As catro sociedades anónimas de Xestión Urbanística de Galicia (Xestures) son sociedades públicas do artigo 12.1º a) do texto refundido da Lei de réxime financeiro e orzamentario de Galicia, aprobado polo Decreto lexislativo 1/1999, do 7 de outubro, que foron constituídas tras as autorizacións concedidas polo Real decreto 863/1978, do 30 de marzo, polo que se autoriza o Instituto Nacional de Urbanización a constitución de sociedades anónimas para a actuación urbanística das provincias de Alacante, Cádiz, Córdoba, A Coruña, Las Palmas, Guadalajara, Huelva, Lugo, Málaga, Murcia, Ourense, Pontevedra, Sevilla, Santa Cruz de Tenerife, Valencia e Zaragoza. Xestur Ourense foi constituída tras a autorización concedida polo Decreto 305/1990, do 24 de maio, polo que se autoriza ao Instituto Galego de Vivenda e Solo para constituír nas provincias de Pontevedra e Ourense sociedades urbanísticas e promotoras de vivenda e solo.
Así, polo que se refire a Xestur A Coruña, Xestur Lugo e Xestur Pontevedra estas sociedades constituíronse mediante escritura publica ante o notario da Coruña Pelayo Artigas Ramírez o 2 de decembro de 1980, ante o notario de Lugo Pedro Fernández de Bilbao o 18 de marzo de 1980 e ante o notario de Vigo Alfonso Zulueta de Haz o 16 de outubro de 1980 respectivamente.
Polo que se refire a Xestur Ourense constituíuse mediante escritura pública ante o notario de Ourense Álvaro Moure Goyanes o 22 de decembro de 1990.
A nova Lei 30/2007, do 30 de outubro, de contratos do sector público, considera no seu artigo 4.1º n) como negocios e contratos excluídos do ámbito de aplicación desta, aqueles en virtude dos cales se encargue a unha entidade que, conforme o sinalado no artigo 24.6º da mesma norma, teñan atribuída a condición de medio propio e servizo técnico deste, a realización dunha determinada prestación.
O devandito artigo 24.6º establece que para os efectos previstos neste artigo e no artigo 4.1º n), os entes, organismos e entidades do sector público poderán ser considerados medios propios e servizos técnicos daqueles poderes adxudicadores para os que realicen a parte esencial da súa actividade cando estes desempeñen sobre estes un control análogo ao que poden exercer sobre os seus propios servizos. Se se trata de sociedades, ademais, a totalidade do seu capital terá que ser de titularidade pública.
Esa condición de medio propio e servizo técnico das entidades que cumpran os criterios mencionados neste punto deberá recoñecerse expresamente pola norma que as cree ou polos seus estatutos, que deberán determinar as entidades respecto das cales teñen esta condición e precisar o réxime das encomendas que se lles podan conferir ou as condicións en que poderán adxudicárselles contratos, e determinará para elas a imposibilidade de participar en licitacións públicas convocadas polos poderes adxudicadores dos que sexan medios propios, sen prexuízo de que, cando non concorra ningún licitador, poida encargárselles a execución da prestación obxecto destas.
Por iso cómpre modificar os estatutos das sociedades anónimas das catro sociedades de xestión urbanística existentes nas catro provincias galegas.
De conformidade co establecido polo artigo 45.3º da Lei 3/1985, do 12 de abril, de patrimonio de Galicia, e o artigo 111 do regulamento da Lei de patrimonio, aprobado polo Decreto 50/1989, do 9 de marzo, a aprobación dos estatutos das sociedades anónimas farase por decreto do Consello da Xunta.
En virtude do anterior, por proposta do conselleiro de Economía e Facenda e por iniciativa da conselleira de Vivenda e Solo, e logo de deliberación do Consello da Xunta de Galicia, na súa reunión do día tres de xullo de dous mil oito,
DISPOÑO:
Artigo 1º
Declarar medio propio instrumental e servizo técnico da Administración da Xunta de Galicia as entidades Xestión Urbanística da Coruña, S.A., Xestión Urbanística de Lugo, S.A., Xestión Urbanística de Ourense, S.A. e Xestión Urbanística de Pontevedra, S.A. e aprobar a modificación dos artigos dos seus estatutos que se publican como anexo.
