A Comunidade Autónoma de Galicia é titular dun inmoble sito na rúa Santa Mariña 77 de Xinzo de Limia de 1.000 m2, segundo o rexistro.

O dito inmoble perténcelle á Comunidade Autónoma de Galicia en virtude do traspaso de funcións e servizos da Administración do Estado á Comunidade Autónoma de Galicia en materia de sementes e plantas de viveiro, efectuado a través do Real Decreto 244/1985, do 6 de febreiro.

Mediante o Decreto 74/2008, do 10 de abril (DOG nº 76, do 21 de abril), acordouse a súa desafectación do dominio público.

Unha vez obtida a súa inscrición no correspondente rexistro da propiedade a nome da Comunidade Autónoma de Galicia, procede declarar a súa alienabilidade de conformidade co disposto no artigo 24 da Lei 3/1985, do 12 de abril, do patrimonio da Comunidade Autónoma de Galicia, e no artigo 60 do Decreto 50/1989, do 9 de marzo, polo que se aproba o seu regulamento, co obxecto de posibilitar o seu tráfico patrimonial.

Na súa virtude, por proposta da Secretaría Xeral e do Patrimonio,

DISPOÑO:

Artigo único.-

Declárase a alienabilidade do inmoble que se describe a continuación:

Inmoble sito na rúa Santa Mariña 77, de Xinzo de Limia, de 1.000 m2 segundo o rexistro, que estrema, norte, José Méndez Sirgo, hoxe nº 79 da rúa Santa Mariña; sur, camiño, hoxe rúa Cemiterio; leste, camiño, hoxe rúa Santa Mariña e oeste, Manolo Juana, hoxe, nº 6 da rúa Cemiterio de Josefa Gómez Fariñas.

Inscrito no Rexistro da Propiedade de Xinzo de Limia como predio nº 7.850, tomo 762, libro 201, folio 103. Referencia catastral: 5282024PG0558N0001LD.

Prezo do inmoble 1.201.717,92 €.

Santiago de Compostela, 6 de maio de 2008.

P.D. (Orde 18-9-2006)

Inmaculada Viña Carregal

Secretaria xeral e do Patrimonio da Consellería

de Economía e Facenda