Dentro do programa de actividades que a Academia Galega de Seguridade Pública ten previsto realizar no ano 2008, e conforme coas funcións atribuídas pola Lei 1/2007, do 15 de xaneiro, de creación da Academia Galega de Seguridade Pública, anúnciase a convocatoria de dous cursos sobre plans de emerxencia municipal: elaboración e implantación, que deberá desenvolverse conforme as seguintes bases:
Obxectivos.
Con estes cursos preténdese dotar o persoal responsable da elaboración e implantación do plan de emerxencia municipal dunha formación teórico-práctica que lle facilite a realización de métodos de prevención e planificación necesarios, en función dos posibles riscos a que estean expostos os seus concellos.
Destinatarios
-Persoal técnico dos concellos con responsabilidade na elaboración do Plan de emerxencia municipal (PEMU).
-Responsables das agrupacións de voluntarios de protección civil da Comunidade Autónoma de Galicia (presidente, xefe, subxefe, e xefe de grupo), que colaboren na elaboración e implantación do PEMU.
Desenvolvemento.
1. Prazas: 27 por curso.
2. Duración: 22 horas lectivas.
3. Datas: outubro de 2008.
4. Lugar: Academia Galega de Seguridade Pública, avda. da Cultura, s/n. A Estrada.
Solicitudes e prazo de inscrición.
1. A inscrición dos/das participantes é gratuíta.
2. As persoas interesadas poderán cubrir a solicitude que se amosa na páxina web http://agasp.xunta.es, ou o modelo anexo á convocatoria da actividade.
3. As solicitudes deberán vir asinadas pola persoa responsable da correspondente unidade e co selo desta. Este será requisito indispensable para ser admitido no curso.
4. Presentación das solicitudes:
-Por correo á sede da Academia Galega de Seguridade Pública: avenida da Cultura, s/n 36680, A Estrada.
-A través do fax nº 886 20 61 23 do Servizo de Formación-Sección de Protección Civil e Bombeiros da Agasp.
-Segundo o previsto no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
5. O prazo para a presentación de solicitudes rematará o día 5 de setembro de 2008.
Contido.
-Estrutura e organización do PEMU.
-CECOPAL.
-Cartografía dixital do Plan de emerxencias.
-Operatividade.
-Os arquivos informáticos.
-Catálogo de medios e recursos.
-Tipoloxía de riscos.
-Análise e determinación de riscos.
Relación de admitidos.
A relación de admitidos/as farase pública o día 20 de setembro de 2008 na páxina web http://agasp.xunta.es.
Asistencia.
É obrigatoria a asistencia e puntualidade en todas as actividades do curso. A falta de asistencia, mesmo cando sexa xustificada, a máis dun 10% das horas lectivas programadas determinará a cualificación de non apto no curso.
Certificado de aproveitamento.
Ao remate do curso entregaráselles un certificado de aproveitamento a aquelas persoas que acrediten a súa asistencia continuada e superen as correspondentes probas de coñecementos.
Modificacións.
A Academia Galega de Seguridade Pública poderá modificar o desenvolvemento dos cursos para adaptalos ás necesidades da Administración e ás continxencias que poidan xurdir.
A Estrada, 15 de xullo de 2008.
P.S. (Disposición primeira Orde 31-1-2008,
DOG nº 23, do 1 de febreiro)
María Isabel Durántez Gil
Directora xeral de Interior
Ver referencia pdf "14400D012P042.PDF"