Segundo se establece nalgúns dos convenios de colaboración asinados entre o Instituto Galego de Promoción Económica e diversas entidades financeiras para operacións acollidas a eles, o tipo de xuro variará por semestres naturais e publicarase no Diario Oficial de Galicia; condición que tamén se establece en varios dos programas de axuda do instituto.

Polo que antecede e unha vez verificados os datos relativos á evolución do Mibor e Euribor, en virtude das facultades que teño conferidas mediante o artigo 12 a) da Lei 5/1992, do 10 de xuño, de creación do Instituto Galego de Promoción Económica, e do artigo 11.1º a) do Decreto 317/1992, do 12 de novembro, polo que se aproba o Regulamento do Igape,

RESOLVO:

Primeiro.-Os tipos de xuro de referencia para o segundo semestre de 2008 para as operacións acollidas aos seguintes convenios e programas do Instituto Galego de Promoción Económica (Igape) serán os seguintes:

-Préstamos dos convenios de apoio financeiro ás Pemes 1997 e 1998: 4,86%.

-Préstamos dos convenios de apoio financeiro ás Pemes 1999, 2000, 2001, 2002, 2003, 2004, 2005 e 2006: 4,897%.

-Préstamos do convenio de apoio financeiro ao sector pesqueiro de Galicia: 4,897%.

-Programa de préstamos para financiar producións audiovisuais na Comunidade Autónoma de Galicia (DOG número 87, do 7 de maio de 2002): 4,897%.

-Programa de préstamos para financiar proxectos emprendedores na Comunidade Autónoma de Galicia (DOG número 63, do 31 de marzo de 2003): 4,897%.

-Convenio polo que se establece unha liña de avais do Igape para financiar a adquisición de dereitos de pesca por parte de agrupacións de produtores para o acceso da frota galega a caladoiros, subscrito entre o Igape e as entidades financeiras (DOG número 222, do 15 de novembro de 2004): 4,897%.

-Programa de préstamos para financiar proxectos en materia de innovación tecnolóxica na Comunidade Autónoma de Galicia (DOG número 84, do 3 de maio de 2005): 4,897%.

-Convenio polo que se establece unha liña de avais do Igape para financiar a adquisición de dereitos de pesca por parte de armadores e agrupacións de produtores para o acceso da frota galega a caladoiros, subscrito entre o Igape e as entidades financeiras (DOG número 195, do 9 de outubro de 2006): 4,897%.

-Convenio entre o Igape, as sociedades de garantía recíproca e as entidades financeiras adheridas para a habilitación dunha liña de financiamento específica para emprendedores (DOG número 195, do 9 de outubro de 2006): 4,897%.

-Convenio entre o Igape, as sociedades de garantía recíproca e as entidades financeiras adheridas para a habilitación dunha liña de financiamento específica para proxectos de innovación na Comunidade Autónoma de Galicia (DOG número 195, do 9 de outubro de 2006): 4,897%.

-Bases reguladoras das axudas para a habilitación de liñas de financiamento subsidiado para microempresas, proxectos emprendedores e investimentos das Pemes para a mellora competitiva na Comunidade Autónoma de Galicia, liñas Peme Xove e Peme Competitiva (DOG número 101, do 28 de maio de 2007): 4,897%.

-Bases reguladoras das axudas do Igape para o apoio financeiro 2007 aos establecementos turísticos, hostalaría e comercio retallista nas comarcas de Ferrol, Eume e Ortegal (DOG número 194, do 5 de outubro de 2007): 4,897%.

-Bases reguladoras das axudas para a habilitación de dúas liñas de financiamento subsidiado de producións audiovisuais e investimentos en bens de equipamento para realizar polas Pemes do sector audiovisual galego (DOG número 216, do 8 de novembro de 2007): 4,897%.

-Programa de préstamos do Igape para financiar proxectos de investimento na Comunidade Autónoma de Galicia con fondos do Banco Europeo de Investimentos (BEI) (DOG número 244, do 19 de decembro de 2007): 4,897%.

-Bases reguladoras das axudas para a habilitación de liñas de financiamento subsidiado para microempresas, proxectos emprendedores e investimentos das Pemes para a mellora competitiva na Comunidade Autónoma de Galicia, liñas Peme Xove e Peme Competitiva (DOG número 47, do 4 de marzo de 2008): 4,897%.

Segundo.-O tipo de xuro resultante para as operacións que se formalicen a partir do segundo semestre de 2008 acollidas ás bases reguladoras das axudas para a habilitación de liñas de financiamento subsidiado para microempresas, proxectos emprendedores e investimentos das Pemes para a mellora competitiva na Comunidade Autónoma de Galicia, liña Microempresa (DOG número 47, do 4 de marzo de 2008) será do 5,20%.

Terceiro.-As entidades financeiras deberán comunicarlles aos beneficiarios dos préstamos subvencionables a variación do tipo de xuro.

Santiago de Compostela, 20 de xuño de 2008.

Álvaro Álvarez-Blázquez Fernández

Director xeral do Instituto Galego de Promoción Económica