Artigo 2º
Esta natureza de medio propio e de servizo técnico determinará para as catro Xestures a imposibilidade de participar en licitacións públicas convocadas pola Administración da Xunta de Galicia e os seus organismos autónomos, sen prexuízo de que, cando non concorra ningún licitador, poida encargárselles a execución da prestación obxecto destas.
Artigo 3º
As tarifas que percibirán as Xestures en concepto de retribución pola execución das encomendas serán fixadas por unha comisión paritaria, na que participarán representantes das consellerías de Vivenda e Solo e Economía e Facenda. En tanto en cuanto esta comisión non fixe as correspondentes tarifas a retribución dos traballos que realicen as Xestures establecerase nas encomendas de xestión que, en calquera caso, deberá cubrir o valor das prestacións encargadas, tendo en conta os custos directos e indirectos, e as marxes razoables acordes co importe das prestacións. Estas marxes deberán figurar como partida independente do resto da tarifa.
Artigo 4º
Facúltase o conselleiro de Economía e Facenda para ditar cantas disposicións sexan necesarias para a execución deste decreto.
Disposición derradeira
Este decreto entrará en vigor o mesmo día da súa publicación no Diario Oficial de Galicia.
Santiago de Compostela, tres de xullo de dous mil oito.
Emilio Pérez Touriño
Presidente
José Ramón Fernández Antonio
Conselleiro de Economía e Facenda
ANEXO
Nova redacción dos artigos 1º e 2º de Xestión Urbanística da Coruña, S.A., e nova disposición adicional
Artigo 1º.-Denominación e natureza xurídica.
1. Baixo a denominación de Xestión Urbanística da Coruña, S.A. (Xestur A Coruña, S.A.), constitúese unha sociedade anónima de nacionalidade española e capital social integramente de titularidade pública, para a realización de actividades urbanísticas na provincia da Coruña, que se rexerá polo disposto nestes estatutos, polo Real decreto lexislativo 1564/1989, do 22 de decembro, polo que se aproba o texto refundido da Lei de sociedades anónimas, pola Lei 3/1985, do 12 de abril, do patrimonio da Comunidade Autónoma de Galicia e polo resto de disposicións que lle sexan de aplicación.
2. A sociedade terá a consideración de medio propio instrumental e de servizo técnico da Administración xeral da Comunidade Autónoma de Galicia e dos seus organismos autónomos, sen prexuízo das encomendas que poidan efectuar outras administracións respecto das cales a sociedade cumpra os requisitos necesarios para ser considerada como medio propio daquelas no concernente á realización das actividades propias do seu obxecto social que estas lle encarguen, estando obrigada a realizalas.
As relacións coas anteriores entidades, por conseguinte, non se considerarán de natureza contractual sendo a todos os efectos de carácter interno, dependente e subordinado e articulándose a través de encomendas de xestión das previstas no artigo 24.6º da Lei 30/2007, do 30 de outubro, de contratos do sector público.
En calquera caso, as encomendas de xestión que lle poidan efectuar referiranse sempre a actuacións concretas, requirindo para tales efectos da preceptiva e logo de resolución do órgano que efectúe a encomenda onde se identificarán os termos e condicións nos que deberá realizarse a dita encomenda.
No caso de retribución dos traballos que leve a cabo esta Xestur o importe destes determinarase nas encomendas, calculándose de xeito que permita a recuperación dos investimentos feitos e os custos de xestión, de ser o caso. A retribución poderá consistir nunha achega en diñeiro ou en especie, neste último caso mediante a entrega de bens ou dereitos.
Artigo 2º.-Obxecto social.
