Intentada a notificación persoal e devolta polo servizo de correos ao resultar imposible a súa práctica, de conformidade co establecido no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (LRX-PAC), pola presente resolución ponse en coñecemento da Asociación Galega de Empresas Consultoras, titular do expediente IG128.2007.1.45, relativo a diagnósticos integrais de situación e elaboración e implantación de plans estratéxicos ao abeiro das bases reguladoras do Programa Innoempresa en Galicia (Resolución do 9 de maio de 2007, DOG nº 96, do 21 de maio), que con data 4 de decembro de 2007 o director xeral do Igape resolveu denegar a axuda solicitada.
Os actos obxecto deste anuncio non se publican na súa integridade en virtude da cautela prevista no artigo 61 da LRX-PAC. A resolución de denegación esgota a vía administrativa, e contra ela poderá interpor potestativamente recurso de reposición ante o director xeral do Igape no prazo máximo dun mes desde o día seguinte ao da publicación desta resolución no Diario Oficial de Galicia, ou directamente recurso contencioso-administrativo ante os xulgados do contencioso-administrativo de Santiago de Compostela, no prazo máximo de dous meses, desde o día seguinte ao da publicación desta resolución no Diario Oficial de Galicia. O expediente ponse de manifesto á entidade neste centro directivo sito en Santiago de Compostela, complexo administrativo San Lázaro, s/n.
Santiago de Compostela, 18 de febreiro de 2008.
Álvaro Álvarez-Blázquez Fernández
Director xeral do Instituto Galego de Promoción
Económica