Dentro do programa de actividades que a Academia Galega de Seguridade Pública ten previsto realizar no ano 2008, e conforme as funcións atribuídas pola Lei 1/2007, do 15 de xaneiro, de creación da Academia Galega de Seguridade Pública, anúnciase a convocatoria de dous cursos de segundo nivel sobre xestión de emerxencias, o razoamento táctico e a organización da resposta de primeiro nivel que deberán desenvolverse conforme coas seguintes bases:
Obxectivos.
Con estes cursos preténdese expoñer un método de xestión de emerxencias de primeiro nivel, que dea resposta ás interrogantes e necesidades que se presentan ante un incidente de importancia, o razoamento táctico ao que é preciso chegar e a organización que hai que establecer para dar unha resposta axeitada á emerxencia.
Baséase na repartición das tarefas de información, análise, xestión de medios, e dirección de operacións.
Destinatarios.
-Mandos dos servizos de bombeiros de Galicia.
-Persoal técnico de protección civil da Administración local.
-Presidentes ou xefes de agrupacións de voluntarios de protección civil.
Desenvolvemento.
1. Prazas: 25 cada curso.
2. Duración: 15 horas lectivas cada curso.
3. Datas: 12-13 e 14-15 de maio de 2008.
4. Horario: das 9.30 ás 14.00 horas e das 16.00 ás 19.00 horas.
5. Lugar: os cursos realizaranse na sede da Academia Galega de Seguridade Pública no concello da Estrada.
Solicitudes e prazo de inscrición.
1. A inscrición dos participantes é gratuíta.
2. O persoal que desexe participar nestes cursos deberá cubrir a solicitude que figura na páxina web http://agasp.xunta.es, ou enviar cuberta a máquina ou, con letra moi clara, a solicitude que figura no anexo.
3. O prazo para a presentación de solicitudes rematará o día 2 de abril de 2008.
4. As solicitudes deberán estar asinadas polo/a responsable da correspondente unidade e co selo desta. Estes requisitos serán indispensables para seren admitidos nos cursos.
5. As solicitudes deberán tramitarse facendo uso do modelo que aparece na páxina web: http://agasp.xunta, ou ben enviarse por correo á sede da Academia Galega de Seguridade Pública: avenida da Cultura, s/n, 36680, A Estrada; ao fax nº 886 20 61 21, ou poden presentarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Contido.
-Marco xeral.
* Planificación e prevención.
* Organización do mando.
* Catálogo de medios e recursos.
* Formación do persoal.
* Terminoloxía e métodos.
-Características dos sinistros, compoñentes e variables.
-Emerxencias sinxelas e complexas.
-Exercicios prácticos.
-O razoamento táctico en operacións sinxelas.
* Adquisición de datos operacionais.
* Definición da idea de manobra.
* A orde inicial.
* O informe.
-Exercicios prácticos.
* Adquisición de datos.
* A orde inicial e informe.
-As ferramentas gráficas.
-As comunicacións nas emerxencias.
-Exercicio práctico. Incendio en nave industrial ou accidente de tráfico.
-O Posto de Mando Avanzado e o Punto de Encontro.
-Exercicio práctico: lume forestal.
Relación de admitidos.
A relación de admitidos farase pública o día 18 de abril na páxina web http:// agasp.xunta.es.
Asistencia.
É obrigatoria a asistencia e puntualidade en todas as actividades do curso. A falta de asistencia, mesmo cando sexa xustificada, a máis dun 10% das horas lectivas programadas determinará a cualificación de non-apto no curso.
Certificado de aproveitamento.
Ao remate do curso entregaráselles un certificado de asistencia e aproveitamento a aquelas persoas que acrediten a súa asistencia continuada e superen as correspondentes probas de coñecementos.
Modificacións.
A Academia Galega de Seguridade Pública poderá modificar o desenvolvemento dos cursos para adaptalos ás necesidades da Administración e ás continxencias que poidan xurdir.
A Estrada, 27 de febreiro de 2008.
P.S. (disp. 1ª Orde do 31 de xaneiro de 2008)
(DOG nº 23, do 1-2-2008)
Mª Isabel Durántez Gil
Directora xeral de Interior
Ver referencia pdf "05000D008P054.PDF"