De conformidade co establecido no artigo 16 e concordantes da Lei 43/2003, do 21 de novembro, de montes, e no artigo 43 do Decreto 485/1962, polo que se aproba o Regulamento de montes, logo de instrución do expediente pola Delegación Provincial da Consellería do Medio Rural en Lugo, no cal se acredita que o monte Fontes e Caladín, situado no concello de Cervantes (Lugo), non reúne as condicións que foron determinantes na súa inclusión no Catálogo de montes de utilidade pública, esta consellería, tendo en conta o informe-proposta da Dirección Xeral de Montes e Industrias Forestais do 19 de novembro de 2007, e de conformidade co previsto nos artigos 34 e 38 da Lei 1/1983, do 22 de febreiro, reguladora da Xunta e da súa Presidencia,

Dispón:

Artigo único.-Excluír do Catálogo de montes de utilidade pública da provincia de Lugo o monte Fontes e Caladín, incluído ata o momento no antedito catálogo coas seguintes características:

Nome: Fontes e Caladín.

Número: 2.

Concello: Cervantes.

Pertenza: parroquias de Borzoado, Dorna e outras.

Límites:

N: con predios particulares.

E: con termo das aldeas do distrito de Navia de Suarna.

S: con termos da provincia de León e co Cebreiro.

O: con termos dos Nogais e Becerreá.

Superficie total: 120 ha.

Superficie pública: 120 ha.

Disposición derradeira

Esta orde entrará en vigor o día seguinte ao da súa publicación no Diario Oficial de Galicia, e contra ela poderase interpoñer recurso de reposición con carácter potestativo ante o conselleiro do Medio Rural, no prazo dun mes, ou ben interpoñer directamente o recurso contencioso-administrativo, ante o Tribunal Superior de Xustiza de Galicia, no prazo de dous meses, de acordo co disposto nos artigos 109 e 116 da Lei 30/1992, do 26 de novembro, de réxime xurídico das administracións públicas e do procedemento administrativo común, e nos artigos 10 e 46 da Lei 29/1998, do 13 de xullo, da xurisdición contencioso-administrativa.

Santiago de Compostela, 13 de febreiro de 2008.

Alfredo Suárez Canal

Conselleiro do Medio Rural