1. O obxecto social vén constituído pola realización das actividades dirixidas á promoción e xestión do solo empresarial, residencial e construción de edificacións no territorio da provincia da Coruña. O desenvolvemento destas actividades ten por finalidade garantir a utilización do solo de acordo co interese xeral e dotar a provincia de solo suficiente para a localización de industrias e a implantación de actividades económicas que favorezan o desenvolvemento socioeconómico e a promoción de emprego, así como de solo para a construción de vivendas dignas e adecuadas, especialmente, aos sectores con menos capacidade económica, actuando como elemento de regulación do mercado inmobiliario e de mellora da calidade ambiental.
Inclúense nestas actividades as seguintes:
a) Promoción, adquisición e preparación de solo para asentamentos industriais, residenciais, terciarios e de servizos.
b) Adquisición, por calquera título, incluso expropiación forzosa, en cuxo caso adoptará a condición de beneficiaria da expropiación, de terreos destinados á formación de reservas de solo, preparación de soares, dotacións e equipamentos, fomento da vivenda ou calquera outra finalidade análoga de carácter urbanístico.
c) Exercer a acción urbanizadora dirixida á preparación do solo industrial, residencial, terciario e de servizos, mediante a realización de obras de infraestruturas, urbanización e dotación de servizos para o seu adecuado equipamento, así como calquera outra acción precisa para a execución do planeamento urbanístico.
d) Promover a acción edificatoria dirixida á realización de edificacións e instalacións destinadas a albergar industrias e vivendas, incluídas as vivendas suxeitas a calquera réxime de protección pública, así como as dotacións de equipamento comunitario previstas polo planeamento urbanístico.
e) Xestión, explotación e mantemento das obras e servizos resultantes da acción urbanizadora e edificatoria.
f) Adquisición, arrendamento, alleamento e permuta de bens inmobles.
g) O fomento da adquisición de solo así como a rehabilitación e construción de todo tipo de edificacións.
h) A promoción e xestión de actuacións en materia de vivenda e solo que se desenvolvan directamente pola propia sociedade ou en colaboración con outras administracións públicas competentes.
i) Subscribir convenios con administracións públicas ao obxecto de desenvolver actuacións vinculadas ao obxecto social nos termos establecidos na normativa vixente.
j) Realización das actuacións que, en materia do seu obxecto, lle encomenden á Administración xeral da Comunidade Autónoma de Galicia e a os seus organismos autónomos e ás administracións respecto das cales a sociedade cumpra os requisitos necesarios para ser considerada como medio propio daquelas.
2. No desenvolvemento dos seus fins, poderá levar a cabo cantas actuacións considere convenientes en relación coa elaboración de estudos, redacción de proxectos e plans de ordenación, execución de obras, adquisición, comercialización, permuta e alleamento a título oneroso de solo, equipamento e vivendas, constitución de dereitos reais e gravames sobre bens, xestión e explotación de obras e servizos e calquera outra que considere necesarias cos límites establecidos pola lexislación aplicable da Comunidade Autónoma de Galicia e polo resto do ordenamento xurídico.
Disposición adicional
Os recursos económicos da sociedade pública estarán constituídos por:
a) As asignacións orzamentarias da Xunta de Galicia e dos seus organismos autónomos e outros entes dependentes.
b) As subvencións, as achegas voluntarias ou as doazóns que lle conceda calquera persoa pública ou privada.
c) O rendemento do seu patrimonio.
d) Os ingresos obtidos por operacións de crédito que, en todo caso, se axustarán ao réxime xeral de autorización e de información sobre o endebedamento público regulado na normativa orzamentaria da comunidade.
e) As remuneracións derivadas da prestación de servizos ou pola realización de actuacións que lle sexan encomendadas, de conformidade co seu obxecto social pola Administración galega, os seus organismos autónomos ou entes dependentes, ou, se é o caso, calquera outra Administración pública.
f) Por calquera outro que lle corresponda de conformidade coas leis.
Nova redacción dos artigos 1º, 2º, 5º e 6º de Xestión Urbanística de Lugo, S.A., e nova disposición adicional
Artigo 1º.-Denominación e natureza xurídica.
