Dentro do programa de actividades que a Academia Galega de Seguridade Pública ten previsto realizar no ano 2008, e conforme as funcións atribuídas pola Lei 1/2007, do 15 de xaneiro, de creación da Academia Galega de Seguridade Pública, anúnciase a convocatoria dun curso de especialización contra incendios I, que se desenvolverá en colaboración co Centro de Instrución de Seguridade Interior da Armada, conforme as seguintes bases:
Obxectivos.
Con este curso preténdese conseguir que os/as integrantes dos servizos de emerxencias e protección civil adquiran unha preparación especializada na loita contra os incendios, que facilite a formación de seccións que poidan actuar con garantía e seguridade nas tarefas que teñan encomendadas, dentro dos servizos de emerxencias e protección civil.
Destinatarios.
O curso vai dirixido aos membros dos servizos de emerxencias e protección civil, que realizasen o curso básico de protección civil e o curso de segundo nivel de prevención e loita contra incendios urbanos e forestais, e teñan experiencia no traballo de loita contra incendios.
Desenvolvemento.
1. Prazas: 20.
2. Duración e data: o curso terá lugar do 29 de setembro ao 3 de outubro de 2008, ambos inclusive, das 8.30 ás 14.00 horas e cunha duración de 25 horas lectivas.
3. Lugar: Centro de Instrución de Seguridade Interior da Armada; a avda. das Telleiras s/n, Ferrol (A Coruña).
Solicitudes e prazo de inscrición.
1. A inscrición dos/das participantes é gratuíta.
2. As persoas interesadas poderán cubrir a solicitude que se amosa na páxina web http://agasp.xunta.es, ou o modelo anexo á convocatoria da actividade.
3. As solicitudes deberán estar asinadas pola persoa responsable da correspondente unidade e co selo desta. Estes requisitos serán indispensables para ser admitidos no curso.
4. Presentación das solicitudes.
-Por correo á sede da Academia Galega de Seguridade Pública: avenida da Cultura, s/n 36680, A Estrada.
-A través do fax nº 886 20 61 23 do Servizo de Formación-Sección de Protección Civil e Bombeiros da Agasp.
-Segundo o previsto no artigo 38.4º da Lei 30/1992, do 26 de novembro, de réxime xurídico das administración públicas e do procedemento administrativo común.
5. O prazo para a presentación de solicitudes rematará o día 5 de setembro de 2008.
6. Os/as seleccionados/as deberán presentar, antes do inicio do curso, un certificado médico de non padecer enfermidade nin estar afectado/a por limitación física ou psíquica que sexa incompatible co desempeño das prácticas con lume real.
Contido.
O contido do curso de especialización contra incendios divídese en dúas partes:
Teórica:
-Extintores portátiles de auga, CO2 e po seco. Incendios de grandes proporcións. Efecto BLEVE. Lume a distinto nivel.
-Cámara termovisualizadora ARGUS. Materiais e equipos empregados na extinción con auga.
-Escumas extintoras. Clasificación e utilización.
-Equipos detectores de gases. Explosímetro, Combiwarn C. Multiwarn.
Práctica:
-Movemento básico de mangueiras. Técnicas de aproximación e extinción do lume. Lume exterior.
-Extinción de incendios con extintores portátiles.
-Extinción de incendios en exteriores con repartidores de caudal variable, conos ocos e cheos.
-Equipos xeradores de escumas.
-Extinción de lumes con escumas.
-Risco durante os incendios. Precaucións de seguridade. Adestrador CI. Extinción de incendios combinados en adestrador de CI.
Relación de admitidos.
A relación de admitidos/as farase pública o día 20 de setembro de 2008 na páxina web: http://agasp.xunta.es.
Asistencia.
É obrigatoria a asistencia e puntualidade en todas as actividades do curso. A falta de asistencia, mesmo cando sexa xustificada, en máis dun 10% das horas lectivas programadas determinará a cualificación de non apto no curso.
Certificado de aproveitamento.
Ao remate do curso entregaráselles un certificado de aproveitamento a aquelas persoas que acrediten a súa asistencia continuada e superen as correspondentes probas de coñecementos.
Modificacións.
A Academia Galega de Seguridade Pública poderá modificar o desenvolvemento dos cursos para adaptalos ás necesidades da Administración e ás continxencias que poidan xurdir.
A Estrada, 15 de xullo de 2008.
P.S. (Disposición primeira Orde 31-1-2008,
DOG nº 23, do 1 de febreiro)
María Isabel Durántez Gil
Directora xeral de Interior
Ver referencia pdf "14400D009P039.PDF"
