo 15 puntos):

-Por períodos de estadías de investigación predoutorais, posteriores a alcanzar o título de licenciado ou equivalente, en centros de fóra de Galicia distintos daquel en que se levou acabo o doutoramento e se alcanzou dou o grao de doutor: ata 4,0 puntos.

-Pola corrección da solicitude e documentación correspondentes (sen que sexa necesaria a emenda): 1,5 puntos.

-Polo compromiso do solicitante, mediante declaración persoal, de utilización da lingua galega en todas as relacións que o interesado manteña coa Administración autonómica: 0,5 puntos.

-Pola adecuación do currículo do candidato ao perfil de cada unha da/s praza/s solicitada/s segundo o indicado na táboa seguinte: ata un máximo de 9,0 puntos.

Adecuación Puntuación

Discutible 1

Aceptable 3

Boa 5

Notable 7

Excelente 9

3.-Os solicitantes de axudas de nova adxudicación correspondentes ao Programa Ángeles Alvariño ordenaranse por orde decrecente de puntos e adxudicaranse as axudas comezando polo candidato e praza de maior puntuación.

4.-A comisión elaborará unha lista de agarda por orde decrecente de puntuación, na que figurarán os solicitantes admitidos definitivamente cunha puntuación igual ou superior á mínima establecida pola comisión de selección, que non alcanzaron puntuación suficiente para ser adxudicatarios de axuda.

5.-A proposta de concesión formulada pola comisión, así como a lista de agarda para posibles substitucións, publicarase na internet, na epígrafe de axudas do enderezo http://www.conselleriaiei.org/. A dita publicación terá só efectos informativos.

Artigo 9º.-Resolución e notificación.

A Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no DOG, segundo o indicado no artigo 10º das bases xerais desta orde.

Artigo 10º.-Formalización dos contratos e pagamento das axudas.

1. Publicada a resolución no DOG, as institucións e entidades beneficiarias procederán á contratación dos candidatos seleccionados para os seus organismos mediante a formalización de contratos laborais de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo.

2. Os contratos terán unha duración máxima de 3 anos e desenvolveranse nas datas que se indiquen na correspondente resolución de adxudicación que terán que ser entre o 1 de outubro de 2008 e o 30 de decembro de 2011.

3. Nos contratos deberá facerse referencia expresa:

a) Ao seu financiamento con cargo ao Programa Ángeles Alvariño da Consellería de Innovación e Industria da Xunta de Galicia e, se é o caso, ao seu cofinanciamento polo Fondo Social Europeo.

b) Á data de incorporación efectiva do beneficiario ao seu posto de traballo.

c) Á retribución bruta anual, ao lugar de prestación de servizos do beneficiario e á duración do contrato.

4. O pagamento das axudas pola Consellería de Innovación e Industria ás institucións ou entidades beneficiarias levarase a cabo do modo seguinte:

-Un único pagamento do período do ano 2008 polo gasto efectivamente realizado, unha vez que as institucións ou entidades beneficiarias certifiquen a sinatura dos contratos, acompañada dunha copia cotexada destes. O dito período empezará a computarse na data de sinatura do/s correspondente/s contrato/s.

-Catro pagamentos de periodicidade semestral correspondentes aos anos 2009, 2010 e un pagamento correspondente ao 1º semestre do ano 2011, logo da xustificación do gasto realizado.

-O pagamento do último período correspondente ao ano 2011, ata a finalización da actividade, quedará pendente, ademais da xustificación do gasto realizado, da achega da declaración complementaria de axudas indicada na alínea d) do artigo 13 (obrigas dos beneficiarios) das bases xerais desta orde.

Poderán realizarse pagamentos anticipados ata o límite do 10% da axuda concedida, nas condicións establecidas na normativa vixente.

Artigo 11º.-Condicións de aproveitamento.

Estas axudas son incompatibles coa realización doutro traballo remunerado ou o aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das seguintes accións formativas: asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación; así como, cos contratos derivados do artigo 11.2 da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

Artigo 12º.-Renuncias e substitucións dos candidatos seleccionados e contratados.

1. A renuncia deberá comunicarse, mediante escrito motivado do candidato seleccionado, dirixido ao director xeral de I+D+i, nun prazo mínimo de 15 días naturais, antes de que se produza. O candidato seleccionado deberá trasladar copia da antedita comunicación, segundo corresponda:

-Ao vicerreitor ou vicerreitora de investigación, ou cargo equivalente, no caso das universidades.

-Ao director do centro, no caso das institucións non universitarias.

-Ao representante legal no caso dos organismos da administración beneficiarios.

2. En canto ás substitucións, no caso de que se produza algunha renuncia, o órgano de resolución da convocatoria poderá adxudicar a axuda aos solicitantes da lista de agarda, sempre e cando a renuncia se produza dentro do prazo dos nove meses a partir da data de resolución destas axudas. O substituto quedará suxeito ás mesmas condicións e polo tempo restante do aproveitamento da axuda. En ningún caso o período correspondente á substitución poderá rematar máis alá da data xeral de finalización indicada para os contratos na correspondente resolución.

Artigo 13º.-Interrupcións.

O persoal investigador contratado ao abeiro das axudas do Programa Ángeles Alvariñó estará suxeito ao establecido na lexislación vixente.

Artigo 14º.-Dereitos dos candidatos contratados.

Os beneficiarios das axudas correspondentes ao Programa Ángeles Alvariño teñen dereito a percibir a axuda económica correspondente, a beneficiarse dos dereitos de carácter laboral e os relativos aos da Seguridade Social, que deriven do contrato que formalicen co organismo, centro ou entidade de adscrición, así como a gozar dos dereitos e prestacións que ten o persoal do centro de similar categoría co obxecto de que cumpran as súas obrigas.

Artigo 15º.-Obrigas dos candidatos contratados.

Os candidatos seleccionados e contratados mediante as axudas correspondentes ao Programa Ángeles Alvariño teñen as seguintes obrigas:

a) Cumprir as condicións e obrigas establecidas nesta convocatoria.

b) Aterse ao réxime interno ou de funcionamento do organismo ou institución en que desenvolva as súas actividades, especialmente no relativo a condicións de traballo e normas de prevención de riscos laborais.

c) Residir na Comunidade Autónoma de Galicia, agás durante os períodos de formación a que expresamente se autorice.

d) Solicitar anualmente segundo o establecido no anexo IX desta orde bolsas para estadías de investigación fóra de Galicia e levar a cabo, ao longo do período de duración do contrato, os períodos de estadías de investigación necesarios para alcanzar o mínimo establecido de 24 meses. Estarán exentos do dito compromiso aqueles que acrediten fidedignamente:

1. Ter completado o devandito período mínimo de 24 meses de estadías en centros de investigación de fóra de Galicia e distintos daquel en que obtivesen o grao de doutor/a.

2. Ter cursado integramente o doutoramento e obter o grao de doutor nunha universidade estranxeira.

3. Un grao de minusvalidez igual ou superior ao 65%.

e) Informar á Dirección Xeral de Investigación, Desenvolvemento e Innovación de cada un dos períodos de estadía que se leven a cabo.

f) Os investigadores contratados ao abeiro do disposto nesta orde que desenvolvan a súa actividade nunha universidade poderán, por petición propia, prestar colaboracións complementarias tales como tarefas docentes; neste último caso ata un máximo de 90 horas anuais. O departamento implicado, se é o caso, documentará debidamente a dita colaboración para os efectos de concurso respectando a normativa vixente de incompatibilidades.

Artigo 16º.-Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal investigador do Programa Angeles Alvariño, sen prexuízo das derivadas da relación laboral que se estableza:

a) Cumprir as condicións e obrigas establecidas nesta convocatoria.

b) Proporcionarlles o apoio necesario e facilitarlles a utilización dos medios, instrumentos ou equipamentos que resultan precisos, para o normal desenvolvemento da súa actividade.

c) Permitir a súa integración nos departamentos, institutos e organismos públicos ou privados en que leven a cabo a súa investigación. Os centros onde se integren os contratos Ángeles Alvariño estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

d) Permitirlles levar a cabo os períodos de estadía de investigación que se indican na alínea d) do artigo 15 deste anexo.

e) No caso do persoal investigador contratado ao abeiro do disposto nesta orde, que desenvolva a súa actividade nunha universidade, permitirlles prestar -por petición propia- colaboracións complementarias, tales como tarefas docentes, neste último caso ata un máximo de 90 horas anuais. O departamento implicado documentará debidamente a dita colaboración para os efectos de concurso e respectando a normativa vixente de incompatibilidades.

Anexo III

Programa Isidro Parga Pondal de axudas a contratación de doutores para a súa incorporación en organismos públicos e privados de investigación da Comunidade Autónoma de Galicia (nova adxudicación)

Artigo 1º.-Obxectivo e finalidade.

O obxectivo do Programa Isidro Parga Pondal é contribuír a superar o déficit de recursos humanos que ten o sistema de I+D en Galicia a través do apoio á inserción, en organismos públicos e privados de investigación da Comunidade Autónoma de Galicia, de doutores cunha formación investigadora acreditada en organismos científicos nacionais ou estranxeiros.

Esta convocatoria establece as bases que regulan, en réxime de publicidade, obxectividade e concorrencia competitiva, a concesión de axudas para a realización de contratos laborais de duración determinada destinados á incorporación, en organismos públicos de investigación e centros tecnolóxicos da Comunidade Autónoma de Galicia, de investigadores doutores cunha formación investigadora acreditada en organismos científicos nacionais ou estranxeiros.

Artigo 2º.-Beneficiarios das axudas.

1. Poderán ser beneficiarios das axudas correspondentes ao Programa Isidro Parga Pondal as universidades do SUG, as institucións non universitarias sen ánimo de lucro, organismos das administracións públicas, ou das súas entidades dependentes, e os centros tecnolóxicos, que desenvolvan actividades de investigación ou innovación, radicados na Comunidade Autónoma de Galicia, e que:

a) Oferten, nesta convocatoria, algún dos proxectos ou liñas de investigación que se relacionan no anexo XII desta orde, destinadas a contratos de persoal investigador doutor do Programa Isidro Parga Pondal seleccionados segundo o proceso establecido neste anexo.

b) Fomenten a contratación de persoal investigador doutor seleccionado a través desta convocatoria do Programa Isidro Parga Pondal mediante un contrato laboral de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo, en virtude do cal o investigador ou investigadora seleccionado/a quedará vinculado/a ao centro de formación onde desenvolva o seu labor de investigación, asumindo ambas as partes as obrigas contractuais que o deriven del e que, en todo caso, se adecuarán ao contido da solicitude de axuda.

2. Establécese o seguinte número de axudas:

Ver referencia pdf "15600D003P006.PDF"

Artigo 3º.-Requisitos dos solicitantes.

Os candidatos á obtención dalgún dos contratos correspondentes ao Programa Isidro Parga Pondal deberán acreditar, con data límite que coincida coa finalización do prazo de presentación de solicitudes, o cumprimento dos seguintes requisitos:

1. Posuír calquera nacionalidade.

2. Estar en posesión do grao de doutor e que este fose obtido en data igual ou posterior ao 1 de xaneiro de 1998 e anterior ao 1 de xaneiro de 2006.

a) Entenderase como data de obtención do título de doutor, a data de lectura e aprobación da tese de doutoramento.

b) No caso de que fose obtido no estranxeiro deberá estar homologado segundo o establecido no Real decreto 309/2005, do 18 de marzo, polo que se modifica o Real decreto 285/2004, do 20 de febreiro, polo que se regulan as condicións de homologación e validación de títulos e estudos estranxeiros de educación superior.

3. Ter realizado estadías de investigación posdoutorais en universidades ou en centros de investigación de fóra de Galicia, distintos a aquela universidade en que se expediu o seu título de doutor, durante un período mínimo de 24 meses despois de ter alcanzado o grao de doutor.

a) No caso de OPI requirirase que a estadía se levase a cabo nun centro distinto daquel en que se realizou a tese de doutoramento.

b) O devandito requisito de mobilidade non será obrigatorio para aqueles candidatos e candidatas que:

i. Cursasen integramente o doutoramento e obtivesen o grao de doutor nunha universidade estranxeira.

ii. Acrediten fidadignamente un grao de minusvalidez igual ou superior ao 65%.

4. No caso de solicitantes que estean en posesión de máis dun doutoramento, os requisitos expresados referiranse ao primeiro dos doutoramentos obtidos.

5. Non ter sido beneficiario, por un período igual ou superior a 9 meses, dun contrato do Programa Isidro Parga Pondal, Ramón y Cajal ou asimilable como consecuencia de anteriores convocatorias.

6. Non ter en vigor un contrato do Programa Isidro Parga Pondal, Ramón y Cajal ou asimilable.

Artigo 4º.-Duración das axudas.

1. A duración das axudas do Programa Isidro Parga Pondal será dun máximo de 3 anos. Os contratos establecidos ao abeiro das ditas axudas terán a mesma duración máxima, e desenvolveranse nas datas que se indiquen na correspondente resolución de adxudicación, que terán que ser entre o 1 de outubro de 2008 e o 30 de decembro de 2011.

2. Sempre que as disposicións legais e orzamentarias así o permitan, as axudas e correspondentes contratos ao Programa Isidro Parga Pondal poderán ser obxecto dunha prórroga dun máximo de 2 anos de duración, tras a publicación no DOG dunha convocatoria en que se recollan os requisitos e características desta. Os beneficiarios da dita prórroga deberán someterse, no 2º ano, ao proceso de avaliación por comités externos de avaliación para os efectos de obtención do certificado de cumprimento dos requisitos de calidade de produción e actividade científico-tecnolóxica que impliquen unha traxectoria investigadora destacada para os efectos do Programa Manuel Colmeiro.

Artigo 5º.-Dotación, número das axudas.

1. As axudas só poderán ir destinadas ao financiamento dos contratos dos candidatos seleccionados.

2. A axuda concedida para cada contrato será de 36.000,00 euros por ano de contrato, incluíndo neste importe a retribución bruta anual do contrato e o pagamento dos custos sociais.

a) Se a entidade beneficiaria formaliza un contrato que implique unha contía superior bruta a 36.000,00 euros anuais, deberá achegar a diferenza. A cantidade que achegue a institución poderá proceder dos seus orzamentos, ou doutras axudas públicas ou privadas que reciba.

b) En ningún caso serán exixibles á Consellería de Innovación e Industria máis obrigas que o cumprimento das condicións da subvención ou axuda nos termos sinalados nesta convocatoria.

3. O número máximo de contratos que poderán financiarse é de 40, que serán financiados con cargo ás aplicacións orzamentarias dos orzamentos xerais da comunidade autónoma para os anos 2008, 2009, 2010 e 2011 que a seguir se indican, e de acordo coa seguinte distribución:

Ver referencia pdf "15600D003P006.PDF"

4. As cantidades indicadas poderán ser obxeto dunha nova periodización anual no caso de que, por causas imputables ao órgano xestor, os contratos se inicien con posterioridade á data do 1 de outubro de 2008, que en todo caso terá que ser anterior ao 31 de decembro de 2008.

5. As entidades beneficiarias serán as encargadas do pagamento dos correspondentes contratos.

6. A primeira anualidade dos contratos comenzará a computarse na/s data/s que se indique/n na resolución desta convocatoria, que non será anterior ao 1 de outubro de 2008, nin posterior ao 31 de decembro do mesmo ano.

Artigo 6º.-Formalización de solicitudes e prazo de presentación.

As solicitudes deberán presentarse no modelo normalizado RHS.IPP-08/00, cuxa portada externa se publica como anexo XV a esta orde, no prazo e forma establecidos nos artigos 2º e 3º das bases xerais desta convocatoria.

Na instancia de solicitude o candidato indicará, por orde de prioridade descendente, o código das prazas a que opta, entre aquelas que figuran no anexo XII a esta orde.

Cada solicitante poderá solicitar un máximo de 3 prazas, que non poderán corresponder a máis de dúas áreas temáticas ANEP.

As solicitudes deberán acompañarse da seguinte documentación:

1. Fotocopia do documento nacional de identidade ou do documento equivalente no caso de nacionais doutros países.

2. Fotocopia compulsada do título de doutor ou doutro documento acreditativo de ter alcanzado o dito grao e a data da súa obtención. No caso de título de doutor obtido no estranxeiro, fotocopia compulsada da homologación, ou da solicitude de homologación presentada ante o órgano competente.

