A Orde da Vicepresidencia da Igualdade e do Benestar do 29 de febreiro de 2008 (DOG do 13 de marzo) aproba as bases que rexerán a convocatoria de dezaseis bolsas para a formación de dinamizadoras e dinamizadores da igualdade en Galicia.
Na súa virtude, e tendo en conta a proposta da comisión de selección prevista no artigo 8º das bases da convocatoria, esta secretaría
RESOLVE:
Primeiro.-Ordenar a publicación no Diario Oficial de Galicia da relación de beneficiarias/os das bolsas. Esta relación achégase como anexo.
Segundo.-No caso de producirse algunha renuncia, de acordo co establecido no artigo 10º da orde de convocatoria, adxudicarase a correspondente bolsa á/ao candidata/o que corresponda, segundo a orde de puntuación, das/dos que figuran na lista definitiva de persoas admitidas-seleccionadas, publicado na páxina web da Vicepresidencia da Igualdade e do Benestar, no enderezo http://vicepresidencia.xunta.es.
Terceiro.-En caso de dúbida, dificultades técnicas ou necesidade de máis información, poderán dirixirse á Secretaría Xeral da Igualdade a través do teléfono 881 99 91 64 ou do número de fax 981 95 76 90.
Santiago Compostela, 11 de xuño de 2008.
Anxo Manuel Quintana González
Vicepresidente da Igualdade e do Benestar
Ver referencia pdf "12700D002P007.PDF"