Mediante Resolución do 14 de novembro de 2007 fixéronse públicas as bases reguladoras para a convocatoria en 2007 de premios a proxectos empresariais de colaboración entre empresarios galegos e de orixe galega no exterior (DOG nº 225, do 21 de novembro).
Nas ditas bases, no seu artigo 3, establecíanse dúas categorías de premios: premio a asociacións e premio a proxectos individuais. Na categoría de premio a proxectos individuais dous tipos: un premio a proxectos xa materializados cunha antigüidade máxima de tres anos e un premio a proxectos que se van implantar.
O xurado nomeado para o efecto, na súa xuntanza do 21 de xaneiro de 2008, logo de deliberación, valorou positivamente o nivel xeral de proxectos presentados e tendo en conta os criterios de avaliación establecidos nas bases reguladoras da axuda, adoptou a súa decisión.
Vista a decisión do xurado, e de conformidade coas facultades que teño conferidas,
RESOLVO:
Primeiro.- Publicar os premios concedidos ao abeiro das bases reguladoras para a convocatoria en 2007 de premios a proxectos empresariais de colaboración entre empresarios galegos e de orixe galega no exterior:
Ver referencia pdf "04700D014P081.PDF"
Os destinatarios dos premios con carácter previo ao seu aboamento deberán acreditar a súa identidade (acta fundacional ou de constitución no caso de asociacións, escritura de constitución no caso de empresas ou DNI no caso de persoas físicas) e para os efectos do seu pagamento deberán achegar a este instituto o número de identificación fiscal e os datos bancarios completos para proceder á correspondente transferencia bancaria.
Os destinatarios destes premios aceptan que os datos facilitados en relación cos proxectos que se van implantar e coas oportunidades de negocio que se presentan a estes premios poidan ser obxecto de difusión polo Igape.
Esta resolución esgota a vía administrativa e poderá ser impugnada polos interesados nos casos e na forma establecidos na Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 18 de febreiro de 2008.
Álvaro Álvarez-Blázquez Fernández
Director xeral do Instituto Galego de Promoción
Económica