3. Fotocopia compulsada dos documentos que acrediten fidedignamente, segundo os casos, o cumprimento do requisito establecido no número 3 do artigo 3º deste anexo:

a) Ter cursado integramente e obtido o doutorado nunha universidade estranxeira.

b) Grao de minusvalidez igual ou superior ao 65%.

c) A realización do mínimo de 24 meses de estadías de investigación en universidades ou centros de investigación de fóra de Galicia, distintos a aquela universidade ou institución en que se expediu o seu título de doutor.

A acreditación da/s estadía/s de investigación farase mediante certificado/s (orixinal ou copia cotexada) do/s centro/s ou institución/s en que se levaron a cabo cada un dos períodos de estadía de investigación. O dito certificado deberá estar debidamente asinado polo responsable do/s dito/s centro/s ou institución/s e nel deberán constar os seguintes datos:

-Centro e institución en que se levou a cabo cada un dos períodos de estadía.

-Data de inicio e finalización do/s período/s de estadía/s, indicando día, mes e ano (dd/mm/aa).

-Breve descrición da/s actividade/s de investigación levadas a cabo no período.

4. Currículo do candidato cuberto nalgún dos modelos normalizados que figuran na páxina web da Dirección Xeral de Investigación, Desenvolvemento e Innovación e da Consellería de Innovación e Industria no enderezo http://www.conselleriaiei.org/. Unha vez debidamente cuberto, deberá enviarse á Dirección Xeral de Investigación, Desenvolvemento e Innovación da Consellería de Innovación e Industria:

a) Unha copia impresa do currículo, debidamente asinada polo interesado.

b) Unha copia do currículo en CD, que deberá coincidir exactamente coa copia impresa.

c) Fotocopia simple das publicacións ou documentos científico-técnicos, contribucións a congresos, etc., alegadas no currículo.

d) Documentos xustificativos (orixinal ou copia cotexada) dos méritos alegados no currículo: participación en proxectos de I+D, contratos de I+D, patentes ou modelos de utilidade, etc.

Non serán obxecto de valoración aqueles méritos alegados que non sexan convenientemente acreditados.

5. Ademais das declaracións indicadas de xeito xeral no punto 3 do artigo 2º das bases xerais, as seguintes declaracións:

a) Declaración xurada do solicitante de non ter sido beneficiario dun contrato establecido ao abeiro das axudas do Programa Isidro Parga Pondal, Ramón y Cajal, ou doutras homologadas, por un período igual ou superior a 9 meses.

b) Declaración xurada do solicitante de non ter en vigor un contrato do Programa Isidro Parga Pondal, Ramón y Cajal ou asimilable.

Artigo 7º.-Instrución do procedemento e tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 8º (instrución do/s procedemento/s e tramitación) das bases xerais desta convocatoria.

Artigo 8º.-Avaliación e selección das solicitudes.

Un. Avaliación: a avaliación científico-técnica dos méritos dos candidatos será realizada por comités, que abranguerán unha ou máis áreas ANEP, constituídos por expertos externos e designados pola Dirección Xeral de Investigación, Desenvolvemento e Innovación. Para os efectos da súa avaliación e tendo en conta a/s área/s ANEP, as solicitudes recibidas agruparanse en comités que abranguerán unha ou máis áreas ANEP.

No proceso de avaliación das solicitudes os comités de expertos externos deberán ter en conta as seguintes consideracións:

1ª Puntuar os méritos alegados e debidamente xustificados polos candidatos en cada unha das epígrafes do currículo obxecto da avaliación, dándolles especial relevancia ás contribucións feitas nos últimos tres anos.

2ª Os comités valorarán, ata un máximo de 90 puntos, os seguintes aspectos:

1.-Publicacións de carácter científico: máximo 40 puntos.

1.1.-Libros (con ISBN): máximo 40 puntos. A avaliación de libros farase tendo en conta a calidade da editorial segundo o seu prestixio nacional ou internacional e o grao de exixencia e rigor científico nos procesos de selección dos traballos publicados.

1.2.-Capítulos de libro (con ISBN): máximo 10 puntos. A avaliación de capítulos de libros farase tendo en conta a calidade da editorial segundo o seu prestixio nacional ou internacional e o grao de exixencia e rigor científico nos procesos de selección dos traballos publicados.

1.3.-Publicacións en revistas científicas: máximo 40 puntos.

-Tipo A (revistas que aparecen no Sciencie Citation Index, no Social Sciences Citation Index (SSCI) ou no Arts & Humanities Citation Index (AHCI): máximo 40 puntos.

-Tipo B (revistas de prestixio non catalogadas como tipo A, que empregan un proceso de revisión de artigos a través de censores externos): máximo 5 puntos.

-Tipo C (revistas de investigación non incluídas nas epígrafes anteriores): máximo 1 punto.

2.-Participación en proxectos, contratos de investigación e patentes: máximo 30 puntos.

2.1.-Participación en proxectos de investigación autonómicos, nacionais e europeos: máximo 30 puntos.

-Proxectos europeos ou internacionais: máximo 30 puntos.

-Proxectos nacionais: máximo 10 puntos.

-Proxectos autonómicos: máximo 5 puntos.

2.2.-Participación en contratos de investigación: máximo 30 puntos.

-Contratos con empresas: máximo 30 puntos.

-Contratos coa administración: máximo 10 puntos.

-Informes técnicos e outros: máximo 5 puntos.

2.3.-Patentes rexistradas ou en explotación: máximo 10 puntos.

-En explotación: máximo 10 puntos.

-Rexistradas: máximo 5 puntos.

3.-Outros méritos académico-científicos dos candidatos: máximo 20 puntos

3.1.-Estadías posdoutorais en universidades ou centros de investigación distintos daquela universidade ou institución en que se expediu o seu título de doutor/a: máximo 5 puntos.

-Os comités de expertos só deberán ter en consideración a relevancia científica da/s actividade/s investigadora/s, relacionadas coa área temática e coa área de coñecemento, levada/s a cabo durante os períodos de estadía.

3.2.-Relatorios e comunicacións en congresos ou reunións científicas: máximo 2,5 puntos.

-Relatorios en congresos internacionais: máximo 2,5 puntos.

-Relatorios en congresos nacionais: máximo 1,5 puntos.

-Comunicacións en congresos internacionais: máximo 1 punto.

-Comunicacións en congresos nacionais: máximo 0,5 puntos.

3.3.-Teses de doutoramento dirixidas: máximo 10 puntos.

-Teses dirixidas: máximo 10 puntos.

-Teses codirixidas: máximo 5 puntos.

3.4.-Outros méritos académico-científicos dos candidatos: máximo 2,5 puntos. Valoraranse aqueloutros méritos académico-científicos relacionados coa súa área temática e área de coñecemento, do máximo de 5 méritos desta epígrafe do currículo sinalados polo solicitante.

Dous. Selección dos candidatos: realizada a avaliación polos comités de expertos externos, a selección dos candidatos efectuaraa a comisión de selección establecida no artigo 9 da bases xerais desta convocatoria, consonte o baremo seguinte:

1.-Avaliación científico-técnica do candidato realizada polos expertos externos: ata 90 puntos.

2.-A avaliación por parte da comisión de selección (máximo 10 puntos):

-Pola corrección da solicitude e documentación correspondente (sen que sexa necesaria a emenda): 0,5 puntos.

-Polo compromiso do solicitante, mediante declaración persoal, de utilización da lingua galega en todas as relacións que o interesado manteña coa Administración autonómica: 0,5 puntos.

-Pola adecuación do currículo do candidato ao perfil de cada unha da/s praza/s solicitada/s segundo o indicado na táboa seguinte: ata un máximo de 9 puntos.

Adecuación Puntuación

Discutible 1

Aceptable 3

Boa 5

Notable 7

Excelente 9

Tres. Os solicitantes de axudas de nova adxudicación correspondentes ao Programa Isidro Parga Pondal ordenaranse por orde decrecente de puntos e adxudicaranse as axudas, comenzando polo candidato e praza de maior puntuación.

Catro. A comisión elaborará unha lista de agarda por orde decrecente de puntuación, na que figurarán os solicitantes que, cumprindo os requisitos, non alcanzaron puntuación suficiente para ser adxudicatarios de axuda pero teñen unha puntuación igual ou superior á mínima establecida pola comisión de selección.

Cinco. A proposta de concesión formulada pola comisión, así como a lista de agarda para posibles substitucións, publicarase na internet, na epígrafe de axudas do enderezo http://www.conselleriaiei.org/. A dita publicación terá só efectos informativos.

Artigo 9º.-Resolución e notificación.

A Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no DOG, segundo o indicado no artigo 10º das bases xerais desta.

Artigo 10º.-Formalización dos contratos e pagamento das axudas.

1. Publicada a resolución no DOG, as institucións e entidades beneficiarias procederán á contratación dos candidatos seleccionados para os seus organismos mediante a formalización de contratos laborais de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo.

2. Os contratos terán unha duración máxima de 3 anos e desenvolveranse nas datas que se indiquen na correspondente resolución de adxudicación, que terán que ser entre o 1 de outubro de 2008 e o 30 de decembro de 2011.

3. Nos contratos deberá facerse referencia expresa a:

a) O seu financiamento con cargo ao Programa Isidro Parga Pondal da Consellería de Innovación e Industria da Xunta de Galicia e, se é o caso, o seu cofinanciamento polo Fondo Social Europeo.

b) Data de incorporación efectiva do beneficiario ao seu posto de traballo.

c) A retribución bruta anual, lugar de prestación de servizos do beneficiario e a duración do contrato.

4. O pagamento das axudas pola Consellería de Innovación e Industria ás institucións ou entidades beneficiarias levarase a cabo do modo seguinte:

-Un único pagamento do período do ano 2008 polo gasto efectivamente realizado, unha vez que as institucións ou entidades beneficiarias certifiquen a sinatura dos contratos, acompañada dunha copia cotexada destes. O devandito período empezará a computarse na data de sinatura do/s correspondente/s contrato/s.

-Catro pagamentos de periodicidade semestral correspondentes aos anos 2009, 2010 e un pagamento correspondente ao 1º semestre do ano 2011, logo da xustificación do gasto realizado.

-O pagamento do último período correspondente ao ano 2011, ata a finalización da actividade, quedará pendente, ademais da xustificación do gasto realizado, da achega da declaración complementaria de axudas indicada na alínea d) do artigo 13º (obrigas dos beneficiarios) das bases xerais desta orde.

Poderán realizarse pagamentos anticipados ata o límite do 10% da axuda concedida, nas condicións establecidas na normativa vixente.

Artigo 11º.-Condicións de aproveitamento.

Estas axudas son incompatibles coa realización doutro traballo remunerado ou o aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das seguintes accións formativas: asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación; así como cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

Artigo 12º.-Renuncias e substitucións dos candidatos seleccionados e contratados.

1. A renuncia deberá comunicarse mediante escrito motivado do candidato seleccionado, dirixido ao director xeral de I+D+I, nun prazo máximo de 15 días naturais, antes de que se teña producido. O candidato seleccionado deberá trasladar copia da antedita comunicación, segundo corresponda:

-Ao vicerreitor ou vicerreitora de investigación, ou cargo equivalente, no caso das universidades.

-Ao director do centro, no caso das institucións non universitarias.

-Ao representante legal no caso dos organismos da administración beneficiarios.

2. En canto ás substitucións, no caso de que se produza algunha renuncia, o órgano de resolución da convocatoria poderá adxudicar a axuda aos solicitantes da lista de agarda, sempre e cando a renuncia se produza durante os primeiros nove meses de contrato. O substituto quedará suxeito ás mesmas condicións e polo tempo restante do aproveitamento da axuda. En ningún caso o período correspondente á substitución poderá rematar máis alá da data xeral de finalización indicada para os contratos na correspondente resolución.

Artigo 13º.-Interrupcións.

O persoal investigador contratado ao abeiro das axudas do Programa Isidro Parga Pondal estará suxeito ao establecido na lexislación vixente.

Artigo 14º.-Dereitos dos candidatos contratados.

Os beneficiarios das axudas correspondentes ao Programa Isidro Parga Pondal teñen dereito a percibir a axuda económica correspondente, a beneficiarse dos dereitos de carácter laboral e os relativos aos da Seguridade Social, que deriven do contrato que formalicen co organismo, centro ou entidade de adscrición, así como a gozar dos dereitos e prestacións que ten o persoal do centro de similar categoría co obxecto de que cumpran as súas obrigas.

Artigo 15º.-Obrigas dos candidatos contratados.

Os candidatos seleccionados e contratados mediante as axudas correspondentes ao Programa Isidro Parga Pondal teñen as seguintes obrigas:

a) Cumprir as condicións e obrigas establecidas nesta convocatoria.

b) Aterse ao réxime interno ou de funcionamento do organismo ou institución en que desenvolva as súas actividades, especialmente no relativo a condicións de traballo e normas de prevención de riscos laborais.

c) Residir na Comunidade Autónoma de Galicia, agás durante os períodos de formación a que expresamente se autoricen.

d) Os investigadores que sexan contratados ao abeiro do disposto nesta orde poderán, por petición propia, prestar colaboracións complementarias tales como tarefas docentes, neste último caso ata un máximo de cento vinte horas anuais. O departamento implicado documentará debidamente a devandita colaboración para os efectos de concurso e respectando a normativa vixente de incompatibilidades.

Artigo 16º.-Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal investigador contratado ao abeiro das axudas deste anexo, sen prexuízo das derivadas da relación laboral que se estableza:

a) Cumprir as condicións e obrigas establecidas nesta convocatoria.

b) Proporcionarlles o apoio necesario e facilitarlles a utilización dos medios, instrumentos ou equipos que resultan precisos, para o normal desenvolvemento da súa actividade.

c) Permitir a súa integración nos departamentos, institutos e organismos públicos ou privados en que leven a cabo a súa investigación. Os centros onde se integren os contratos Isidro Parga Pondal estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

d) No caso do persoal investigador contratado ao abeiro do disposto nesta orde, que desenvolva a súa actividade nunha universidade, permitirlle prestar -por petición propia- colaboracións complementarias, tales como tarefas docentes, neste último caso ata un máximo de 120 horas anuais. O departamento implicado documentará debidamente a devandita colaboración para os efectos de concurso e respectando a normativa vixente de incompatibilidades.

Anexo IV

Programa Lucas Labrada de axudas ao fomento da formación e especialización de tecnólogos e axentes de innovación e xestión de proxectos de I+D+i en organismos públicos e privados de investigación da Comunidade Autónoma de Galicia (nova adxudicación)

Artigo 1º.-Obxectivo e finalidade.

O obxectivo do programa Lucas Labrada é fortalecer a capacidade investigadora dos centros de I+D de Galicia, tanto do sector público como do privado, e mellorar a capacidade tecnolóxica das empresas, mediante o apoio a formación e especialización de tecnólógos e axentes de innovación e xestión de proxectos de I+D+i en organismos públicos e privados de investigación da Comunidade Autónoma de Galicia.

Esta convocatoria establece as bases que regulan en réxime de publicidade, obxectividade e concorrencia competitiva, a concesión de axudas a organismos públicos de investigación e centros tecnolóxicos destinadas á contratación de tecnólogos e axentes de innovación e xestión de proxectos de I+D+i. As ditas axudas teñen como finalidade fortalecer a súa formación e especialización nos organismos de investigación da Comunidade Autónoma de Galicia.

Artigo 2º.-Beneficiarios e modalidade das axudas.

1. Poderán ser solicitantes e beneficiarios das axudas correspondentes ao Programa Lucas Labrada os centros de I+D que se indican no punto seguinte, que fomenten a contratación de titulados de FP de grao superior, titulados universitarios de só 1º ciclo ou titulados universitarios de 1º e 2º ciclo, mediante un contrato laboral de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo, en virtude do cal o persoal seleccionado quedará vinculado ao centro de formación onde desenvolva o seu labor como tecnólogo ou axente de innovación e xestión de proxectos de I+D+i, asumindo ambas as dúas partes as obrigas contractuais que deriven del, e que, en todo caso, se adecuarán ao contido da solicitude de axuda.

