O artigo 164 dos estatutos da Universidade de Vigo recolle a composición mínima das mesas de contratación e sinala o xerente como integrante desta.

O volume de actividade administrativa desenvolta pola xerente e razóns de eficacia e axilidade na xestión fan aconsellable trasladar o exercicio desta competencia en favor de quen asume de xeito máis directo a xestión da materia cuxo obxecto se delega.

Polo antedito, de conformidade co disposto no artigo 13 da Lai 30/1992, do 26 de novembro, de réxime xurídico das administracións públicas e do procedemento administrativo común acorda ditar a seguinte resolución:

1. Delegar no vicexerente de planificación e xestión económica a asistencia ás mesas de contratación.

2. Non pode ser obxecto de delegación a competencia que se delega nesta resolución e en todo momento a xerente pode avocar para si aquela.

3. Esta resolución terá efectos a partir do día seguinte ao da súa publicación no Diario Oficial de Galicia.

Vigo, 23 de xuño de 2008.

Ana Fernández Pulpeiro

Xerente