Baixo a denominación de Xestión Urbanística de Lugo, S.A., constitúese unha sociedade anónima de nacionalidade española e capital social integramente de titularidade pública, para a realización de actividades urbanísticas na provincia de Lugo, que se rexerá polo disposto nestes estatutos, polo Real decreto lexislativo 1564/1989, do 22 de decembro, polo que se aproba o texto refundido da Lei de sociedades anónimas, pola Lei 3/1985, do 12 de abril, do patrimonio da Comunidade Autónoma de Galicia e polo resto de disposicións que lle sexan de aplicación.
A sociedade terá a consideración de medio propio instrumental e de servizo técnico da Administración xeral da comunidade autónoma e dos seus organismos autónomos, sen prexuízo das encomendas que poidan efectuar outras administracións respecto das cales a sociedade cumpra os requisitos necesarios para ser considerada como medio propio daquelas no concernente á realización das actividades propias do seu obxecto social que estas lle encarguen, estando obrigada a realizalas.
As relacións coas anteriores entidades, por conseguinte, non se considerarán de natureza contractual sendo para todos os efectos de carácter interno, dependente e subordinado e articulándose a través de encomendas de xestión das previstas no artigo 24.6º da Lei 30/2007, do 30 de outubro, de contratos do sector público.
En calquera caso, as encomendas de xestión que se poidan efectuar a favor de Xestión Urbanística de Lugo, S.A. referiranse sempre a actuacións concretas, requirindo para tales efectos da preceptiva e logo de resolución do órgano que efectúe a encomenda onde se identificarán os termos e condicións nos que deberá realizarse a dita encomenda.
No caso de retribución dos traballos que leve a cabo esta Xestur o importe destes determinarase nas encomendas, calculándose de xeito que permita a recuperación dos investimentos feitos e os custos de xestión, de ser o caso. A retribución poderá consistir nunha achega en diñeiro ou en especie, neste último caso, mediante a entrega de bens ou dereitos.
Artigo 2º.-Obxecto social.
1. Xestión Urbanística de Lugo, S.A. (en anagrama Xestur Lugo) ten por obxecto a realización das actividades dirixidas á promoción e xestión do solo empresarial, residencial e construción de edificacións no territorio da provincia de Lugo. O desenvolvemento destas actividades ten por finalidade garantir a utilización do solo de acordo co interese xeral e dotar a provincia de solo suficiente para a localización de industrias e a implantación de actividades económicas que favorezan o desenvolvemento socioeconómico e a promoción de emprego, así como de solo para a construción de vivendas dignas e adecuadas, especialmente, aos sectores con menos capacidade económica, actuando como elemento de regulación do mercado inmobiliario e de mellora da calidade ambiental. Inclúense nestas actividades as seguintes:
a) Promoción, adquisición e preparación de solo para asentamentos industriais, residenciais, terciarios e de servizos.
b) Adquisición, por calquera título, incluso expropiación forzosa, en cuxo caso Xestión Urbanística de Lugo, S.A. adoptará a condición de beneficiaria da expropiación, de terreos destinados á formación de reservas de solo, preparación de soares, dotacións e equipamentos, fomento da vivenda ou calquera outra finalidade análoga de carácter urbanístico.
c) Exercer a acción urbanizadora dirixida á preparación do solo industrial, residencial, terciario e de servizos, mediante a realización de obras de infraestruturas, urbanización e dotación de servizos para o seu adecuado equipamento, así como calquera outra acción precisa para a execución do planeamento urbanístico.
d) Promover a acción edificatoria dirixida á realización de edificacións e instalacións destinadas a albergar industrias e vivendas, incluídas as vivendas suxeitas a algún réxime de protección pública, así como as dotacións de equipamento comunitario previstas polo planeamento urbanístico.
e) Xestión, explotación e mantemento das obras e servizos resultantes da acción urbanizadora e edificatoria.
f) Adquisición, arrendamento, alleamento e permuta de bens inmobles.