2. Para os efectos das axudas previstas neste anexo, enténdese por centros de I+D:

a) Grupos de investigación das universidades do SUG, dos organismos públicos de investigación (OPI), que na data de publicación da orde de convocatoria estean recoñecidos como tales pola súa universidade ou organismo público de investigación de orixe e non teñan vixente unha axuda do Programa Lucas Labrada de nova adxudicación correspondente ao ano 2007. Tales grupos deben ter unha composición mínima de 3 doutores, dos cales un deles debe ter vinculación permanente coa universidade ou organismo público de investigación.

b) Os servizos centrais de investigación das universidades do SUG.

c) Os entes e centros públicos de investigación da Comunidade Autónoma de Galicia (CEPIGA).

d) Os centros tecnolóxicos da Comunidade Autónoma de Galicia que a seguir se indican:

* Fundación para o Fomento da Calidade Industrial e Desenvolvemento Tecnolóxico de Galicia:

-Centro de Innovación e Servizos - CIS Tecnoloxía e Deseño.

-Centro de Innovación e Servizos Tecnolóxicos da Madeira (CIS-Madeira).

-Laboratorio Oficial de Metroloxía de Galicia.

* Centro Tecnolóxico Armando Priegue (AIMEN).

* Centro Tecnolóxico da Carne.

* Centro Tecnolóxico Nacional de Conservación de Produtos de Pesca (ANFACO-CECOPESCA).

* Centro de Supercomputación de Galicia (CESGA).

* Centro Tecnolóxico do Mar (CETMAR).

* Centro Tecnolóxico da Automoción de Galicia (CTAG).

* Centro Tecnolóxico Galego de Acuicultura (CETGA).

* Centro Tecnolóxico da Pesca de Celeiro (CETPEC).

* Centro Tecnolóxico do Granito de Galicia.

* Centro Tecnolóxico da Lousa de Galicia.

e) Os organismos autónomos e outros entes públicos da Comunidade Autónoma de Galicia.

f) Os centros de investigación vinculados a institucións sen fin de lucro dependentes das administracións públicas: CHUS, CHUVI, CHU Juan Canalejo, Fundación Cabaleiro Goás, Fundación Rof Codina.

3. Establécense as seguintes modalidades de axudas:

Ver referencia pdf "15600D003P006.PDF"

4. Só será admitida unha solicitude de axuda correspondentes ao Programa Lucas Labrada por grupo de investigación ou entidade solicitante. Nesta deberá propoñerse un máximo de 3 candidatos, indicando a orde de prelación entre eles.

Artigo 3º.-Requisitos dos tecnólogos e axentes de innovación e xestión de proxectos de I+D propostos.

Os candidatos propostos polas entidades solicitantes das axudas do Programa Lucas Labrada deberán cumprir, con data límite que coincida coa finalización do prazo de presentación de solicitudes, os seguintes requisitos:

1.-Posuír calquera nacionalidade.

2.-Estar en posesión dalgún dos seguintes títulos e que este fose acadado en data posterior ao 1 de xaneiro de 2006:

a) Título de formación profesional de grao superior.

b) Título universitario de só 1º ciclo.

c) Título universitario de 1º e 2º ciclo.

2.1.-O prazo de 1 de xaneiro de 2006 ampliarase ao de 1 de xaneiro de 2005 naqueles casos en que no dito período se acredite fidedignamente algún dos seguintes supostos: baixa maternal, que teñan a cargo menores de 3 anos, que teñan baixo a súa dependencia directa e legal e vivindo ás súas expensas consorte, fillos e/ou ascendentes de 1º grao de consanguinidade o afinidade ou tutelados por sentenza xudicial firme, persoas con discapacidade física, psíquica ou sensorial, recoñecidos como tales e cun grao de minusvalidez igual ou superior ao 33%.

2.2.-No caso de títulos de formación profesional, universitarios de 1º ciclo e de 1º e 2º ciclo obtidos no estranxeiro ou en centros privados españois deberán estar recoñecidos oficialmente.

3.-Non ter mantido relación contractual coa entidade solicitante en data anterior ao 1º de xaneiro do ano da convocatoria.

Artigo 4º.-Duración das axudas.

As axudas para fomento da formación e especialización de tecnólogos e axentes de innovación e xestión de proxectos de I+D+i concedidas con cargo ao Programa Lucas Labrada terán unha duración máxima de dous anos. Os contratos establecidos ao abeiro das devanditas axudas terán a mesma duración, para desenvolver nas datas que se indiquen na correspondente resolución de adxudicación, e que terán que ser entre o 1 de outubro de 2008 e o 30 de decembro de 2010.

Artigo 5º.-Dotación, número e financiamento das axudas.

1. As axudas só poderán ir destinadas ao financiamento dos contratos dos candidatos propostos. A axuda concedida para cada contrato e ano, incluíndo nese importe a retribución bruta anual do contrato e o pagamento dos custos sociais, será a seguinte:

a) Titulados/as de formación profesional de grao superior e universitarios de só 1º ciclo: 18.000 €/ano.

b) Titulados/as universitarios/as superiores: 21.000 €/ano.

As contías indicadas serán iguais para todas as anualidades da axuda.

2. Se a entidade beneficiaria formaliza un contrato que implique unha contía bruta superior as indicadas no punto 1 deste artigo, deberá achegar a diferenza. A cantidade que achegue a institución poderá proceder dos seus orzamentos, ou doutras axudas públicas ou privadas que reciba.

En ningún caso serán exixibles á Consellería de Innovación e Industria outras obrigas que o cumprimento das condicións da subvención ou axuda nos termos sinalados nesta convocatoria.

3. O número máximo de contratos de custo máis alto que poderán financiarse é de 54, que serán financiados con cargo ás aplicacións orzamentarias dos orzamentos xerais da comunidade autónoma para os anos 2008, 2009 e 2010 que a seguir se indican, e de acordo coa seguinte distribución:

Ver referencia pdf "15600D003P006.PDF"

4. As cantidades indicadas poderán ser obxeto dunha nova periodización anual no caso de que, por causas imputables ao órgano xestor, os contratos se inicien con posterioridade á data do 1 de outubro de 2008, que en todo caso terá que ser anterior ao 31 de decembro do mesmo ano.

5. As entidades beneficiarias serán as encargadas do pagamento dos correspondentes contratos.

6. A primeira anualidade das axudas concedidas comenzará a computarse na/s data/s que se indique/n na resolución desta convocatoria, que non será anterior ao 1 de outubro de 2008, nin posterior ao 31 de decembro do mesmo ano.

Artigo 6º.-Formalización de solicitudes e prazo de presentación.

Os grupos e entidades que desexen participar nesta convocatoria presentarán, no prazo e forma establecidos nos artigos 2º e 3º da bases xerais desta convocatoria, unha única solicitude. A tal efecto, deberán:

1º Cubrir o formulario de solicitude, segundo o modelo normalizado RHS.LL-08/00 do cal a portada externa se publica como anexo XVI a esta orde, que contén os seguintes puntos:

1.-Datos de identificación do solicitante e/ou da entidade solicitante e os relativos á notificación

2.-Datos sobre o perfil e características básicas de cada un dos tecnólogos, axentes de innovación ou de xestión de proxectos de I+D propostos, indicando a orde de prelación entre eles, así como os datos correspondentes ao centro ou centros a que se incorporarán.

3. No caso de grupos de investigación (modalidade A), certificación do organismo correspondente que acredite a data de publicación desta convocatoria, o cumprimento do requisito establecido no punto 2 a) do artigo 2º deste anexo.

4. As declaracións indicadas de xeito xeral no punto 3 do artigo 2º da bases xerais desta orde.

2º Xunto co formulario de solicitude deberán acompañar a memoria descritiva da entidade solicitante, que inclúe, segundo a modalidade de que se trate, os seguintes puntos:

Modalidade A:

1. Produtividade científica: medida a partir do número de doutores/as e tramos de produtividade investigadora (sexenios) ou compoñente por méritos investigadores -no caso do CSIC-, indicando datos persoais e número de tramos de investigación por membro do grupo.

2. Capacidade de formación: medida a partir do número de teses de doutoramento dirixidas e lidas no período do 1-1-2002 ao 31-12-2007, indicando datos do doutorando, data de lectura e aprobación da tese e director desta.

3. Recoñecemento da actividade científica: medida a partir da relación de proxectos de investigación concedidos no período do 1-1-2002 ao 31-12-2007, en convocatorias da Comunidade Autónoma de Galicia, nacionais e/ou internacionais en que os investigadores do grupo fosen investigadores principais (exclúense os proxectos de infraestruturas, adquisición de material científico), e ingresos acadados.

4. Capacidade de transferencia de tecnoloxía: medida a partir dos seguintes ítems:

4.1. Contratos con empresas e/ou entidades públicas e ingresos acadados durante o período do 1-1-2002 ao 31-12-2007.

4.2. Patentes rexistradas e en explotación no período do 01.01.2002 ao 31.12.2007.

Modalidade B:

1. Capacidade de recursos humanos propios: medida a partir do número e tipo de titulados en relación co cadro de persoal do centro ou empresa.

2. Capacidade de captación de recursos económicos en I+D+i: medida a partir dos ingresos por I+D+i no período do 1-1-2002 ao 31-12-2007.

3. Recoñecemento da actividade científica: medida a partir da relación de proxectos de investigación concedidos no período do 1-1-2002 ao 31-12-2007, en convocatorias da Comunidade Autónoma de Galicia, nacionais e/ou internacionais en que os investigadores do centro fosen investigadores principais (exclúense os proxectos de infraestruturas, adquisición de material científico), e ingresos acadados.

4. Capacidade de transferencia en I+D+i: medida en función das patentes rexistradas e en explotación no período do 1-1-2002 ao 31-122007.

3º Ademais, presentarán a seguinte documentación adicional:

A. Documentación adicional relativa á/s persoa/s que se contratarán:

1. Fotocopia do documento nacional de identidade ou do documento equivalente no caso de nacionais doutros países.

2. Fotocopia compulsada do título correspondente (FP, universitario) ou doutro documento acreditativo de ter acadado o dito título e -de ser o caso- de que este está recoñecido oficialmente, e a data da súa obtención. As persoas que se acollan ao suposto establecido no número 2.1 do artigo 3º deste anexo deberán acreditalo documentalmente.

3. Memoria (mínimo 1 folio e máximo 3) da actividade que realizará a tecnólogo, axente de innovación ou de xestión de proxectos de I+D dentro do centro, indicando as tarefas que vaia desenvolver este. Deberase xuntar unha memoria por cada un dos candidatos propostos.

4. Acordo de incorporación entre o centro de I+D e os tecnólogos, axentes de innovación ou xestión de proxectos de I+D+i propostos. Deberá xuntarse un acordo de incorporación para cada un dos tecnólogos, axentes de innovación ou xestión de proxectos de I+D+i propostos.

B. Declaración responsable do representante legal da entidade solicitante de que o candidato ou candidatos propostos non mantiveron relación contractual coa dita entidade en data anterior ao 1 de xaneiro de 2008.

C. Documentación adicional referida á entidade solicitante (só no caso de centros de I+D+i privados):

a) Unha copia compulsada do CIF da entidade solicitante.

b) Unha copia compulsada do xustificante de alta na Seguridade Social.

c) Unha copia compulsada do poder bastante con que actúa o representante legal da entidade solicitante.

d) Unha copia compulsada do documento nacional de identidade do representante legal da entidade.

e) Unha copia compulsada da escritura de constitución da entidade e modificacións no seu caso, da persoa xurídica a que representa, debidamente inscrita no Rexistro Mercantil ou Industrial.

Artigo 7º.-Instrución do procedemento e tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo os servizos da dita dirección xeral segundo o establecido no artigo 8º (Instrución do/s procedemento/s e tramitación) das bases xerais desta convocatoria.

Artigo 8º.-Avaliación e selección das solicitudes

1. O proceso de avaliación e selección das solicitudes será levada a cabo pola comisión de selección indicada no artigo 9 º(avaliación e selección das solicitudes) das bases xerais desta convocatoria. No proceso de avaliación das solicitudes a comisión poderá contar -de consideralo necesario- co apoio de expertos externos. No dito proceso valorará, ata un máximo de 100 puntos, os seguintes aspectos:

A. Memoria descritiva da entidade solicitante, (segundo as modalidades que se indican): ata un máximo de 90 puntos.

1. Modalidade A

A1. Produtividade científica: medida a partir do número de doutores/as e tramos de produtividade investigadora: máximo 25 puntos.

* Por doutor/a sen sexenios: 0,10 puntos

* Por membro con 1 sexenio: 0,50 puntos

* Por membro con 2 sexenios: 1,50 puntos

* Por membro con = 3 sexenios: 3,00 puntos

A2. Capacidade de formación: medida a partir do número de teses de doutoramento dirixidas e lidas no período do 1-1-2002 ao 31-12-2007: máximo 15 puntos.

* Por tese de doutoramento lida e dirixida: 0,50 puntos.

A3. Recoñecemento da actividade científica: medida a partir da relación de proxectos de investigación concedidos no período do 1-1-2002 ao 31-12-2007, en convocatorias públicas da Comunidade Autónoma de Galicia, nacionais e/ou internacionais, en que os investigadores/as do grupo fosen investigadores/as principais (exclúense os proxetos de infraestruturas), e ingresos acadados: máximo 25 puntos.

-Por cada proxecto internacional: 3,0 puntos.

-Por cada proxecto do plan nacional: 1,0 punto.

-Por cada proxecto do PGIDIT-Incite: 0,5 puntos

A4. Capacidade de transferencia de tecnoloxía: medida a partir dos seguintes ítems (máximo 25 puntos):

A4.1. Ingresos acadados -durante o período do 1-1-2002 ao 31-12-2007- por contratos con empresas e/ou entidades públicas: máximo 25 puntos.

-Por cada tramo de 12.000€ (sen IVE): 0,15 puntos.

A4.2. Patentes rexistradas e/ou en explotación: máximo 10 puntos.

-En explotación: 3,0 puntos/patente.

-Rexistradas: 1,0 punto/patente.

2.-Modalidade B.

B1. Capacidade de recursos humanos propios: medida a partir dos seguintes indicadores en relación co cadro de persoal do centro: máximo 20 puntos.

-Titulados universitarios superiores (licenciados ou equivalentes): 0,50 ptos./ titulado/a.

-Doutores/as: 1,25 ptos./doutor/a.

B2. Capacidade de captación de recursos económicos en I+D+i: medida a partir dos ingresos por I+D+i no período do 1-1-2002 ao 31-12-2007: máximo 35 puntos.

* Ingresos I+D+i mediante financiación privada: máximo 25 puntos.

-Por cada tramo de 250.000€: 0,25 puntos.

* Ingresos I+D+i mediante financiación pública: máximo 10 puntos.

-Por cada tramo de 250.000€: 0,25 puntos.

B3. Recoñecemento da actividade científica: medida a partir da relación de proxectos de investigación concedidos no período do 1-1-2002 ao 31-12-2007, en convocatorias públicas da Comunidade Autónoma de Galicia, nacionais e/ou internacionais, en que os investigadores/as do grupo fosen investigadores/as principais, (exclúense os proxectos de infraestruturas), e ingresos acadados: máximo 25 puntos.

-Por cada proxecto internacional: 3,0 puntos.

-Por cada proxecto do plan nacional: 1,0 punto.

-Por cada proxecto do PGIDIT-Incite: 0,5 puntos.

B4. Patentes rexistradas ou en explotación: (máximo 10 puntos):

-En explotación: 3,0 puntos/patente.

-Rexistradas: 1,0 punto/patente.

B) Outros aspectos: ata un máximo de 10 puntos.

1.-Por memoria (mínimo 1 folio e máximo 3) da actividade que van realizar o/s tecnólogo/s, axente/s de innovación ou de xestión de proxectos de I+D dentro do centro: máximo 5,0 puntos.

2.-Por corrección da solicitude e documentación correspondente (sen que sexa necesaria a súa emenda): máximo 2,5 puntos.

3.-Pola presentación da memoria e documentación en galego: 1,5 puntos.

4.-Polo compromiso do solicitante, mediante declaración persoal, de utilización da lingua galega en todas as relacións que o interesado manteña coa Administración autonómica: 1,0 puntos.

2. As solicitudes de axudas ordenaranse por orde decrecente de puntuación e adxudicaranse as axudas, comenzando pola de maior puntuación. A comisión poderá acordar a adxudicación dun número mínimo e máximo de axudas para cada centro de I+D solicitante. Para a adxudicación do resto das axudas seguirase a orde decrecente de puntuación ata esgotar as previsións orzamentarias destinadas ao Programa Lucas Labrada.

3. A comisión, en previsión de posibles renuncias e/ou substitucións, poderá elaborar unha lista de agarda por orde decrecente de puntuación, en que figurarán as solicitudes que non sendo adxudicatarias de axuda acadaron a puntuación mínima establecida pola comisión de selección.

