Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación Abrindo Camiño de Amigos do Camiño Norte de Santiago, do 28 de novembro de 2007.
Visto o Decreto 45/2001, do 1 de febreiro, de refundición da normativa en materia do Camiño de Santiago, modificado en parte polo Decreto 209/2002, do 13 de xuño.
Visto igualmente o informe da Subdirección Xeral de Protección da Cidade e Camiños de Santiago, emitido de acordo co artigo 23 do mencionado decreto, segundo o cal as entidades solicitantes deberán ter como finalidade a recuperación, conservación e promoción dos Camiños de Santiago, así como a difusión da cultura derivada deles.
Considerando que segundo o artigo 26 a solicitude foi presentada segundo o modelo que figura no anexo e acompañada da documentación pertinente.
Considerando que a solicitude presentada cumpre as normas establecidas no decreto de referencia.
RESOLVO:
Que a Asociación Abrindo Camiño de Amigos do Camiño Norte de Santiago quede inscrita no Rexistro de Entidades de Promoción do Camiño de Santiago co número 173.
Santiago de Compostela, 12 de febreiro de 2008.
Felipe Arias Vilas
Director xeral de Patrimonio Cultural