A Orde do 13 de novembro de 2006, publicada no DOG nº 227, do 24 de novembro, creou o directorio de axentes colaboradores en materia de rehabilitación. Este estrutúrase en catro seccións, sendo a cuarta a de técnicos, que pola súa vez se subdivide en dúas subseccións:
1. Técnicos de grao superior.
2. Técnicos de grao medio.
Tendo en conta a proposta do Colexio Oficial de Aparelladores e Arquitectos Técnicos da provincia de Pontevedra procede modificar a denominación das dúas subseccións da sección cuarta de técnicos.
En virtude do exposto
DISPOÑO:
Modificar a Orde do 13 de novembro de 2006 pola que se crea o directorio de axentes colaboradores en materia de rehabilitación no que se refire á denominación das dúas subseccións en que se divide a sección cuarta do directorio, a de técnicos, que quedará subdividida en:
1. Arquitectos ou enxeñeiros.
2. Aparelladores, arquitectos técnicos ou enxeñeiros técnicos.
Santiago de Compostela, 1 de febreiro de 2008.
Teresa Táboas Veleiro
Conselleira de Vivenda e Solo
b) NOMEAMENTOS CONSELLERÍA DE TRABALLO