4. A proposta de concesión formulada pola comisión, así como a lista de agarda para posibles substitucións, publicarase na internet, na epígrafe de axudas do enderezo http://www.conselleriaiei.org/. A dita publicación terá só efectos informativos.

Artigo 9º.-Resolución e notificación.

A Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no DOG, segundo o indicado no artigo 10º das bases xerais desta orde.

Artigo 10º.-Pagamento das axudas.

1. Publicada a resolución no DOG, no prazo de 15 días hábiles desde a súa data de publicación, as institucións e entidades beneficiarias deberán remitir á Dirección Xeral de I+D+i da Consellería de Innovación e Industria certificación da incorporación do candidato ou candidatos propostos, acompañada da correspondente copia cotexada do contrato laboral dos candidatos propostos para os seus organismos, debidamente asinada por ambas as dúas partes.

2. Nos contratos deberá facerse referencia expresa a:

a) O seu financiamento con cargo ao Programa Lucas Labrada da Consellería de Innovación e Industria da Xunta de Galicia e, de ser o caso, o en cofinanciamento polo Fondo Social Europeo.

b) Data de incorporación efectiva do beneficiario ao seu posto de traballo.

c) A retribución bruta anual, lugar de prestación de servizos do beneficiario e a duración do contrato.

3. O pagamento das axudas pola Consellería de Innovación e Industria ás institucións ou entidades beneficiarias levarase a cabo do modo seguinte:

-Un único pagamento do período do ano 2008 polo gasto efectivamente realizado, unha vez que as institucións ou entidades beneficiarias certifiquen a sinatura dos contratos, acompañada dunha copia cotexada destes. O dito período empezará a computarse na data de sinatura do/s correspondente/s contrato/s.

-Dous pagamentos de periodicidade semestral correspondentes ao ano 2009 e outro correspondente ao 1º semestre do ano 2010, logo de xustificación do gasto realizado.

-O pagamento do último período correspondente ao ano 2010, ata a finalización da actividade, quedará pendente, ademais da xustificación do gasto realizado, da achega da declaración complementaria de axudas indicada na alínea d) do artigo 13º (obrigas dos beneficiarios) das bases xerais desta orde.

Poderán realizarse pagamentos anticipados ata o límite do 10% da axuda concedida, nas condicións establecidas na normativa vixente.

Artigo 11º.-Condicións de aproveitamento.

Os contratos realizados ao abeiro das axudas do Programa Lucas Labrada son incompatibles coa realización doutro traballo remunerado ou o aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das seguintes accións formativas: asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación; así como cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

Artigo 12º.-Renuncias e substitucións do persoal contratado.

1. No caso de que a persoa contratada ao abeiro das axudas do Programa Lucas Labrada cese na súa vinculación laboral nos termos especificados na resolución de concesión da axuda, a entidade beneficiaria poderá solicitar diante da Dirección Xeral de Investigación, Desenvolvemento e Innovación e de maneira xustificada a incorporación dun novo candidato ou candidata, na seguintes condicións:

a) O candidato proposto/a deberá cumprir os mesmos requisitos de titulación que o candidato seleccionado inicialmente.

b) O período de tempo transcorrido desde a baixa da persoa contratada inicialmente e a alta da segunda non poderá exceder dun mes.

c) No caso de aceptación do novo candidato ou candidata por parte da Dirección Xeral de Investigación, Desenvolvemento e Innovación, o novo contrato deberá presentarse no prazo dun mes desde a baixa da persoa contratada inicialmente. Transcorrido o prazo sinalado sen que se presentase o novo contrato procederase á cancelación da axuda pendente de executarse.

2. A substitución da persoa contratada inicialmente non implicará unha modificación da duración, contía e condicións iniciais da axuda.

Artigo 13º.-Interrupcións.

O persoal contratado ao abeiro das axudas do Programa Lucas Labrada estará suxeito ao establecido na lexislación vixente.

Artigo 14º.-Dereitos dos candidatos contratados.

Os candidatos e candidatas contratados/as ao abeiro das axudas correspondentes ao Programa Lucas Labrada teñen dereito a percibir a axuda económica correspondente, a beneficiarse dos dereitos de carácter laboral e dos relativos á da Seguridade Social, que deriven do contrato que formalicen co organismo, centro ou entidade de adscrición, así como a gozar dos dereitos e prestacións que ten o persoal do centro de similar categoría co obxecto de que cumpran as súas obrigas.

Artigo 15º.-Obrigas dos candidatos contratados.

Os candidatos contratados mediante as axudas correspondentes ao Programa Lucas Labrada teñen as seguintes obrigas:

a) Cumprir as condicións e obrigas establecidas nesta convocatoria.

b) Aterse ao réxime interno ou de funcionamento do organismo ou institución en que desenvolva as súas actividades, especialmente no relativo a condicións de traballo e normas de prevención de riscos laborais.

c) Residir na Comunidade Autónoma de Galicia, agás durante os períodos de formación a que expresamente se lles autorice.

Artigo 16º.-Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal contratado ao abeiro das axudas deste anexo, sen prexuízo das derivadas da relación laboral que se estableza:

a) Cumprir as condicións e obrigas establecidas nesta convocatoria.

b) Formalizar ou ter formalizado un contrato de traballo co candidato seleccionado, cunha duración -como mínimo- igual á do período para o que se concede a axuda establecida na resolución de concesión.

c) Proporcionarlle o apoio necesario e facilitarlle a utilización dos medios, instrumentos ou equipamentos que resultan precisos para o normal desenvolvemento da súa actividade.

d) Permitir a súa integración nos departamentos, institutos e organismos públicos ou privados en que leven a cabo o seu labor. Os centros onde se integren os contratos Lucas Labrada estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

Anexo V

Programa Isabel Barreto de axudas a incorporación de tecnólogos e axentes de innovación e xestión de proxectos de I+D+i en organismos públicos e privados de investigación da Comunidade Autónoma de Galicia (nova adxudicación)

Artigo 1º.-Obxectivo e finalidade.

O obxectivo do programa Isabel Barreto é fortalecen a capacidade investigadora dos centros de I+D de Galicia, tanto do sector público como do privado, e mellorar a capacidade tecnolóxica das empresas, mediante o apoio á incorporación de tecnólogos e axentes de innovación e xestión de proxectos de I+D+i en organismos públicos e privados de investigación da Comunidade Autónoma de Galicia.

Esta convocatoria establece as bases que regulan en réxime de publicidade, obxectividade e concorrencia competitiva, a concesión de axudas a organismos públicos de investigación e centros tecnolóxicos destinadas á incorporación neles de tecnólógos e axentes de innovación e xestión de proxectos de I+D+i coa finalidade de fortalecen a capacidade investigadora dos centros de I+D.

Artigo 2º.-Beneficiarios e modalidade das axudas.

1. Poderán ser solicitantes e beneficiarios das axudas correspondentes ao Programa Isabel Barreto os centros de I+D que se indican no punto seguinte, que fomenten a contratación de titulados de FP de grao superior, titulados universitarios de só 1º ciclo, titulados universitarios de 1º e 2º ciclo, e doutores, mediante un contrato laboral de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo, en virtude do cal o persoal seleccionado quedará vinculado ao centro de formación onde desenvolva o seu labor como tecnólogo ou axente de innovación e xestión de proxectos de I+D+i, asumindo ámbas as dúas partes as obrigas contractuais que deriven del, e que en todo caso se adecuarán ao contido da solicitude de axuda.

2. Para os efectos das axudas previstas neste anexo, enténdense por centros de I+D:

a) Grupos de investigación das universidades do SUG, dos organismos públicos de investigación (OPIs), que na data de publicación da orde de convocatoria estean recoñecidos como tales pola súa universidade ou organismo público de investigación de orixe e non teñan vixente unha axuda do programa Isabel Barreto de nova adxudicación correspondente ao ano 2007. Tales grupos deben ter unha composición mínima de 3 doutores, dos cales un deles debe ter vinculación permanente co universidade ou organismo público de investigación.

b) Os servizos centrais de investigación das Universidades do SUG.

c) Os entes e centros públicos de investigación da Comunidade Autónoma de Galicia (CEPIGA).

d) Os centros tecnolóxicos da Comunidade Autónoma de Galicia que a seguir se indican:

* Fundación para o Fomento da Calidade Industrial e Desenvolvemento Tecnolóxico de Galicia:

-Centro de Innovación e Servizos - CIS Tecnoloxía e Deseño.

-Centro de Innovación e Servizos Tecnolóxicos da Madeira (CIS-Madeira).

-Laboratorio Oficial de Metroloxía de Galicia.

* Centro Tecnolóxico Armando Priegue (AIMEN).

* Centro Tecnolóxico da Carne.

* Centro Tecnolóxico Nacional de Conservación de Produtos de Pesca (ANFACO-CECOPESCA).

* Centro de Supercomputación de Galicia (CESGA).

* Centro Tecnolóxico do Mar (CETMAR).

* Centro Tecnolóxico da Automoción de Galicia (CTAG).

* Centro Tecnolóxico Galego de Acuicultura (CETGA).

* Centro Tecnolóxico da Pesca de Celeiro (CETPEC).

* Centro Tecnolóxico do Granito de Galicia.

* Centro Tecnolóxico da Lousa de Galicia.

e) Os organismos autónomos e outros entes públicos da Comunidade Autónoma. de Galicia

f) Os centros de investigación vinculados a institucións sen fin de lucro dependentes das administracións públicas: CHUS, CHUVI, CHU Juan Canalejo, Fundación Cabaleiro Goás, Fundación Rof Codina.

3. Establécense as seguintes modalidades de axudas:

Ver referencia pdf "15600D003P006.PDF"

4. Só será admitida unha solicitude de axudas correspondentes ao Programa Isabel Barreto por grupo de investigación ou entidade solicitante. Nela deberá propoñerse un máximo de 3 candidatos, sinalando a orde de prelación eles mesmos.

Artigo 3º.-Requisitos dos tecnólogos e axentes de innovación e xestión de proxectos de I+D.

1. Os candidatos propostos polas entidades solicitantes para a obtención dalgunha das axudas do Programa Isabel Barreto deberán cumprir, con data límite que coincida coa finalización do prazo de presentación de solicitudes, os seguintes requisitos:

1.-Posuír calquera nacionalidade.

2.-Estar en posesión dalgún dos seguintes títulos, e que este fose acadado en data anterior ao 1 de xaneiro de 2006.

a) Título de formación profesional de grao superior.

b) Título universitario de só 1º ciclo.

c) Título universitario de 1º e 2º ciclo.

d) Título de doutor.

2.1.-No caso do título de doutor, entenderase como data de obtención do título de doutor a data de lectura e aprobación da tese de doutoramento.

2.2.-No caso de que o título de doutor/a fose obtido no estranxeiro deberá estar homologado segundo o establecido no Real decreto 309/2005, do 18 de marzo, polo que se modifica o Real decreto 285/2004, do 20 de febreiro, polo que se regulan as condicións de homologación e validación de títulos e estudos estranxeiros de educación superior.

2.3.-No caso de títulos de formación profesional, universitarios de 1º ciclo e de 1º e 2º ciclo obtidos no estranxeiro ou en centros privados españois deberán estar recoñecidos oficialmente.

3.-Contar cunha experiencia profesional mínima de 24 meses de duración como tecnólogo/a, axente de innovación ou de xestión de proxectos de I+D. A devandita experiencia acreditarase mediante certificado de vida laboral emitido pola Tesourería Xeral da Seguridade Social (orixinal ou copia cotexada) e deberá acompañarse do certificado de empresa ou copia cotexada dos contratos de traballo, onde se indique a categoría desempeñada.

Artigo 4º.-Duración das axudas.

1. As axudas para o fomento da formación e especialización de tecnólogos e axentes de innovación e xestión de proxectos de I+D+i concedidas con cargo ao Programa Isabel Barreto terán unha duración máxima de dous anos. Os contratos establecidos ao abeiro das devanditas axudas terán a mesma duración, para desenvolver nas datas que se indiquen na correspondente resolución de adxudicación, e que terá que ser entre o 1 de outubro de 2008 e o 30 de decembro de 2010.

2. Sempre que as disposicións legais e orzamentarias así o permitan, as axudas e contratos correspondentes ao Programa Isabel Barreto poderán ser obxecto de prórroga tras a publicación no DOG dunha convocatoria en que se recollan os requisitos e características desta.

Artigo 5º.-Dotación, número e financiamento das axudas.

1. As axudas só poderán ir destinadas ao financiaciamento dos contratos dos candidatos seleccionados. A axuda concedida para cada contrato e ano será a seguinte:

a) Titulados/as de formación profesional de grao superior e universitarios de só 1º ciclo: 24.000€/ano.

b) Titulados/as universitarios superiores: 31.000€/ano.

c) Doutores/as: 36.000€/ano.

As contías indicadas serán iguais para todas as anualidades da axuda.

2. Se a entidade beneficiaria formaliza un contrato que implique unha contía bruta superior ás indicadas no número 1 deste artigo, deberá achegar a diferenza. A cantidade que achegue a institución poderá proceder dos seus orzamentos, ou doutras axudas públicas ou privadas que reciba.

En ningún caso serán exixibles á Consellería de Innovación e Industria outras obrigas que o cumprimento das condicións da subvención ou axuda nos termos sinalados nesta convocatoria.

3. O número máximo de contratos de custo máis alto que poderá financiarse é de 53, que serán financiados con cargo ás aplicacións orzamentarias dos orzamentos xerais da comunidade autónoma para os anos 2008, 2009 e 2010 que a seguir se indican, e de acordo coa seguinte distribución:

Ver referencia pdf "15600D003P006.PDF"

4. As cantidades indicadas poderán ser obxeto dunha nova periodización anual no caso de que, por causas imputables ao órgano xestor, os contratos se inicien con posterioridade á data do 1 de outubro de 2008, que en todo caso terá que ser anterior ao 31 de decembro do mesmo ano.

5. As entidades beneficiarias serán as encargadas do pagamento dos correspondentes contratos.

6. A primeira anualidade das axudas comenzará a computarse na/s data/s que se indique/n na resolución desta convocatoria, que non será anterior ao 1 de outubro de 2008, nin posterior ao 31 de decembro do mesmo ano.

Artigo 6º.-Formalización de solicitudes e prazo de presentación.

Os centros de I+D que desexen participar nesta convocatoria presentarán, no prazo e forma establecidos nos artigos 2º e 3º da bases xerais desta convocatoria, unha única solicitude correspondente ao Programa Isabel Barreto. Para tal efecto, deberán:

1º Cubrir o formulario de solicitude, segundo o modelo normalizado RHS.IB-08/00 do cal a portada externa se publica como anexo XVII a esta orde, que contén os seguintes puntos:

1. Datos de identificación do solicitantente e/ou da entidade solicitante e os relativos á notificación

2. Datos sobre o perfil e características básicas de cada un dos tecnólogos, axentes de innovación ou de xestión de proxectos de I+D que se contratarán, indicando os datos correspondentes ao centro ou centros a que se incorporarán, así como a orde de prelación entre os candidatos propostos.

3. No caso de grupos de investigación (modalidade A), certificación do organismo correspondente que acredite a data de publicación desta convocatoria, o cumprimento do requisito establecido no número 2.a) do artigo 2º deste anexo.

4. As declaracións indicadas de xeito xeral no punto 3 do artigo 2º da bases xerais desta orde.

2º Xunto co formulario de solicitude deberán acompañar a memoria descritiva da entidade solicitante, que inclúe, segundo a modalidade de que se trate, os seguintes puntos:

Modalidade A:

1. Produtividade científica: medida a partir do número de doutores/as e tramos de produtividade investigadora (sexenios) ou compoñente por méritos investigadores -no caso do CSIC-, indicando datos persoais e número de tramos de investigación por doutor/a.

2. Capacidade de formación: medida a partir do número de teses de doutoramento dirixidas e lidas no período do 1-1-2002 ao 31-12-2007, indicando datos do doutorando, data de lectura e aprobación da tese e director dela.

3. Recoñecemento da actividade científica: medida a partir da relación de proxectos de investigación concedidos no período do 1-1-2002 ao 31-12-2007, en convocatorias da Comunidade Autónoma de Galicia, nacionais e/ou internacionais en que os investigadores do grupo fosen investigadores principais (exclúense os proxectos de infraestruturas -adquisición de material científico-), e ingresos acadados.