g) O fomento da adquisición de solo así como a rehabilitación e construción de todo tipo de edificacións.
h) A promoción e xestión de actuacións en materia de vivenda e solo que sexan desenvoltas directamente pola propia sociedade ou en colaboración con outras administracións públicas competentes.
i) Subscribir convenios con administracións públicas ao obxecto de desenvolver actuacións vinculadas co obxecto social nos termos establecidos na normativa vixente.
j) Realización das actuacións que, en materia do seu obxecto, lle encomenden á Administración xeral da comunidade autónoma e os seus organismos autónomos e as administracións respecto das cales a sociedade cumpra os requisitos necesarios para ser considerada como medio propio daquelas.
2. Xestur Lugo no desenvolvemento dos seus fins, poderá levar a cabo cantas actuacións estime convenientes en relación coa elaboración de estudos, redacción de proxectos e plans de ordenación, execución de obras, adquisición, comercialización, permuta e alleamento a título oneroso de solo, equipamento, e vivendas, constitución de dereitos reais e gravames sobre bens, xestión e explotación de obras e servizos e calquera outras que considere necesarias cos límites establecidos pola lexislación aplicable da comunidade autónoma e polo resto do ordenamento xurídico.
Artigo 5º.-Capital social.
O capital social é de 10.971.475,94 euros, totalmente subscrito, e dividido en dúas clases de accións denominadas A e B.
O capital será integramente subscrito por entidades públicas.
Artigo 6º.-Accións.
1. O capital social está representado por 3.651 accións nominativas de valor nominal de 3.005,060522, cada unha delas.
2. As accións son de dúas clases:
A-representativas de 5.685.574,50 euros do capital social.
B-representativas de 5.285.901,44 euros do capital social.
Extenderanse en libros talonarios, estarán numeradas correlativamente e anotaranse nun rexistro especial da sociedade, no que se farán constar igualmente as sucesivas transmisións e a constitución de dereitos reais sobre aquelas. A inscrición neste rexistro é condición necesaria para acreditar fronte á sociedade a condición de socio ou a titularidade de dereitos sobre os títulos.
3. Os títulos das accións conterán os requisitos que determina a Lei de sociedades anónimas e levarán as sinaturas de dous membros do Consello de Administración, que poderán figurar estampillados.
4. Analogamente, coa sinatura, estampillada ou non, de dous membros do Consello de Administración, poderán extenderse extractos de inscrición ou xustificantes provisionais xustificativos da titularidade das accións, incluso mediante un só documento por cada accionista.
Disposición adicional
Os recursos económicos da sociedade pública estarán constituídos por:
a) As asignacións orzamentarias da Xunta de Galicia e dos seus organismos autónomos e outros entes dependentes.
b) As subvencións, as achegas voluntarias ou as doazóns que lle conceda calquera persoa pública ou privada.
c) O rendemento do seu patrimonio.
d) Os ingresos obtidos por operacións de crédito que, en todo caso, se axustarán ao réxime xeral de autorización e de información sobre o endebedamento público regulado na normativa orzamentaria da comunidade.
e) As remuneracións derivadas da prestación de servizos ou pola realización de actuacións que lle sexan encomendadas, de conformidade co seu obxecto social pola Administración galega, os seus organismos autónomos ou entes dependentes ou, se é o caso, calquera outra Administración pública.
f) Por calquera outro que lle corresponda de conformidade coas leis.
Nova redacción dos artigos 1º e 2º de Xestión Urbanística de Ourense, S.A., e nova disposición adicional
Artigo 1º.-Denominación e natureza xurídica.
Baixo a denominación de Xestión Urbanística de Ourense. S.A. (Xestur Ourense, S.A.), constitúese unha sociedade anónima de nacionalidade española e capital social integramente de titularidade pública, para a realización de actividades urbanísticas na provincia de Ourense, que se rexerá polo disposto nestes estatutos, polo Real decreto lexislativo 1564/1989, do 22 de decembro, polo que se aproba o texto refundido da Lei de sociedades anónimas, pola Lei 3/1985, do 12 de abril, do patrimonio da Comunidade Autónoma de Galicia e polo resto de disposicións que lle sexan de aplicación.
