A Orde da Consellería de Pesca e Asuntos Marítimos do 28 de decembro de 2007 (Diario Oficial de Galicia do 16 de xaneiro de 2008), aprobaba as bases para a convocatoria de bolsas para a realización de teses de doutoramento en temas de investigación mariña do Plan Galego de Investigación, Desenvolvemento e Innovación Tecnolóxica-Incite (2006-2010).
Na base 6.2º do anexo I da mencionada orde de convocatoria, determinábanse os criterios de selección que deberían ter en conta os membros da comisión designados pola directora xeral de Innovación e Desenvolvemento Pesqueiro e polo director xeral de Investigación e Desenvolvemento, da Consellería de Innovación e Industria.
Na súa virtude, atendendo á proposta elaborada pola citada comisión, a Dirección Xeral de Innovación e Desenvolvemento Pesqueiro
RESOLVE:
Primeiro.-Concederlle as bolsas para a realización de teses de doutoramento en temas de investigación mariña, segundo os campos, ás persoas que se relacionan no anexo I da presente resolución.
Segundo.-No caso de producirse algunha renuncia ás bolsas a que se refire o anexo I desta resolución, a Dirección Xeral de Innovación e Desenvolvemento Pesqueiro procederá, se é o caso, a adxudicarlle a dita axuda a outros candidatos de acordo coa lista de suplentes elaborada pola comisión e que se inclúe no anexo II da presente resolución. A asignación farase pola mesma orde que figura no dito anexo.
Terceiro.-A inobservancia por parte dos beneficiarios de calquera das bases establecidas na orde de convocatoria do 28 de decembro de 2007 ( DOG do 11 de xaneiro), suporá a perda do dereito a percibir a axuda correspondente.
Cuarto.-Contra a presente resolución poderán os interesados interpoñer recurso potestativo de reposición ante o mesmo órgano que ditou a resolución, no prazo dun mes contado a partir do día seguinte ao da publicación desta resolución no Diario Oficial de Galicia. De non estimar a interposición deste recurso, poderán interpoñer recurso contencioso-administrativo ante a sala de Contencioso Administrativo do Tribunal Superior de Xustiza de Galicia, no prazo de dous meses contados a partir do día seguinte ao da publicación desta resolución no Diario Oficial de Galicia.
Santiago de Compostela, 15 de abril de 2008.
Fátima Linares Cuerpo
Directora xeral de Innovación e Desenvolvemento
Pesqueiro
ANEXO I
Bolsas para realización de teses de doutoramento en temas de investigación mariña
Adxudicatarios:
-Estudo da presenza de tumores en solénidos. Posible orixe, aspectos biolóxicos e xenéticos.
Sara Pérez Fernández (DNI: 39454173-L ).
-Estudo do stock das poboacións de vieira Pecten Maximus (Linnaeus, 1758) nas rías galegas.
José Andrés Aranda Burgos (DNI 25193204-Q).
-Estudo da perkinsose no litoral español: caracterización de variantes taxonómicas do parásito, do seu ciclo de vida e da resposta inmunitaria do hóspede.
-Yolanda Ballesteros Álvarez (DNI 03473644-T).
ANEXO II
Bolsas para realización de teses de doutoramento en temas de investigación mariña
Suplentes:
-Estudo da presenza de tumores en solénidos. Posible orixe, aspectos biolóxicos e xenéticos.
Maite Ruíz Pérez (DNI 76895660-J).
-Estudo do stock das poboacións de vieira Pecten Maximus (Linnaeus, 1758) nas rías galegas.
Sergio Fernández Boo (DNI 52393641-N).
-Estudo da perkinsose no litoral español: caracterización de variantes taxonómicas do parásito, do seu ciclo de vida e da resposta inmunitaria do hóspede.
Fernando Gómez Romano (DNI 71655604-R).