4. Capacidade de transferencia de tecnoloxía: medida a partir dos seguintes ítems:

4.1. Contratos con empresas e/ou entidades públicas e ingresos acadados no período do 1-1-2002 ao 31-12-2007.

4.2. Patentes rexistradas e en explotación no período do 1-1-2002 ao 31-12-2007.

Modalidade B:

1. Capacidade de recursos humanos propios: medida a partir do número e tipo de titulados en relación co cadro de persoal do centro.

2. Capacidade de captación de recursos económicos en I+D+i: medida a partir dos ingresos por I+D+i no período do 1-1-2002 ao 31-12-2007.

3. Recoñecemento da actividade científica: medida a partir da relación de proxectos de investigación vixentes concedidos no período de referencia, en convocatorias da Comunidade Autónoma de Galicia, nacionais e/ou internacionais en que os investigadores do centro fosen investigadores principais (exclúense os proxectos de infraestruturas -adquisición de material científico-), e ingresos acadados.

4. Capacidade de transferencia en I+D+i: medida en función das patentes rexistradas e en explotación no período do 1-1-2002 ao 31-12-2007.

3º Ademais, presentarán a seguinte documentación adicional:

A. Documentación adicional relativa á persoa que se vai contratar:

1. Fotocopia do documento nacional de identidade ou do documento equivalente no caso de nacionais doutros países.

2. Fotocopia compulsada do título correspondente (FP, universitario ou de doutor/a) ou doutro documento acreditativo de ter acadado o dito título e, de ser o caso, de que este está recoñecido oficialmente ou homologado, e a data da súa obtención.

3. Certificado de vida laboral emitido pola Tesouraría Xeral da Seguridade Social e, ademais, certificado de empresa ou copia dos contratos de traballo (onde se indique a categoría desempeñada). Deberán enviarse orixinais ou copias cotexadas.

4. Memoria (mínimo 1 folio e máximo 3) da actividade que realizará o tecnólogo, axente de innovación ou de xestión de proxectos de I+D dentro do centro, indicando as tarefas que desenvolverá este. Deberase xuntar unha memoria por cada un dos candidatos propostos.

5. Acordo de incorporación entre o centro de I+D e o/s tecnólogo/s, axente/s de innovación ou xestión de proxectos de I+D+i propostos. Deberá xuntarse un acordo de incorporación para cada un dos tecnólogos, axentes de innovación ou xestión de proxectos de I+D+i propostos.

B. Documentación adicional referida á entidade solicitante (só no caso de centros tecnolóxicos privados):

a) Unha copia compulsada do CIF da entidade solicitante.

b) Unha copia compulsada do xustificante de alta na Seguridade Social.

c) Unha copia compulsada do poder bastante con que actúa o representante legal da entidade solicitante.

d) Unha copia compulsada do documento nacional de identidade do representante legal da entidade.

e) Unha copia compulsada da escritura de constitución da entidade e modificacións, se é o caso, da persoa xurídica a que representa, debidamente inscrita no Rexistro Mercantil ou Industrial.

Artigo 7º.-Instrución do procedemento e tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 8 (Instrución do/s procedemento/s e tramitación) das bases xerais desta convocatoria.

Artigo 8º.-Avaliación e selección das solicitudes.

Un. O proceso de avaliación e selección das solicitudes será levada a cabo pola comisión de selección indicada no artigo 9º (Avaliación e selección das solicitudes) das bases xerais desta convocatoria. No proceso de avaliación das solicitudes a comisión poderá contar -de consideralo necesario- co apoio de expertos externos. No dito proceso valorará, ata un máximo de 100 puntos, os seguintes aspectos:

A. Memoria descritiva da entidade solicitante (segundo as modalidades que se indican): ata un máximo de 90 puntos.

1. Modalidade A:

A1. Produtividade científica: medida a partir do número de doutores/as e tramos de produtividade investigadora: máximo 25 puntos.

-Por doutor/a sen sexenios: 0,10 puntos.

-Por membro con 1 sexenio/quinquenio: 0,50 puntos.

-Por membro con 2 sexenios/quinquenios: 1,50 puntos.

-Por membro con ³ 3 sexenios/quinquenios: 3,00 puntos.

A2. Capacidade de formación: medida a partir do número de teses de doutoramento dirixidas e lidas no período do 1-1-2002 ao 31-12-2007: máximo 15 puntos.

-Por tese de doutoramento lida e dirixida: 0,50 puntos.

A3. Recoñecemento da actividade científica: medida a partir da relación de proxectos de investigación concedidos no período do 1-1-2002 ao 31-12-2007, en convocatorias públicas da Comunidade Autónoma de Galicia, nacionais e/ou internacionais, en que os/as investigadores/as do grupo fosen investigadores/as principais (exclúense os proxectos de infraestruturas), e ingresos acadados: máximo 25 puntos.

-Por cada proxecto internacional: 3,0 puntos.

-Por cada proxecto do plan nacional: 1,0 punto.

-Por cada proxecto do PGIDIT-Incite: 0,5 puntos.

A4. Capacidade de transferencia de tecnoloxía: medida a partir dos seguintes ítems (máximo 25 puntos):

A4.1. Ingresos acadados durante o período do 1-1-2002 ao 31-12-2007 por contratos con empresas e/ou entidades públicas: máximo 25 puntos.

-Por cada tramo de 12.000 € (sen IVE): 0,15 puntos.

A4.2. Patentes rexistradas e/ou en explotación: máximo 10 puntos.

-En explotación: 3,0 puntos/patente.

-Rexistradas: 1,0 punto/patente.

2. Modalidade B:

B1. Capacidade de recursos humanos propios: medida a partir dos seguintes indicadores en relación co cadro de persoal do centro: máximo 20 puntos.

-Titulados universitarios superiores (licenciados ou equivalentes): 0,50 puntos/titulado/a.

-Doutores/as: 1,25 puntos/doutor/a.

B2. Capacidade de captación de recursos económicos en I+D+i: medida a partir dos ingresos por I+D+i no período do 1-1-2002 ao 31-12-2007: máximo 35 puntos.

* Ingresos I+D+i mediante financiamento privado: máximo 25 puntos.

-Por cada tramo de 250.000 €: 0,25 puntos.

* Ingresos I+D+i mediante financiamento pública: máximo 10 puntos.

-Por cada tramo de 250.000 €: 0,25 puntos.

B3. Recoñecemento da actividade científica: medida a partir da relación de proxectos de investigación concedidos no período do 1-1-2002 ao 31-12-2007, en convocatorias públicas da Comunidade Autónoma de Galicia, nacionais e/ou internacionais, en que os/as investigadores/as do grupo fosen investigadores/as principais (exclúense os proxectos de infraestruturas), e ingresos acadados: máximo 25 puntos.

-Por cada proxecto internacional: 3,0 puntos.

-Por cada proxecto do plan nacional: 1,0 punto.

-Por cada proxecto do PGIDIT-Incite: 0,5 puntos.

B4. Patentes rexistradas ou en explotación: (máximo 10 puntos):

-En explotación: 3,0 puntos/patente.

-Rexistradas: 1,0 punto/patente.

B Outros aspectos: ata un máximo de 10 puntos.

1. Pola memoria (mínimo 1 folio e máximo 3) da actividade que realizará o tecnólogo, axente de innovación ou de xestión de proxectos I+D dentro do centro: máximo 5,0 puntos.

2. Pola corrección da solicitude e documentación correspondente (sen que sexa necesaria a súa emenda): 2,5 puntos.

3. Pola presentación da memoria e documentación en galego: 1,5 puntos.

4. Polo compromiso do solicitante, mediante declaración persoal, de utilización da lingua galega en todas as relacións que o interesado manteña coa Administración autonómica: 1,0 punto.

Dous. As solicitudes de axudas ordenaranse por orde decrecente de puntos e adxudicaranse as axudas, comenzando pola de maior puntuación. A comisión poderá acordar a adxudicación dun número mínimo e máximo de axudas para cada entidade de I+D solicitante. Para a adxudicación do resto das axudas seguirase o orde decrecente de puntuación ata esgotar as previsións orzamentarias destinadas ao Programa Isabel Barreto.

Tres. A comisión, en previsión de posibles renuncias e/ou substitucións, poderá elaborar unha lista de agarda por orde decrecente de puntuación, na cal figurarán as solicitudes que non sendo adxudicatarias de axuda, acadaron a puntuación mínima establecida pola comisión de selección.

Catro. A proposta de concesión formulada pola comisión, así como a lista de agarda para posibles substitucións publicarase na internet, na epígrafe «Axudas» do enderezo http://www.conselleriaiei.org/. A dita publicación terá só efectos informativos.

Artigo 9º.-Resolución e notificación.

A Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no DOG, segundo o indicado no artigo 10º das bases xerais desta orde.

Artigo 10º.-Pagamento das axudas.

1. Publicada a resolución no DOG, no prazo de 15 días hábiles desde a data da súa publicación, as institucións e entidades beneficiarias deberán remitirlle á Dirección Xeral de I+D+i da Consellería de Innovación e Industria certificación da incorporación do candidato ou candidatos, acompañada da correspondente copia cotexada do contrato laboral dos candidatos propostos para os seus organismos, debidamente asinada por ambas as dúas partes.

2. Nos contratos deberá facerse referencia expresa a:

a) Ao seu financiamento con cargo ao Programa Isabel Barreto da Consellería de Innovación e Industria da Xunta de Galicia e, de ser o caso, ao seu cofinanciamento polo Fondo Social Europeo.

b) Data de incorporación efectiva do beneficiario ao seu posto de traballo.

c) A retribución bruta anual, lugar de prestación de servizos do beneficiario e a duración do contrato.

3. O pagamento das axudas pola Consellería de Innovación e Industria ás institucións ou entidades beneficiarias levarase a cabo do modo seguinte:

-Un único pagamento do período do ano 2008 polo gasto efectivamente realizado, unha vez que as institucións ou entidades beneficiarias certifiquen a sinatura dos contratos, acompañada dunha copia cotexada deles. O dito período empezará a computarse na data de sinatura do/s correspondente/s contrato/s.

-Dous pagamentos de periodicidade semestral, correspondentes ao ano 2009 e outro correspondente ao 1º semestre do ano 2010, logo de xustificación do gasto realizado.

-O pagamento do último período correspondente ao ano 2010, ata a finalización da actividade, quedará pendente, ademais da xustificación do gasto realizado, da achega da declaración complementaria de axudas indicada na letra d) do artigo 13º (obrigas dos beneficiarios) das bases xerais desta orde.

Poderán realizarse pagamentos anticipados ata o límite do 10% da axuda concedida, nas condicións establecidas na normativa vixente.

Artigo 11º.-Condicións de aproveitamento.

Os contratos realizados ao abeiro das axudas do Programa Isabel Barreto son incompatibles coa realización doutro traballo remunerado ou co aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das seguintes accións formativas: asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación, así como, cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

Artigo 12º.-Renuncias e substitucións do persoal contratado.

1. No caso de que a persoa contratada ao abeiro das axudas do Programa Isabel Barreto cese na súa vinculación laboral nos termos especificados na resolución de concesión da axuda, a entidade beneficiaria poderá solicitar ante a Dirección Xeral de Investigación, Desenvolvemento e Innovación e de maneira xustificada a incorporación dun novo candidato ou candidata, nas seguintes condicións:

a) O candidato ou candidata proposto/a deberá cumprir os mesmos requisitos de titulación que o candidato/a seleccionado/a inicialmente.

b) O período de tempo transcorrido desde a baixa da persoa contratada inicialmente e a alta da segunda non poderá exceder dun mes.

c) No caso de aceptación do novo candidato ou candidata por parte da Dirección Xeral de Investigación, Desenvolvemento e Innovación, o novo contrato deberá presentarse no prazo dun mes desde a baixa da persoa contratada inicialmente. Transcorrido o prazo sinalado sen que se presentase o novo contrato, procederase á cancelación da axuda pendente de executarse.

2. A substitución da persoa contratada inicialmente non implicará unha modificación da duración, contía e condicións iniciais da axuda.

Artigo 13º.-Interrupcións.

O persoal contratado ao abeiro das axudas do Programa Isabel Barreto estará suxeito ao establecido na lexislación vixente.

Artigo 14º.-Dereitos dos candidatos contratados.

Os candidatos e candidatas contratados/as ao abeiro das axudas correspondentes ao Programa Isabel Barreto teñen dereito a percibir a axuda económica correspondente, a beneficiarse dos dereitos de carácter laboral e dos relativos aos da Seguridade Social, que deriven do contrato que formalicen co organismo, centro ou entidade de adscrición, así como a gozar dos dereitos e prestacións que ten o persoal do centro de similar categoría co obxecto de que cumpran as súas obrigas.

Artigo 15º.-Obrigas dos candidatos contratados.

Os candidatos contratados mediante as axudas correspondentes ao Programa Isabel Barreto teñen as seguintes obrigas:

a) Cumprir as condicións e obrigas establecidas nesta convocatoria.

b) Aterse ao réxime interno ou de funcionamento do organismo ou institución en que desenvolvan as súas actividades, especialmente no relativo ás condicións de traballo e normas de prevención de riscos laborais.

c) Residir na Comunidade Autónoma de Galicia, agás durante os períodos de formación a que expresamente se lles autorice.

Artigo 16º.-Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal contratado ao abeiro das axudas deste anexo, sen prexuízo das derivadas da relación laboral que se estableza:

a) Cumprir as condicións e obrigas establecidas nesta convocatoria.

b) Formalizar ou ter formalizado un contrato de traballo co candidato seleccionado, cunha duración -como mínimo- igual á do período para o que se concede a axuda, establecido na resolución de concesión.

c) Proporcionarlle o apoio necesario e facilitarlle a utilización dos medios, instrumentos ou equipos que resultan precisos, para o normal desenvolvemento da súa actividade.

d) Permitir a súa integración nos departamentos, institutos e organismos públicos ou privados en que leven a cabo o seu labor. Os centros onde se integren os contratos Isabel Barreto estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

Anexo VI

Prórroga das axudas concedidas para a contratación de doutores (Programa Isidro Parga Pondal) en organismos públicos de investigación da Comunidade Autónoma de Galicia no ano 2006

Artigo 1º.-Obxectivo e finalidade da convocatoria.

Esta convocatoria establece as bases que regulan a concesión de prórrogas das axudas correspondentes ao Programa Isidro Parga Pondal, adxudicadas por Resolución do 15 de decembro de 2006 (DOG do 21 de decembro).

Artigo 2º.-Requisitos dos solicitantes.

Poderán participar nesta convocatoria aqueles beneficiarios dunha axuda do Programa Isidro Parga Pondal da convocatoria do ano 2006 que na data de peche desta convocatoria se encontren en activo no dito programa.

Artigo 3º.-Dotación, número e duración das axudas.

1. A axuda concedida para cada contrato laboral será de 36.000 euros por ano de contrato, incluíndo neste importe a retribución bruta anual do contrato e o pagamento de custos sociais. Se a entidade beneficiaria formaliza un contrato que implique unha contía superior bruta a 36.000 € anuais, deberá achegar a diferenza. A cantidade que achegue a institución poderá proceder dos seus orzamentos, ou doutras axudas públicas ou privadas que reciba.

En ningún caso serán exixibles á Consellería de Innovación e Industria outras obrigas que o cumprimento das condicións da subvención ou axuda nos termos sinalados nesta convocatoria.

2. O número máximo de prórrogas que se convocan ascende a 59, que corresponden á totalidade de axudas vixentes na actualidade. Os 59 contratos serán financiados con cargo á aplicación orzamentaria 10.02.561B.444.0 dos orzamentos xerais da comunidade autónoma para os anos 2008, 2009 e 2010, de acordo coa seguinte distribución:

Ver referencia pdf "15600D003P006.PDF"

3. As entidades beneficiarias, segundo corresponda, serán as encargadas do pagamento dos correspondentes contratos laborais; no caso dos centros dependentes da Xunta de Galicia, o pagamento corresponderalle á Consellería de Innovación e Industria.

4. A duración das axudas convocadas neste anexo, así como a da prórroga dos contratos establecidos ao abeiro delas, será dun máximo de dous anos, para desenvolver a partir da data de finalización dos contratos establecidos por Resolución do 15 de decembro de 2006 (DOG do 21 de decembro).