A sociedade terá a consideración de medio propio instrumental e de servizo técnico da Administración xeral da comunidade autónoma e dos seus organismos autónomos, sen prexuízo das encomendas que poidan efectuar outras administracións respecto das cales a sociedade cumpra os requisitos necesarios para ser considerada como medio propio daquelas no concernente á realización das actividades propias do seu obxecto social que estas lle encarguen, estando obrigada a realizalas.
As relacións coas anteriores entidades, por conseguinte, non se considerarán de natureza contractual sendo para todos os efectos de carácter interno, dependente e subordinado e articulándose a través de encomendas de xestión das previstas no artigo 24.6º da Lei 30/2007, do 30 de outubro, de contratos do sector público.
En calquera caso, as encomendas de xestión que se poidan efectuar a favor de Xestión Urbanística de Ourense, S.A. referiranse sempre a actuacións concretas, requirindo para tales efectos da preceptiva e logo de resolución do órgano que efectúe a encomenda onde se identificará os termos e condicións nos que deberá realizarse a dita encomenda.
No caso de retribución dos traballos que leve a cabo esta Xestur o importe destes determinarase nas encomendas, calculándose de xeito que permita a recuperación dos investimentos feitos e os custos de xestión, de ser o caso. A retribución poderá consistir nunha achega en diñeiro ou en especie, neste último caso, mediante a entrega de bens ou dereitos.
Artigo 2º.-Obxecto social.
1. Xestión Urbanística de Ourense, S.A. ten por obxecto a realización das actividades dirixidas á promoción e xestión do solo empresarial, residencial e construción de edificacións no territorio da provincia de Ourense. O desenvolvemento destas actividades ten por finalidade garantir a utilización do solo de acordo co interese xeral e dotar a provincia de solo suficiente para a localización de industrias e a implantación de actividades económicas que favorezan o desenvolvemento socioeconómico e a promoción de emprego, así como de solo para a construción de vivendas dignas e adecuadas, especialmente, aos sectores con menos capacidade económica, actuando como elemento de regulación do mercado inmobiliario e de mellora da calidade ambiental. Inclúense nestas actividades as seguintes:
a) Promoción, adquisición e preparación de solo para asentamentos industriais, residenciais, terciarios e de servizos.
b) Adquisición, por calquera título, incluso expropiación forzosa, en cuxo caso Xestión Urbanística de Ourense, S.A. adoptará a condición de beneficiaria da expropiación, de terreos destinados á formación de reservas de solo, preparación de soares, dotacións e equipamentos, fomento da vivenda ou calquera outra finalidade análoga de carácter urbanístico.
c) Exercer a acción urbanizadora dirixida á preparación do solo industrial, residencial, terciario e de servizos, mediante a realización de obras de infraestruturas, urbanización e dotación de servizos para o seu adecuado equipamento, así como calquera outra acción precisa para a execución do planeamento urbanístico.
d) Promover a acción edificatoria dirixida á realización de edificacións e instalacións destinadas a albergar industrias e vivendas, incluídas as vivendas suxeitas a algún réxime de protección pública, así como as dotacións de equipamento comunitario previstas polo planeamento urbanístico.
e) Xestión, explotación e mantemento das obras e servizos resultantes da acción urbanizadora e edificatoria.
f) Adquisición, arrendamento, alleamento e permuta dos bens inmobles.
g) O fomento da adquisición de solo así como a rehabilitación e construción de todo tipo de edificacións.
h) A promoción e xestión de actuacións en materia de vivenda e solo que sexan desenvoltas directamente pola propia sociedade ou en colaboración con outras administracións públicas competentes.
i) Subscribir convenios con administracións públicas ao obxecto de desenvolver actuacións vinculadas ao obxecto social nos termos establecidos na normativa vixente.
j) Realización das actuacións que, en materia do seu obxecto, lle encomenden á Administración xeral da comunidade autónoma e aos seus organismos autónomos e ás administracións respecto das cales a sociedade cumpra os requisitos necesarios para ser considerada como medio propio daquelas.
