A Xunta Arbitral de Transportes de Galicia, instrumento de protección e defensa das partes que interveñen na actividade de transporte, creouse, no marco da Lei 16/1987, do 30 de xullo, de ordenación dos transportes terrestres (LOTT), por Orde da Consellería de Ordenación do Territorio e Obras Públicas, do 9 de outubro de 1991 (DOG nº 232, do 23 de outubro).
De conformidade co establecido nos seus artigos 6, 7 e 8, e na súa disposición adicional terceira, a Dirección Xeral de Transportes ditou resolución do 16 de decembro de 1991 pola que se nomearon os seus membros e que foi publicada no Diario Oficial de Galicia nº 252, do 31 de decembro.
Transcorridos dezaseis anos desde a aprobación e publicación da devandita resolución, foron reiteradas as modificacións na designación de membros da Xunta Arbitral de Transportes de Galicia, sen que para estas se seguise o mesmo procedemento de publicación, ao non ser esta obrigada, pero coa conseguinte inseguridade xurídica que esta situación podería xerar. Por estas razóns, e mentres non se dite unha nova orde que actualice a súa composición, estímase procedente ditar unha nova resolución que derrogue a anterior e que actualice a composición actual deste órgano arbitral.
De conformidade con todo o exposto, resolvo:
Nomear membros titulares e suplentes da Xunta Arbitral de Transportes de Galicia as seguintes persoas:
Presidente:
Titular:
-A persoa titular da Subdirección Xeral de Ordenación do Transporte.
Suplentes:
-A persoa titular da Subdirección Xeral de Inspección do Transporte.
-A persoa titular da Xefatura do Servizo de Concesións.
Vogais:
a)Representantes da Administración:
Titulares:
-A persoa titular da Subdirección Xeral de Inspección do Transporte.
-A persoa titular da Xefatura do Servizo de Concesións.
Suplentes:
-A persoa titular da Xefatura do Servizo de Estudos e Apoio Xurídico.
-A persoa titular da Xefatura do Servizo de Transportes da Delegación Provincial da Coruña.
b) Representante das empresas de ferrocarril:
Vacante.
c) Representante das empresas de transporte de viaxeiros, por proposta do Comité Galego de Transportes:
Titular:
-José Carlos García Cumplido.
Suplente:
-Marcelino Freire Núñez.
d) Representante das empresas de transporte de mercadorías e das actividades auxiliares e complementarias do transporte, por proposta do Comité Galego de Transportes:
Titular:
-José Carlos García Cumplido.
Suplente:
-Isabel Martínez Leboreiro.
e) Representante dos consumidores e usuarios, por proposta do Consello Galego de Consumidores e Usuarios:
Titular:
-Rocío Arnoso Moure.
Suplente:
-Vacante.
f) Representante das empresas cargadoras, por proposta da Confederación de Empresarios de Galicia:
Titular:
-Andrés Castro Sanmartín.
Suplente:
-Fernando Segade Castro.
Secretario:
Titular:
-A persoa titular do Servizo de Autorizacións, Informes e Xunta Arbitral.
Suplente:
A persoa titular da Xefatura do Servizo de Estudos e Apoio Xurídico.
Santiago de Compostela, 22 de febreiro de 2008.
Mar Chao López
Directora xeral de Transportes