5. Sempre que as disposicións legais e orzamentarias así o permitan, as axudas e correspondentes contratos da 1ª prórroga do Programa Isidro Parga Pondal poderán ser obxecto dunha prórroga dun máximo de 1 ano de duración, tras a publicación no DOG dunha convocatoria en que se recollan os requisitos e características desta. Os beneficiarios da dita 2ª prórroga serán sometidos ao proceso de avaliación por comités externos de avaliación para os efectos de obtención do certificado de cumprimento dos requisitos de calidade de produción e actividade científico-tecnolóxica que impliquen unha traxectoria investigadora destacada para os efectos do Programa Manuel Colmeiro.

Artigo 4º.-Formalización de solicitudes e prazo de presentación.

As solicitudes no modelo oficial RHS.IPP-08/01 do cal a portada externa se publica como anexo XVIII a esta orde, presentaranse no prazo e forma establecidos nos artigos 2º e 3º das bases xerais desta orde, co visto e prace do representante legal do organismo correspondente e acompañadas da seguinte documentación, ademais das declaracións indicadas de xeito xeral no punto 3 do artigo 2º da bases xerais desta orde:

1. Memoria (mínimo 2 folios e máximo 10) asinada polo candidato en que se resuman:

a) A actividade académica e investigadora desde a súa incorporación ao Programa Isidro Parga Pondal.

b) Plan de traballo de actividades académico-investigadoras que o solicitante propón realizar durante o período de prórroga do seu contrato.

2. Breve currículo asinado do candidato indicando, en cada unha das alíneas do modelo oficial de currículo que figura no enderezo http://www.conselleriaiei.org/, un máximo de 5 actividades investigadoras posteriores ao inicio da súa actividade como contratado ao abeiro das axudas Isidro Parga Pondal.

3. Aqueles candidatos con titulacións de países que non sexan membros da Unión Europea que no momento de incorporarse ao Programa Isidro Parga Pondal non tiñan homologado o seu título de doutor, deberán achegar a correspondente homologación.

Artigo 5º.-Tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral segundo o establecido no artigo 8º (Instrución do/s procedemento/s e tramitación) das bases xerais desta convocatoria.

Artigo 6º.-Avaliación, selección das solicitudes.

A avaliación das solicitudes presentadas será realizada pola comisión de selección indicada no artigo 9º (Avaliación e selección das solicitudes) desta convocatoria, sendo necesario para que o candidato sexa seleccionado a avaliación favorable da actividade realizada así como da actividade proposta, e de ser o caso, a homologación do seu título.

Artigo 7º.-Resolución e notificación.

A Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no DOG, segundo o indicado no artigo 10º das bases xerais desta orde.

Artigo 8º.-Pagamento das axudas e formalización da prórroga dos contratos.

1. Publicada a resolución no DOG, as institucións e entidades beneficiarias procederán á prórroga dos contratos dos beneficiarios correspondentes aos seus organismos mediante a formalización de contratos laborais de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo.

2. O pagamento das axudas pola Consellería de Innovación e Industria ás institucións ou entidades beneficiarias levarase a cabo do modo seguinte:

-Un único pagamento do período do ano 2008 polo gasto efectivamente realizado, unha vez que as institucións ou entidades beneficiarias certifiquen a sinatura da prórroga dos correspondentes contratos, acompañada dunha copia cotexada delas. O dito período empezará a computarse na data de sinatura dos correspondentes contratos ou prórrogas.

-Dous pagamentos de periodicidade semestral correspondentes ao ano 2009 e outro correspondente ao 1º semestre do ano 2010, logo de xustificación do gasto realizado.

-O pagamento do último período correspondente ao ano 2010, ata a finalización da actividade, quedará pendente, ademais da xustificación do gasto realizado, da achega da declaración complementaria de axudas indicada na letra d) do artigo 13º (Obrigas dos beneficiarios) das bases xerais desta orde.

Poderán realizarse pagamentos anticipados ata o límite do 10% da axuda concedida, nas condicións establecidas na normativa vixente.

Artigo 9º.-Condicións de aproveitamento.

Estas axudas son incompatibles coa realización dun traballo remunerado ou co aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das seguintes accións formativas: asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación; así como, cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

Artigo 10º.-Renuncias dos candidatos seleccionados e contratados.

A renuncia deberá comunicarse, mediante escrito motivado do candidato seleccionado, dirixido ao director xeral de I+D+i, nun prazo mínimo de 15 días naturais, antes de que se producise. O candidato seleccionado deberá trasladar copia da antedita comunicación, segundo corresponda:

-Ao vicerreitor ou vicerreitora de investigación, ou cargo equivalente, no caso das universidades.

-Ao director do centro, no caso das institucións non universitarias.

-Ao representante legal no caso dos organismos da Administración, beneficiarios.

Artigo 11º.-Interrupcións.

O persoal investigador contratado ao abeiro das axudas deste anexo estará suxeito ao establecido na lexislación vixente.

Artigo 12º.-Dereitos dos candidatos contratados.

O persoal investigador contratado ao abeiro das axudas deste anexo ten dereito a percibir a axuda económica correspondente, a beneficiarse dos dereitos de carácter laboral e os relativos á Seguridade Social, que deriven do contrato que formalicen co organismo, centro ou entidade de adscrición, así como a gozar dos dereitos e prestacións que ten o persoal do centro de similar categoría co obxecto de que cumpran as súas obrigas.

Artigo 13º.-Obrigas dos candidatos contratados.

O persoal investigador contratado ao abeiro das axudas deste anexo ten as seguintes obrigas:

a) Cumprir as condicións e obrigas establecidas nesta convocatoria.

b) Aterse ao réxime interno ou de funcionamento do organismo ou institución en que desenvolva as súas actividades, especialmente no relativo a condicións de traballo e normas de prevención de riscos laborais.

c) Residir na Comunidade Autónoma de Galicia, agás durante os períodos de formación a que expresamente se lles autorice.

d) Os investigadores que sexan contratados ao abeiro do disposto nesta orde poderán, por petición propia, prestar colaboracións complementarias tales como tarefas docentes, neste último caso ata un máximo de cento vinte horas anuais. O departamento implicado documentará debidamente a dita colaboración para os efectos de concurso e respectando a normativa vixente de incompatibilidades.

Artigo 14º.-Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal investigador contratado ao abeiro das axudas deste anexo, sen prexuízo das derivadas da relación laboral que se estableza:

a) Cumprir as condicións e obrigacións establecidas nesta convocatoria.

b) Proporcionarlle o apoio necesario e facilitarlle a utilización dos medios, instrumentos ou equipamentos que resultan precisos, para o normal desenvolvemento da súa actividade.

c) Permitir a súa integración nos departamentos, institutos e organismos públicos ou privados en que leven a cabo a súa investigación. Os centros onde se integren os contratos Isidro Parga Pondal estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

d) No caso do persoal investigador contratado ao abeiro do disposto nesta orde, que desenvolva a súa actividade nunha universidade, permitirlle prestar -por petición propia- colaboracións complementarias, tales como tarefas docentes, neste último caso ata un máximo de cento vinte horas anuais. O departamento implicado documentará debidamente a dita colaboración para os efectos de concurso e respectando a normativa vixente de incompatibilidades.

Anexo VII

2ª Prórroga das axudas concedidas para a contratación de doutores (Programa Isidro Parga Pondal) en organismos públicos de investigación da Comunidade Autónoma de Galicia no ano 2004

Artigo 1º.-Obxectivo e finalidade da convocatoria.

Co obxectivo da equiparar en tempo de duración as axudas e contratos establecidos ao abeiro do Programa Isidro Parga Pondal coa duración (5 anos) das axudas e contratos establecidos ao abeiro do Programa Ramón y Cajal do Ministerio de Educación e Ciencia, esta convocatoria establece as bases que regulan a concesión dunha segunda prórroga dun ano de duración das axudas correspondentes á 1ª prórroga do Programa Isidro Parga Pondal 2004, adxudicadas por Resolución do 22 de setembro de 2006 (DOG do 2 de outubro).

Artigo 2º.-Requisitos dos solicitantes.

1. Poderán participar nesta convocatoria aqueles doutores que, na data de peche desta convocatoria, teñan en vigor un contrato como beneficiarios das axudas correspondentes á 1ª prórroga do Programa Isidro Parga Pondal 2004, adxudicadas por Resolución do 22 de setembro de 2006 (DOG do 2 de outubro).

2. A presentación da solicitude da 2ª prórroga das axudas do Programa Isidro Parga Pondal comportará a autorización automática para que a Dirección Xeral de Investigación, Desenvolvemento e Innovación poida presentar e someter o currículo do solicitante da devandita pórroga ao proceso de avaliación por comités externos de avaliación para os efectos de obtención do certificado de cumprimento dos requisitos de calidade de produción e actividade científico-tecnolóxica que impliquen unha traxectoria investigadora destacada para os efectos do Programa Manuel Colmeiro. O proceso de avaliación levarase a cabo a partir da documentación indicada nos puntos 1 e 2 do artigo 4º deste anexo.

Artigo 3º.-Dotación, número e duración dos contratos.

1. A axuda concedida para cada prórroga dos contratos será de 36.000 euros por ano de contrato, incluíndo neste importe a retribución bruta anual do contrato e o pagamento de custos sociais. Se a entidade beneficiaria formaliza un contrato que implique unha contía superior bruta a 36.000 € anuales, deberá achegar a diferenza. A cantidade que achegue a institución poderá proceder dos seus orzamentos, ou doutras axudas públicas ou privadas que reciba.

2. Adicionalmente, a axuda para cada contrato poderase complementar cunha axuda para a realización de estadías de investigación equivalente ás establecidas no anexo IX (Bolsas para estadías de investigación fóra de Galicia). A devandita axuda deberá ser solicitada polos posibles beneficiarios da 2ª prórroga do Programa Isidro Parga Pondal, segundo se establece no dito anexo IX.

3. O número máximo de prórrogas que se convocan ascende a 39 que corresponden a totalidade de axudas vixentes na actualidade.

4. Os contratos financiaranse con cargo á aplicación orzamentaria 10.02.561B.444.0 dos orzamentos xerais da comunidade autónoma para os anos 2008 e 2009, de acordo coa distribución que se indica na táboa seguinte:

Ver referencia pdf "15600D003P006.PDF"

5. As entidades beneficiarias serán as encargadas do pagamento dos correspondentes contratos laborais.

6. A duración das axudas correspondente a este anexo, así como a prórroga dos contratos establecida ao seu abeiro, será dun máximo dun ano, que se desenvolverá entre o 1 de outubro de 2008 e o 30 de setembro de 2009.

Artigo 4º.-Formalización de solicitudes e prazo de presentación.

As solicitudes no modelo oficial RHS.IPP-08/02 do que a cara externa se publica como anexo XIX a esta orde, presentaranse no prazo e forma establecidos nos artigos 2º e 3º das bases xerais desta orde, asinados polo solicitante e co visto e prace do representante legal do organismo correspondente, acompañadas da seguinte documentación, ademais das declaracións indicadas de xeito xeral no punto 3 do artigo 2º da bases xerais desta orde:

1. Curriculum vitae actualizado do solicitante, formalizado nalgún dos modelos normalizados que figuran na páxina web da Dirección Xeral de Investigación, Desenvolvemento e Innovación e da Consellería de Innovación e Industria no enderezo http://www.conselleriaiei.org/. Unha vez formalizado deberá enviarse á Dirección Xeral de Investigación, Desenvolvemento e Innovación:

a) Unha copia impresa do currículo, debidamente asinada polo/a interesado/a.

b) Unha copia do mesmo en CD.

c) Documentos xustificativos (orixinal ou copia cotexada) dos méritos alegados no curriculum e fotocopia simple das publicacións ou documentos científico-técnicos, contribucións a congresos, etc., alegadas no currículo.

2. Memoria, asinada polo interesado, relativa á actividade investigadora desenvolvida nos últimos 4 anos. Na mesma deberase facer fincapé expreso nos seguintes aspectos:

a) Achegas en forma de artigos orixinais, libros ou capítulos de libro, sobre todo naquelas achegas nas que o solicitante sexa responsable do traballo ou principal executor. Deberase facer unha breve reseña (en non máis dunha folla Din. A4) da relevancia das achegas deste punto.

b) Capacidade do solicitante para liderar grupos de investigación, liñas de traballo e/ou de obter financiamento en convocatorias públicas competitivas das administracións públicas ou de entidades privadas sen ánimo de lucro, sinalando ademais os resultados do grupo investigador que dirixe.

c) Patentes en explotación, destacando especialmente a extensión da protección da patente nacional, europea ou polo Tratado de Cooperación de Patentes (PCT).

d) Actividade formativa do solicitante, especialmente a relacionada coa formación de doutores e a dirección de teses doutorais.

3. Plan de traballo (cunha extensión de 3 a 5 follas Din. A4 e asinado polo interesado) das actividades académico-investigadoras que o solicitante propón realizar durante o período de prórroga do seu contrato.

Os solicitantes da 2º prórroga do programa Isidro Parga Pondal deberán ter en conta que a documentación indicada no punto 1 e 2 deste artigo constitúe a documentación básica sobre a que se levará a cabo o proceso de avaliación relativo ao cumprimento do requisito de calidade da produción e actividade científico-tecnolóxica, para os efectos do Programa Manuel Colmeiro.

Artigo 5º.-Tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral, segundo o establecido no artigo 8º (Instrución do/s procedemento/s e tramitación) das bases xerais desta convocatoria.

Artigo 6º.-Avaliación e selección das solicitudes.

1. Para os efectos da concesión da 2ª prórroga das axudas do Programa Isidro Parga Pondal do ano 2004 a avaliación das solicitudes presentadas será realizada pola comisión de selección indicada no artigo 9º (Avaliación e selección das solicitudes) das bases xerais desta convocatoria, sendo necesario para que o candidato sexa seleccionado a avaliación favorable da actividade realizada, así como da actividade proposta e, de ser o caso, a homologación do seu título.

2. Para os efectos da concesión do certificado de cumprimento dos requisitos de calidade de produción e actividade científico-tecnolóxica que impliquen unha traxectoria investigadora destacada para os efectos do Programa Manuel Colmeiro, a avaliación das solicitudes admitidas definitivamente será levada a cabo, baixo os principios xerais de obxectividade, independencia e calidade das avaliacións, por comités de avaliación constituídos por expertos externos da/s área/s de coñecemento correspondente/s. No proceso de avaliación, os comités de expertos externos terán como referencia, -ademais daqueloutros que especificamente poida establecer a Dirección Xeral de Investigación, Desenvolvemento e Innovación-, os criterios de avaliación establecidos na Resolución do 20 de xullo de 2005, da Secretaría de Estado de Universidades e Investigación, pola que se establecen os criterios de avaliación no Programa de Incentivación da Incorporación e Intensificación da Actividade Investigadora (BOE nº

204, do 26 de agosto de 2005).

Artigo 7º.-Resolución e notificación.

1. Da 2ª prórroga do Programa Isidro Parga Pondal: a Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no DOG, segundo o establecido no artigo 10º das bases xerais desta orde.

2. Os resultados da avaliación para os efectos de obtención do certificado de cumprimento dos requisitos de calidade de produción e actividade científico-tecnolóxica que impliquen unha traxectoria investigadora destacada serán notificadas pola Dirección Xeral de Investigación, Desenvolvemento e Innovación a través da súa publicación na internet, no punto axudas do enderezo http://www.conselleriaiei.org/.

3. A Dirección Xeral de Investigación, Desenvolvemento e Innovación emitirá a correspondente certificación do cumprimento dos requisitos de calidade de produción e actividade científico-tecnolóxica que impliquen unha traxectoria investigadora destacada a aqueles solicitantes da 2ª prórroga do Programa Isidro Parga Pondal que acaden unha avaliación final positiva polos comités de expertos externos.

Artigo 8º.-Pagamento das axudas e formalización da prórroga dos contratos.

1. Publicada a resolución no DOG, as institucións e entidades beneficiarias procederán á prórroga dos contratos dos beneficiarios correspondentes os seus organismos mediante a formalización de contratos laborais de acordo co que establece o texto refundido do Estatuto dos traballadores, aprobado polo Real decreto lexislativo 1/1995, do 24 de marzo.

2. O pagamento das axudas pola Consellería de Innovación e Industria ás institucións ou entidades beneficiarias levarase a cabo do modo seguinte:

-Un único pagamento do período do ano 2008 polo gasto efectivamente realizado, unha vez que as institucións ou entidades beneficiarias certifiquen a sinatura da prórroga dos correspondentes contratos, acompañada dunha copia cotexada destas. O dito período empezará a computarse na data de sinatura dos correspondentes contratos ou prórrogas.