2. Xestión Urbanística de Ourense, S.A. no desenvolvemento dos seus fins, poderá levar a cabo cantas actuacións considere convenientes en relación coa elaboración de estudos, redacción de proxectos e plans de ordenación, execución de obras, adquisición, comercialización, permuta e alleamento a título oneroso de solo, equipamento e vivendas, constitución de dereitos reais e gravames sobre bens, xestión e explotación de obras e servizos e calquera outras que estime necesarias cos límites establecidos pola lexislación aplicable da comunidade autónoma e polo resto do ordenamento xurídico.
Disposición adicional
Os recursos económicos da sociedade pública estarán constituídos por:
a) As asignacións orzamentarias da Xunta de Galicia e dos seus organismos autónomos e outros entes dependentes.
b) As subvencións, as achegas voluntarias ou as doazóns que lle conceda calquera persoa pública ou privada.
c) O rendemento do seu patrimonio.
d) Os ingresos obtidos por operacións de crédito que, en todo caso, se axustarán ao réxime xeral de autorización e de información sobre o endebedamento público regulado na normativa orzamentaria da comunidade.
e) As remuneracións derivadas da prestación de servizos ou pola realización de actuacións que lle sexan encomendadas, de conformidade co seu obxecto social pola Administración galega, os seus organismos autónomos ou entes dependentes, ou, se é o caso, calquera outra Administración pública.
f) Por calquera outro que lle corresponda de conformidade coas leis.
Nova redacción dos artigos 1º e 2º de Xestión Urbanística de Pontevedra, S.A., e nova disposición adicional
Artigo 1º.-Denominación e natureza xurídica.
Baixo a denominación de Xestión Urbanística de Pontevedra, S.A. (Xestur Pontevedra, S.A.), constitúese unha sociedade anónima de nacionalidade española e capital social integramente de titularidade pública, para a realización de actividades urbanísticas na provincia de Pontevedra, que se rexerá polo disposto nestes estatutos, polo Real decreto lexislativo 1564/1989, do 22 de decembro, polo que se aproba o texto refundido da Lei de sociedades anónimas, pola Lei 3/1985, do 12 de abril, do patrimonio da Comunidade Autónoma de Galicia e polo resto de disposicións que lle sexan de aplicación.
A sociedade terá a consideración de medio propio instrumental e de servizo técnico da Administración xeral da comunidade autónoma e dos seus organismos autónomos, sen prexuízo das encomendas que poidan efectuar outras administracións respecto das cales a sociedade cumpra os requisitos necesarios para ser considerada como medio propio daquelas no concernente á realización das actividades propias do seu obxecto social que estas lle encarguen, estando obrigada a realizalas.
As relacións coas anteriores entidades, por conseguinte, non se considerarán de natureza contractual sendo para todos os efectos de carácter interno, dependente e subordinado e articulándose a través de encomendas de xestión das previstas no artigo 24.6º da Lei 30/2007, do 30 de outubro, de contratos do sector público.
En calquera caso, as encomendas de xestión que se poidan efectuar a favor de Xestión Urbanística de Pontevedra, S.A. referiranse sempre a actuacións concretas, requirindo para tales efectos da preceptiva e logo de resolución do órgano que efectúe a encomenda onde se identificará os termos e condicións nos que deberá realizarse a dita encomenda.
No caso de retribución dos traballos que leve a cabo esta Xestur o importe destes determinarase nas encomendas, calculándose de xeito que permita a recuperación dos investimentos feitos e os custos de xestión, de ser o caso. A retribución poderá consistir nunha achega en diñeiro ou en especie, neste último caso mediante a entrega de bens ou dereitos.
Artigo 2º.-Obxecto social.
