A normativa vixente que establece o prezo do gas propano canalizado fíxao en euros/quilogramo (/kg).
Non obstante, a medición do gas consumido realízase por contador en metros cúbicos (m³), polo que se fai necesaria a utilización dun factor de conversión de m³ a kg, sendo esta en función da densidade do gas, das presións atmosférica e relativa do gas e da temperatura.
Para o cálculo dos factores de conversión considerouse a presión atmosférica como factor suficientemente relevante, establecendo para iso tres rangos de altitude sobre o nivel do mar, en metros.
En base ao anteriormente sinalado e de acordo coas competencias atribuídas no Decreto 231/2006, do 23 de novembro, polo que se establece a estrutura orgánica da Consellería de Innovación e Industria, esta dirección xeral
RESOLVE:
Primeiro.-Aprobar os factores de conversión de metros cúbicos a quilogramos nas lecturas de contadores de consumo doméstico de gas propano canalizado para a presión de 150 gramos/centímetro cadrado (g/cm²) que quedan establecidos nas seguintes contías:
Ver referencia pdf "00100D010P049.PDF"
Segundo.-Publicar esta resolución para xeral coñecemento no Diario Oficial de Galicia.
Santiago de Compostela, 21 de novembro de 2007.
Anxo Ramón Calvo Silvosa
Director xeral de Industria, Enerxía e Minas