-Un pagamento correspondente ao 1º semestre do ano 2009, logo de xustificación do gasto realizado.

-O pagamento do último período do ano 2009, ata a finalización da actividade, quedará pendente, ademais da xustificación do gasto realizado, da achega da declaración complementaria de axudas indicada na letra d) do artigo 13º (Obrigas dos beneficiarios) das bases xerais desta orde.

Poderán realizarse pagamentos anticipados ata o límite do 10% da axuda concedida, nas condicións establecidas na normativa vixente.

Artigo 9º.-Condicións de aproveitamento.

Estas axudas son incompatibles coa realización dun traballo remunerado ou o aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das seguintes accións formativas: asistencia a reunións, congresos, seminarios ou cursos de especialización; así como, cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

Artigo 10º.-Renuncias dos candidatos seleccionados e contratados.

A renuncia deberá comunicarse, mediante escrito motivado do candidato seleccionado, dirixido ao director xeral de I+D+i, nun prazo mínimo de 15 días naturais, antes de que se teña producido. O candidato seleccionado deberá trasladar copia da antedita comunicación, segundo corresponda:

-Ao vicerreitor ou vicerreitora de investigación, ou cargo equivalente, no caso das universidades.

-Ao director do centro, no caso das institucións non universitarias.

-Ao representante legal no caso dos organismos da Administración.

Artigo 11º.-Interrupcións.

O persoal investigador contratado ao abeiro das axudas deste anexo, estará suxeito ao establecido na lexislación vixente.

Artigo 12º.-Dereitos dos candidtos contratados.

O persoal investigador contratado ao abeiro das axudas deste anexo, ten dereito a percibir a axuda económica correspondente, a beneficiarse dos dereitos de carácter laboral e os relativos aos da Seguridade Social, que se deriven do contrato que formalicen co organismo, centro ou entidade de adscrición, así como a gozar dos dereitos e prestacións que ten o persoal do centro de similar categoría co obxecto de que cumpran as súas obrigas.

Artigo13º.-Obrigas dos candidatos contratados.

O persoal investigador contratado ao abeiro das axudas deste anexo, ten as seguintes obrigas:

a) Cumprir as condicións e obrigas establecidas na correspondente convocatoria.

b) Aterse ao réxime interno ou de funcionamento do organismo ou institución no que desenvolva as súas actividades, especialmente no relativo a condicións de traballo e normas de prevención de riscos laborais.

c) Residir na Comunidade Autónoma de Galicia, agás durante aos períodos de formación aos que expresamente se lles autorice.

d) Os investigadores que sexan contratados ao abeiro do disposto nesta orde poderán, por petición propia, prestar colaboracións complementarias tales como tarefas docentes, neste último caso ata un máximo de cento vinte horas anuais. O departamento implicado documentará debidamente a dita colaboración para os efectos de concurso e respectando a normativa vixente de incompatibilidades.

Artigo 14º.-Obrigas dos organismos ou entidades de acollida.

Son obrigas xerais do organismo, centro ou institución de adscrición do persoal investigador contratado ao abeiro das axudas deste anexo, sen prexuízo das derivadas da relación laboral que se estableza:

a) Cumprir as condicións e obrigas establecidas nesta convocatoria.

b) Proporcionarlle o apoio necesario e facilitarlle a utilización dos medios, instrumentos ou equipamentos que resultan precisos, para o normal desenvolvemento da súa actividade.

c) Permitir a súa integración nos departamentos, institutos e organismos públicos ou privados nos que leven a cabo a súa investigación. Os centros onde se integren os contratos Isidro Parga Pondal estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

d) No caso do persoal investigador contratado ao abeiro do disposto nesta orde, que desenvolva a súa actividade nunha universidade, permitirlle prestar -por petición propia- colaboracións complementarias, tales como tarefas docentes, neste último caso ata un máximo de cento vinte horas anuais. O departamento implicado documentará debidamente a dita colaboración para os efectos de concurso e respectando a normativa vixente de incompatibilidades.

Anexo VIII

Prórroga dos contratos predoutorais de formación de doutores en organismos públicos de investigación da Comunidade Autónoma de Galicia (Programa María Barbeito) do ano 2006

Artigo 1º.-Obxectivo e finalidade da convocatoria.

Esta convocatoria establece as bases que regulan a concesión de prórrogas das axudas a contratos predoutorais de formación de doutores en organismos públicos de investigación da Comunidade Autónoma de Galicia (Programa María Barbeito) do ano 2006.

Artigo 2º.-Requisitos dos solicitantes.

Poderán participar nesta convocatoria aqueles beneficiarios dun contrato predoutoral de formación de doutores en organismos públicos de investigación da Comunidade Autónoma de Galicia do Programa María Barbeito do ano 2006, que, na data de peche desta convocatoria, se encontren en activo no dito programa e non rematasen a súa tese de doutoramento.

Artigo 3º.-Contía, duración e pagamento das axudas.

1. A axuda concedida para cada contrato laboral será de 20.440 euros por ano de contrato, incluíndo neste importe a retribución bruta anual do contrato e o pagamento de custos sociais. Se a entidade beneficiaria formaliza un contrato que implique unha contía superior bruta a 20.440 euros anuais, deberá achegar a diferenza. A cantidade que achegue a institución poderá proceder dos seus orzamentos, ou doutras axudas públicas ou privadas que reciba.

En ningún caso serán exixibles á Consellería de Innovación e Industria outras obrigas que o cumprimento das condicións da subvención ou axuda nos termos sinalados nesta convocatoria.

2. O número máximo de prórrogas que se convocan ascende a 77, que corresponden a totalidade de axudas vixentes na actualidade. Os 77 contratos serán financiados con cargo á aplicación orzamentaria 10.02.561B.444.0 dos orzamentos xerais da comunidade autónoma para os anos 2008 e 2009 de acordo coa seguinte distribución:

Ver referencia pdf "15600D003P006.PDF"

3. As entidades beneficiarias serán as encargadas do pagamento dos correspondentes contratos. A súa duración será dun máximo de 6 meses a partir da data de finalización dos seus contratos, sempre que non rematasen a súa tese de doutoramento.

Artigo 4º.-Formalización das solicitudes.

As solicitudes, no modelo oficial RHS.MB-08/01, do que a portada externa se publica como anexo XX a esta orde, presentaranse inescusablemente acompañadas da seguinte documentación:

a) Memoria (mínimo de 2 folios e máximo 3 folios), do estado actual do proxecto de tese. A dita memoria deberá estar:

-Asinada polo/a interesado/a, e

-Contar co visto e prace do director do proxecto de investigación.

b) Certificación (en papel oficial e/ou co selo do correspondente centro/departamento) dos director/es da tese, na que conste que esta non está rematada e se atopa en estado avanzado de execución.

c) As declaracións indicadas de xeito xeral no punto 3 do artigo 2º da bases xerais desta orde.

Artigo 5º.-Tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral, segundo o establecido no artigo 8º (Instrución do/s procedemento/s e tramitación) das bases xerais desta convocatoria.

Artigo 6º.-Avaliación, selección das solicitudes.

A avaliación das solicitudes presentadas será realizada pola comisión de selección indicada no artigo 9º (Avaliación e selección das solicitudes) desta convocatoria, sendo necesario para que o candidato sexa seleccionado a avaliación favorable da actividade realizada segundo o expresado na memoria establecida na letra a) do artigo 4º deste anexo.

Artigo 7º.-Resolución e notificación.

A Dirección Xeral de Investigación, Desenvolvemento e Innovación elevará a proposta de resolución formulada pola comisión de selección ao conselleiro de Innovación e Industria para que resolva. Esta resolución publicarase no DOG, segundo o establecido no artigo 10º das bases xerais desta orde.

Artigo 8º.-Pagamento das axudas e formalización da prórroga dos contratos.

Publicada a resolución no DOG, as institucións e entidades beneficiarias procederán á prórroga do contratatos dos candidatos seleccionados para os seus organismos. O pagamento das axudas pola Consellería de Innovación e Industria ás institucións ou entidades beneficiarias realizarase do modo seguinte:

-Un primeiro pagamento correspondente ao período do ano 2008, logo de xustificación do gasto efectivamente realizado e a certificación da sinatura da prorroga dos contratos.

-Un único pagamento correspondente ao período do ano 2009, ata a finalización da actividade, que quedará pendente, ademais da xustificación do gasto realizado, da achega da declaración complementaria de axudas indicada na letra d) do artigo 13º (Obrigas dos beneficiarios) das bases xerais desta orde.

Artigo 9º.-Condicións de aproveitamento.

Estas axudas son incompatibles coa realización dun traballo remunerado ou co aproveitamento doutro tipo de bolsas ou axudas financiadas con fondos públicos ou privados, agás co aproveitamento daquelas bolsas que se convocan para cubrir algunha das accións formativas que o solicitante vai realizar segundo o seu proxecto (asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación) así como, cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e de desenvolvemento tecnolóxico de Galicia (Lei 12/1993, do 6 de agosto).

No momento, en que algún dos beneficiarios destas axudas realice a lectura da súa tese de doutoramento, deberá comunicarllo á Dirección Xeral de Investigación, Desenvolvemento e Innovación; se o escrito vén acompañado dun informe do director da tese, dando conta de que o doutorando participa noutras tarefas de investigación do grupo poderase autorizar, por parte da Dirección Xeral de Investigación, Desenvolvemento e Innovación, a continuación do aproveitamento da axuda, ata o remate do período para o que se lle concedeu, sempre que as disposicións legais e as dispoñibilidades orzamentarias así o permitan.

Artigo 10º.-Dereitos dos beneficiarios.

Ademais dos dereitos de carácter xeral que se sinalan no artigo 5.1º do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios das axudas teñen dereito a:

a) Percibir a axuda económica correspondente.

b) Beneficiarse dos dereitos de carácter laboral, así como os relativos aos da Seguridade Social, que se deriven do contrato que formalicen co organismo, centro ou universidade de adscrición.

Artigo 11º.-Obrigas dos beneficiarios. Seguimento da axuda.

Ademais das obrigas de carácter xeral que se sinalan no artigo 6º do Real decreto 63/2006, do 27 de xaneiro, polo que se aproba o Estatuto do persoal investigador en formación, os beneficiarios terán as seguintes obrigas:

a) O persoal investigador en formación con contrato adscrito á universidade, poderá dedicar -por petición propia- ata un máximo de 20 horas durante a prórroga, á colaboración en actividades docentes con fins formativos, limitadas a ensinanzas prácticas ou suplencias non superiores neste caso a 3 horas, logo de conformidade, entre o director do traballo e o departamento implicado. Esta colaboración non suporá, en ningún caso, a asunción polo beneficiario das axudas das responsabilidades que lle corresponden ao profesorado.

b) O persoal investigador en formación está obrigado a residir na comunidade autónoma agás durante os períodos de formación aos que expresamente se lles autorice.

c) O persoal investigador en formación con contrato está obrigado a notificarlle á Dirección Xeral de Investigación, Desenvolvemento e Innovación, a data de defensa da súa tese e a cualificación obtida. No suposto de que non realice a defensa da tese, deberá notificarllo igualmente á Dirección Xeral de Investigación, Desenvolvemento e Innovación, indicando as causas que motivaron a dita circunstancia.

Artigo 12º.-Obrigas dos organismos ou entidades de acollida.

Ao abeiro do establecido no artigo 7º do Real decreto 63/2006, do 27 de xaneiro, polo que se aproba o Estatuto do persoal investigador en formación, son obrigas xerais do organismo, centro ou institución de adscrición do persoal investigador en formación, sen prexuízo das derivadas da relación laboral que se estableza:

a) Cumprir as condicións e obrigacións establecidas nesta convocatoria.

b) Proporcionarlle o apoio necesario e facilitarlle a utilización dos medios, instrumentos ou equipamentos que resultan precisos, para o normal desenvolvemento da súa actividade.

c) Designar un titor, co grao de doutor, para a coordinación e orientación da actividade dos beneficiarios.

d) Velar polo adecuado desenvolvemento do programa de formación do beneficiario, sen que poida exixírselle, a realización de calquera outra actividade que non estea relacionada co desenvolvemento da súa investigación ou da formación específica requirida por esta, durante o seu transcurso. Non obstante, o persoal investigador en formación con contrato que desenvolva a súa actividade nunha universidade, poderán colaborar en tarefas docentes, dentro dos límites establecidos nestas bases, sen que, en ningún caso, se poida desvirtuar a finalidade investigadora e formativa das axudas. En todo caso, non se lle poderán atribuír obrigas docentes superiores a 20 horas anuais.

e) Permitir a súa integración nos departamentos, institutos e organismos públicos ou privados nos que leven a cabo a súa investigación. Os centros onde se integren os contratos María Barbeito estarán obrigados a garantirlles os dereitos e prestacións que ten o persoal do centro de similar categoría co obxecto de que cumpran as súas obrigas.

Anexo IX

Bolsas para estadías no estranxeiro e en centros españois, situados fóra da comunidade autónoma

Artigo 1º.-Finalidade.

Estas axudas teñen como finalidade favorecer a actualización de coñecementos, a adquisición de novas técnicas de investigación, así como completar a formación dos investigadores de Galicia, mediante a súa incorporación temporal a centros de investigación de fóra de Galicia, establecendo, ademais, relacións de interese entre ambas as partes.

Artigo 2º.-Modalidades.

As solicitudes de axuda refírense a algunha das seguintes modalidades:

1. Modalidades ordinarias:

-Modalidade A: estadías de 1 a 6 meses de duración, destinadas a:

a) Funcionarios e contratados doutores cunha antigüidade como doutores superior a 3 anos, contados a partir da data de publicación no DOG desta orde de convocatoria.

b) Funcionarios e contratados non doutores.

-Modalidade B: estadías posdoutorais de 1 a 12 meses de duración, destinadas a:

a) Doutores/as dos últimos 3 anos, contados a partir da data de publicación no DOG desta orde de convocatoria.

b) Persoal investigador contratado a través dos programas Ángeles Alvariño (que teñan completado o período mínimo de 24 meses, que cursasen integramente o doutoramento e acadesen o grao de doutor/a nunha universidade estranxeira, ou acrediten fidedignamente unha minusvalidez igual ou superior ao 65%), Isidro Parga Pondal (nova adxudicación e 1ª prórroga), Ramón y Cajal ou asimilables.

-Modalidade C: estadías de 1 a 6 meses de duración para persoal investigador en formación do Programa María Barbeito da Dirección Xeral de Investigación, Desenvolvemento e Innovación ou de programas de formación de doutores asimilables.

2. Modalidade extraordinaria:

-Modalidade D: estadías de 1 a 12 meses de duración, destinadas a:

a) Solicitantes de axudas do Programa Ángeles Alvariño (agás aqueles que xa teñan completado o período mínimo de 24 meses, cursasen integramente o doutoramento e acadasen o grao de doutor/a nunha universidade estranxeira, ou acrediten fidedignamente unha minusvalidez igual ou superior ao 65%, que deberán facer a solicitude pola modalidade B).

b) Solicitantes da 2ª prórroga do Programa Isidro Parga Pondal-2004.

c) Persoal investigador contratado ao abeiro das axudas do Programa Ángeles Alvariño, (agás aqueles que xa teñan completado o período mínimo de 24 meses, cursasen integramente o doutoramento e acadesen o grao de doutor/a nunha universidade estranxeira ou acrediten fidedignamente unha minusvalía igual ou superior ao 65%, que deberán facer a solicitude pola modalidade B).

Artigo 3º.-Requisitos dos solicitantes.

1. Requisitos específicos da modalidade A:

a) Ser funcionario dos corpos docentes universitarios das universidades do SUG ou dun centro público de investigación da Comunidade Autónoma de Galicia.

b) Pertencer a algunha das figuras de personal docente universitario contratado, establecidas pola LOU, ou figuras asimilables existentes nas universidades do SUG.

c) Estar contratado para actividades docentes e/ou investigadoras nun centro público de investigación da Comunidade Autónoma de Galicia.

2. Requisitos específicos da Modalidade B:

a) Persoas que acadaron o título de doutor nos tres anos anteriores á data límite de presentación de solicitudes, (a condición de doutor recente deberá acreditarse mediante copia cotexada do documento acreditativo desta), que:

-Sexan funcionarios ou pertenzan a algunha das figuras de personal docente universitario contratado, establecidas pola LOU (ou figuras asimilables existentes nas universidades do SUG).