1. Xestión Urbanística de Pontevedra, S.A. ten por obxecto a realización das actividades dirixidas á promoción e xestión do solo empresarial, residencial e construción de edificacións no territorio da provincia de Pontevedra. O desenvolvemento destas actividades ten por finalidade garantir a utilización do solo de acordo co interese xeral e dotar a provincia de solo suficiente para a localización de industrias e a implantación de actividades económicas que favorezan o desenvolvemento socioeconómico e a promoción de emprego, así como de solo para a construción de vivendas dignas e adecuadas, especialmente, aos sectores con menos capacidade económica, actuando como elemento de regulación do mercado inmobiliario e de mellora da calidade ambiental. Inclúense nestas actividades as seguintes:
a) Promoción, adquisición e preparación de solo para asentamentos industriais, residenciais, terciarios e de servizos.
b) Adquisición, por calquera título, incluso expropiación forzosa, en cuxo caso Xestión Urbanística de Pontevedra, S.A. adoptará a condición de beneficiaria da expropiación de terreos, destinados á formación de reservas de solo, preparación de soares, dotacións e equipamentos, fomento da vivenda ou calquera outra finalidade análoga de carácter urbanístico.
c) Exercer a acción urbanizadora dirixida á preparación do solo industrial, residencial, terciario e de servizos, mediante a realización de obras de infraestruturas, urbanización e dotación de servizos para o seu adecuado equipamento, así como calquera outra acción precisa para a execución do planeamento urbanístico.
d) Promover a acción edificatoria dirixida á realización de edificacións e instalacións destinadas a albergar industrias e vivendas, incluídas as vivendas suxeitas a algún réxime de protección pública, así como as dotacións de equipamento comunitario previstas polo planeamento urbanístico.
e) Xestión, explotación e mantemento das obras e servizos resultantes da acción urbanizadora e edificatoria.
f) Adquisición, arrendamento, alleamento e permuta de bens inmobles.
g) O fomento da adquisición de solo, así como a rehabilitación e construción de todo tipo de edificacións.
h) A promoción e xestión de actuacións en materia de vivenda e solo que se desenvolvan directamente pola propia sociedade ou en colaboración con outras administracións públicas competentes.
i) Subscribir convenios con administracións públicas co obxecto de desenvolver actuacións vinculadas ao obxecto social nos termos establecidos na normativa vixente.
j) Realización das actuacións que, en materia do seu obxecto, lle encomenden á Administración xeral da comunidade autónoma e os seus organismos autónomos e as administracións respecto das cales a sociedade cumpra os requisitos necesarios para ser considerada como medio propio daquelas.
2. Xestión Urbanística de Pontevedra, S.A., no desenvolvemento dos seus fins, poderá levar a cabo cantas actuacións considere convenientes en relación coa elaboración de estudos, redacción de proxectos e plans de ordenación, execución de obras, adquisición, comercialización, permuta e alleamento a título oneroso de solo, equipamento e vivendas, constitución de dereitos reais e gravames sobre bens, xestión e explotación de obras e servizos e calquera outras que considere necesarias cos límites establecidos pola lexislación aplicable da comunidade autónoma e polo resto do ordenamento xurídico.
Disposición adicional
Os recursos económicos da sociedade pública estarán constituídos por:
a) As asignacións orzamentarias da Xunta de Galicia e dos seus organismos autónomos e outros entes dependentes.
b) As subvencións, as achegas voluntarias ou as doazóns que lle conceda calquera persoa pública ou privada.
c) O rendemento do seu patrimonio.
d) Os ingresos obtidos por operacións de crédito, que en todo caso se axustarán ao réxime xeral de autorización e de información sobre o endebedamento público regulado na normativa orzamentaria da comunidade.
e) As remuneracións derivadas da prestación de servizos ou pola realización de actuacións que lle sexan encomendadas, de conformidade co seu obxecto social pola Administración galega, os seus organismos autónomos ou entes dependentes, ou, se é o caso, calquera outra Administración pública.
f) Por calquera outro que lle corresponda de conformidade coas leis.
Ver referencia pdf "15400D002P011.PDF"
