O Consello de Dirección do Igape, na súa xuntanza do 8 de febreiro de 2008, acordou por unanimidade dos seus membros asistentes a aprobación das bases reguladoras das axudas para a habilitación dunha liña de financiamento específica para as empresas galegas produtoras de mexillón, instrumentadas mediante convenio de colaboración entre o Instituto Galego de Promoción Económica (Igape), as entidades financeiras adheridas e as asociacións de produtores colaboradoras. Estas bases foron publicadas mediante Resolución do 3 de abril de 2008 (DOG nº 69, do 10 de abril).

Xunto co texto das devanditas bases publicouse a relación de entidades financeiras e de asociacións de produtores que se adheriron ao convenio.

Téndose ratificado durante o mes de maio de 2008 a adhesión de diversas asociacións mexilloeiras ao convenio, cómpre facelo público.

Polo que antecede, en virtude das facultades que teño conferidas mediante o artigo 12 a) da Lei 5/1992, do 10 de xuño, de creación do Instituto Galego de Promoción Económica, e o artigo 11.1º a) do Decreto 317/1992, do 12 de novembro, polo que se aproba o regulamento do Igape,

RESOLVO:

Facer pública a adhesión da Asociación de Acuicultores Mejilloneros de Galicia (Acuimega), Asociación de Productores Mejilloneros San Amaro, Egrome Sociedad Cooperativa Galega e Asociación de Mexilloeiros Xidoiros á relación de asociacións de produtores adheridas ao convenio de colaboración entre o Instituto Galego de Promoción Económica (Igape) e as organizacións máis representativas dos intereses dos sectores implicados na produción, manipulación e transformación do mexillón na comunidade autónoma, para a habilitación dunha liña de financiamento específica para as empresas galegas produtoras de mexillón, asinado o 1 de abril de 2008.

Santiago de Compostela, 27 de maio de 2008.

Álvaro Álvarez-Blázquez Fernández

Director xeral do Instituto Galego de Promoción

Económica