-Estean contratados de forma permanente para actividades docentes ou investigadoras nun centro público de investigación da Comunidade Autónoma de Galicia.

-Teñan vinculación a un grupo de investigación das universidade do SUG ou dun centro público de investigación da Comunidade Autónoma de Galicia. A dita vinculación acreditarase mediante certificación do vicerreitorado de investigación (no caso das universidades do SUG) ou do director do centro público de investigación correspondente.

b) Persoal investigador contratado a través dos programas Ángeles Alvariño (agás os incluídos na modalidade extraordinaria da alínea 2 do artigo 2º deste anexo), Isidro Parga Pondal (nova adxudicación e 1ª prórroga), Ramón y Cajal ou asimilables, que estean contratados para actividades investigadoras nunha universidade ou nun centro público ou privado de investigación da Comunidade Autónoma de Galicia.

3. Requisitos específicos da modalidade C:

a) Persoal investigador do Programa María Barbeito da Dirección Xeral de Investigación, Desenvolvemento e Innovación.

b) Persoal investigador adscrito a centros públicos ou privados de investigación situados en Galicia, contratados mediante programas asimilables ao Programa María Barbeito para a realización da tese de doutoramento, sempre que a axuda da que son beneficiarios non admita na propia convocatoria a posibilidade de dotación adicional para estadías fóra da comunidade autónoma, e que o seu contrato teña como obxectivo específico a realización da tese de doutoramento.

c) Bolseiros predoutorais de convocatorias públicas e concorrencia competitiva destinadas á realización da tese de doutoramento, sempre que a axuda da que son beneficiarios non admita na propia convocatoria a posibilidade de dotación adicional para estadías fóra da comunidade autónoma.

4. Requisitos específicos da modalidade D:

a) Solicitantes das axudas do Programa Ángeles Alvariño, que:

-Non teñan completado o período mínimo de 24 meses de estadías establecido,

-Non cursasen completamente e acadesen o grao de doutor/a nunha universidade estranxeira,

-Non acrediten fidedignamente unha minusvalidez igual ou superior ao 65%.

A concesión da axuda para estadía estará supeditada á concesión da axuda correspondente ao Programa Ángeles Alvariño.

b) Persoal investigador con contrato en vigor ao abeiro das axudas do Programa Ángeles Alvariño, que:

-Non teñan completado o período mínimo de 24 meses de estadías establecido,

-Cursasen completamente e acadesen o grao de doutor/a nunha universidade estranxeira,

-Acrediten fidedignamente unha minusvalidez igual ou superior ao 65%.

c) Persoal investigador do Programa Isidro Parga Pondal solicitante da 2ª prórroga das axudas do devandito programa.

5. En ningún caso poderán concorrer os estranxeiros que teñan unha axuda que corresponda a un programa de formación de estranxeiros en España.

Artigo 4º.-Contía das axudas.

Para a concesión das axudas a que fai referencia este anexo, destinaranse os créditos con cargo ás aplicacións orzamentarias 10.02.561B.480.0 e 10.02.561A.480.1 dos Orzamentos Xerais da Comunidade Autónoma de Galicia para os anos 2008 e 2009, segundo a distribución que a seguir se indica.

Ver referencia pdf "15600D003P006.PDF"

Todas as cantidades antes citadas poderanse incrementar en función das peticións presentadas e de acordo coas dispoñibilidades de créditos.

O importe da axuda comprenderá:

1. Unha axuda institucional para gastos de desprazamento e seguro combinado de accidentes, durante o período de aproveitamento cunha asignación de 400 euros para estadías en España, Portugal e Andorra, 600 euros para estadías no resto de Europa e de 1.000 euros para estadías no resto do mundo.

2. Unha asignación mensual bruta de:

-Un máximo de 1.200 euros, se a incorporación se produce en España, Portugal ou Andorra.

-Un máximo de 1.500 euros, se a incorporación se produce no resto de países de Europa ou en África.

-Un máximo de 1.900 euros, se a incorporación se produce en países de América, Asia e Oceanía.

En ningún caso serán exixibles á Consellería de Innovación e Industria outras obrigas que o cumprimento das condicións da subvención ou axuda nos termos sinalados nesta convocatoria.

Artigo 5º.-Duración mínima e período de aproveitamento.

-Para poder optar a axuda nesta convocatoria, a duración mínima da estadía será dun mes (30 días).

-Modalidades ordinarias: as estadías para as que se solicite axuda ao abeiro desta convocatoria nas modalidades A, B e C, deberán iniciarse en data igual ou anterior ao 1 de decembro do ano correspondente á convocatoria, e finalizarse en data igual ou anterior ao 30 de novembro do ano seguinte.

-Modalidade extraordinaria: as estadías para as que se solicite axuda ao abeiro desta convocatoria na modalidade D, deberán iniciarse na data indicada na resolución de concesión e finalizarse en data igual ou anterior ao 31 de decembro do ano seguinte ao da publicación da correspondente convocatoria, agás no caso dos beneficiarios da 2ª prórroga das axudas do Programa Isidro Parga Pondal, que deberán finalizarse en data igual ou anterior á da finalización da prórroga dos seus contratos.

Artigo 6º.-Formalización das solicitudes.

As solicitudes, no modelo oficial RHS.EST-08/00, do que a portada externa se publica como anexo XXI a esta orde, presentaranse no prazo e forma establecidos nos artigos 2º e 3º das bases xerais da convocatoria, acompañadas da seguinte documentación:

1. Fotocopia do DNI ou NIE no caso de non nacionais.

2. Carta de invitación (orixinal ou fotocopia cotexada) do centro onde se vai desenvolver o traballo, debidamente asinada polo responsable deste, segundo modelo que se inclúe co formulario normalizado de solicitude RHS.EST-08/00.

3. Informe de conformidade e certificación de vinculación do/a solicitante segundo modelo que se inclúe co formulario normalizado de solicitude RHS.EST-08/00 (orixinal ou copia cotexada), emitido polo/a vicerreitor/a con competencias -no caso das universidades do SUG- ou polo director do centro de investigación ao que estea vinculado o solicitante.

-No caso de persoal contratado non permanente, a vinculación ao organismo/entidade deberá estar vixente na data de peche da convocatoria e a súa duración debe ser igual ou superior ao período de estadía solicitado.

-Naqueles casos nos que a categoría do solicitante non leve implícita a condición de doutor, esta, de ser o caso, deberá acreditarse.

-Na modalidade B, a condición de doutor/a recente (3 anos anteriores ao da convocatoria) deberá acreditarse fidedignamente, agás no caso de persoas contratadas ao abeiro dos programas Isidro Parga Pondal, Ramón y Cajal ou asimilables.

4. Plan de traballo no que se faga constar:

a) Calendario.

b) Programa das actividades que se van realizar.

O plan de traballo deberá vir asinado polo interesado, e no caso dos que opten á modalidade C, terá que contar co visto e prace do director que asume a supervisión da actividade investigadora do solicitante na institución ou centro ao que está vinculado a través das axudas do Programa María Barbeito.

5. Modalidades A e B: relación de publicacións: os solicitantes que concorran ás modalidades A e B, entregarán unha relación das 5 publicacións máis salientables dos 3 últimos anos, formalizada no modelo normalizado que se inclúe co formulario normalizado de solicitude RHS.EST-08/00:

a) Para os efectos desta convocatoria, non se computarán aquelas publicacións anteriores ao 1 de xaneiro do ano 2005.

b) A relación de publicacións documentarase, mediante fotocopia da primeira páxina da publicación ou daquela na que figuren os datos salientables desta (autor/es, título, editorial, revista, etc.).

c) No caso de solicitantes que concorran pola modalidade B, que aleguen vinculación a un grupo de investigación, das publicacións achegadas deberá deducirse a súa vinculación co grupo de investigación indicado na certificación á que se refire o punto 3 deste mesmo artigo.

6. Modalidade C: os solicitantes que concorran á modalidade C (agás aqueles que teñan vixente unha axuda do Programa María Barbeito), entregarán orixinal ou fotocopia cotexada de:

a) Certificación académica da licenciatura ou equivalente, na que conste a nota media simple do expediente académico segundo o protocolo de colaboración subscrito entre a Consellería de Educación e Ordenación Universitaria e as tres universidades galegas para a valoración de expedientes académicos, publicado por Resolución do 15 de marzo de 2005 (DOG nº 57, do 23 de marzo).

b) Certificación académica dos estudos de terceiro ciclo ou, de ser o caso, do Programa Oficial de Posgrao.

7. Os solicitantes de axudas para estadías de investigación da modalidade extraordinaria (modalidade D) deberán achegar unicamente a documentación indicada nos puntos 1, 2, 3 e 4 deste artigo.

Artigo 7º.-Tramitación.

A instrución do procedemento de concesión destas axudas correspóndelle á Dirección Xeral de Investigación, Desenvolvemento e Innovación, procedendo por parte dos servizos da dita dirección xeral, segundo o establecido no artigo 8º (Instrución do/s procedemento/s e tramitación) das bases xerais desta convocatoria.

Artigo 8º.-Avaliación e selección das solicitudes.

1. A avaliación das solicitudes será feito pola comisión de selección indicada no artigo 9º das bases xerais desta convocatoria, conforme os seguintes criterios xerais de selección:

a) Solicitantes das modalidades A e B:

-Méritos a que se refire o punto 5 do artigo 6 (para os solicitantes das modalidades A e B): máximo de 5 puntos. Valoraranse as cinco publicacións dos últimos tres anos de acordo coa seguinte fórmula:

A × 5 + B × 3 + C × 1

5

Onde: A se refire ao número de publicacións con difusión internacional, B ao número de publicacións con difusión nacional e C ao número de publicacións de difusión local.

-Plan de traballo e o seu interese, segundo o establecido na alínea 4 do artigo 6º: máximo 2,5 puntos.

-Corrección da solicitude e documentación correspondente (sen que sexa necesaria a súa emenda): 2 puntos.

-Compromiso do solicitante, mediante declaración persoal, de utilización da lingua galega en todas as relacións que o interesado manteña coa Administración autonómica: 0,5 puntos.

b) Solicitantes da modalidade C:

-Media simple do expediente académico da titulación e do 3º ciclo ou dos 60 créditos do POP que lle deu acceso ao doutoramento.

-Plan de traballo e o seu interese, segundo o establecido na alínea 4 do artigo 6º: máximo 2,5 puntos.

-Corrección da solicitude e documentación correspondente (sen que sexa necesaria a súa emenda): 2 puntos.

-Compromiso do solicitante, mediante declaración persoal, de utilización da lingua galega en todas as relacións que o interesado manteña coa Administración autonómica: 0,5 puntos.

2. A comisión daralle prioridade ás solicitudes da modalidade extraordinaria (modalidade D) de beneficiarios das axudas do Programa Ángeles Alvariño e da 2ª prórroga do Programa Isidro Parga Pondal.

3. No caso das modalidades ordinarias (A, B, e C) a comisión poderá darlle prioridade a solicitudes de persoas que non resultaron beneficiarias dunha destas bolsas, nas resolucións dos dous anos anteriores a esta convocatoria ou que, aínda resultando beneficiarios, non gozaron desta. A comisión tamén poderá priorizar, en primeiro lugar, as estadías fóra de Europa e en segundo lugar, as estadías de fóra de España, Portugal e Andorra.

4. Para as solicitudes das modalidades ordinarias (A, B, e C) a comisión de selección poderá acordar a puntuación total mínima do punto de publicacións ou media do expediente académico, segundo corresponda, exixida para cada unha das modalidades ordinarias para ter dereito á bolsa.

5. A proposta de concesión formulada pola comisión, así como a lista de agarda para posibles substitucións das modalidades ordinarias (A, B e C), publicarase na internet no punto de axudas do enderezo http://www.conselleriaiei.org/. A dita publicación só terá efectos informativos.

Artigo 9º.-Resolución e notificación.

A comisión de selección elevará a proposta de resolución ao conselleiro de Innovación e Industria para que resolva e elaborará, de ser o caso, unha lista de suplentes para posibles renuncias. Esta resolución publicarase no Diario Oficial de Galicia, segundo o indicado no artigo 10º das bases xerais desta orde.

Artigo 10º.-Condicións de aproveitamento.

1. Os beneficiarios das bolsas están obrigados a:

a) Comunicar a data de incorporación ao centro de destino mediante certificado de incorporación orixinal, segundo modelo normalizado que estará ao dispor dos interesados no punto de axudas do enderezo http://www.conselleriaiei.org/. O dito certificado, debidamente asinado polo responsable do centro de destino, será remitido á Dirección Xeral de Investigación, Desenvolvemento e Innovación, no prazo máximo de 15 días desde a data de incorporación.

b) Unha vez incorporados ao centro de destino deberán atoparse, en todo momento, en condicións de xustificar o seu labor asiduo no devandito centro.

c) Presentar no prazo máximo dun mes desde a finalización da estadía, un informe final do traballo realizado que deberá incluír:

-Memoria do traballo realizado.

-Unha copia dos traballos eventualmente publicados.

-Informe (orixinal e debidamente asinado) do director do centro de destino sobre o traballo realizado, con indicación expresa do tempo de permanencia no centro, indicando datas de inicio e finalización (dd/mm/aa).

2. Calquera interrupción ou aprazamento do período de aproveitamento para o que sexa concedida a axuda, deberá ser previamente autorizado pola Dirección Xeral de Investigación, Desenvolvemento e Innovación; non obstante, para aquelas bolsas que se desenvolvan en dous exercicios orzamentarios distintos, non poderán autorizarse modificacións que supoñan incrementar o crédito necesario, nalgunha das anualidades previstas na concesión.

3. Non se admitirán cambios nos centros de destino, salvo circunstancias excepcionais que así o aconsellen, tras o informe favorable, en todo caso, dos dous centros afectados, e autorización expresa da Dirección Xeral de I+D+i da Consellería de Innovación e Industria da Xunta de Galicia.

4. En calquera momento a Dirección Xeral de Investigación, Desenvolvemento e Innovación, poderá reclamar:

-Informe do centro receptor sobre o labor realizado polo beneficiario da axuda.

-Xustificantes acreditativos da realización da viaxe (carta de embarque, billete de tren, etc.).

Artigo 11º.-Aceptación da bolsa e pagamento.

1. A aceptación da bolsa farase, no prazo de 15 días hábiles contados a partir do día seguinte ao da publicación da resolución, mediante documento asinado polo bolseiro, no que se compromete a cumprir todas as condicións recollidas nestas bases. No caso de que a citada aceptación non se produza no prazo sinalado, entenderase que o bolseiro renuncia a axuda. Así mesmo, e acompañando ao documento de aceptación da axuda, entregarase declaración responsable, na que conste que non dispón doutra bolsa para o mesmo fin.

2. As bolsas aboaranse mensualmente, quedando pendente a última mensualidade ata a xustificación final da estadía, mediante a presentación dos documentos requiridos no artigo 10º, punto 1, alínea c) deste anexo, acompañada da declaración complementaria de axudas indicada na letra d) do artigo 13º (obrigas dos beneficiarios) das bases xerais desta orde. Poderase realizar o pagamento total da estadía nunha soa vez, se o bolseiro acredita a realización total desta.

3. De non determinarse outra data na resolución final de adxudicación, a axuda institucional aboarase xunto coa primeira mensualidade.

Artigo 12º.-Publicación dos resultados obtidos.

Os resultados obtidos con ocasión do aproveitamento da bolsa serán propiedade dos seus autores, que, no caso de facelos públicos, deberán facer constar a axuda recibida da Xunta de Galicia e, de ser o caso, a súa cofinanciación con axudas do FSE, e terán que enviarlle á Dirección Xeral de Investigación, Desenvolvemento e Innovación un exemplar da publicación na que se recolla.

Artigo 13º.-Incidencias.

As renuncias que se produzan poderán ser substituídas pola Dirección Xeral de Investigación, Desenvolvemento e Innovación de acordo coa lista de reserva, se a houbese.

A Dirección Xeral de Investigación, Desenvolvemento e Innovación resolverá todas as dúbidas e incidencias que puideran xurdir na aplicación desta convocatoria.

Ver referencia pdf "15600D003P006.PDF"

(continuación)

Ver referencia pdf "15600D003P006.PDF"

(continuación)

Ver referencia pdf "15600D003P006.PDF"