Por Orde do 6 de xullo de 2007 (DOG do 23 de xullo) apróbanse os concertos educativos para as ensinanzas de educación infantil cos centros docentes privados.
Por Orde do 8 de agosto de 2007 (DOG do 29 de agosto) publícase a relación de todos os centros docentes privados de educación primaria, educación secundaria obrigatoria, educación especial, programas de garantía social, ciclos formativos de grao medio e ciclos formativos de grao superior, acollidos ao réxime de concertos educativos.
Vistos a Lei 30/1992, do 26 de novembro, de réxime xurídico das administracións públicas e do procedemento administrativo común; o Real decreto 2377/1985, do 18 de decembro, polo que se aproba o Regulamento de normas básicas sobre concertos educativos; a Orde do 10 de xaneiro de 2005, pola que se ditan normas para a aplicación do réxime de concertos educativos a partir do curso académico 2005-2006, e a Orde do 12 de xaneiro de 2007 (DOG do 17 de xaneiro) que regula o réxime de concertos educativos para as ensinanzas de educación infantil en centros docentes privados a partir do curso académico 2007-2008.
Tendo en conta que o artigo 46 do antedito Real decreto 2377/1985 establece as causas que darán lugar á modificación do concerto educativo.
Esta consellería, por proposta da Dirección Xeral de Ordenación e Innovación Educativa,
DISPÓN:
Primeiro.-Modificar os concertos educativos referidos aos centros docentes privados que se relacionan no anexo desta orde.
Segundo.-A addenda ao documento administrativo de formalización de concerto educativo será asinado pola conselleira de Educación e Ordenación Universitaria e polo titular do centro privado ou persoa con representación debidamente acreditada.
Se o titular do centro privado non subscribise a addenda ao documento de formalización na data que se lle notifique, entenderase decaído no seu dereito.
Contra esta disposición, que esgota a vía administrativa, os interesados poderán interpoñer recurso potestativo de reposición perante a conselleira de Educación e Ordenación Universitaria no prazo dun mes, a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia, de conformidade coa Lei 29/1998, reguladora da xurisdición contencioso-administrativa.
Santiago de Compostela, 20 de decembro de 2007.
Laura Sánchez Piñón
Conselleira de Educación e Ordenación
Universitaria
ANEXO
Nivel educativo: educación infantil
Provincia: A Coruña
Concello: A Coruña.
Localidade: A Coruña.
Centro: Cid.
Código do centro: 15004046.
Diminúese unha unidade de educación infantil de 3 anos, con efectos económico-administrativos do 10 de outubro de 2007.
Composición resultante do concerto educativo:
Nivel: educación infantil.
1 unidade de catro (4) anos.
1 unidade de cinco (5) anos.
Duración (anos): dous.
Provincia: Lugo
Concello: Monforte de Lemos.
Localidade: Monforte de Lemos.
Centro: Divina Pastora.
Código do centro: 27007211.
Diminúese unha unidade de educación infantil de 3 anos, con efectos económico-administrativos do 18 de setembro de 2007.
Composición resultante do concerto educativo:
Nivel: educación infantil.
1 unidade de catro (4) anos.
1 unidade de cinco (5) anos.
Duración (anos): dous.
Provincia: Ourense
Concello: Maceda.
Localidade: Maceda.
Centro: Virgen Milagrosa.
Código do centro: 32006531.
Diminúese unha unidade de educación infantil de 3 anos, con efectos económico-administrativos do 24 de outubro de 2007.
Composición resultante do concerto educativo:
Nivel: educación infantil.
1 unidade mixta.
Duración (anos): dous.
Nivel educativo: educación primaria
Provincia: A Coruña
Concello: As Pontes de García Rodríguez.
Localidade: As Pontes de García Rodríguez.
Centro: Nebrija-Pardo Bazán.
Código do centro: 15013621.
Diminúese unha unidade de educación primaria, con efectos económico-administrativos do 24 de outubro de 2007.
Composición resultante do concerto educativo:
Nivel: educación primaria.
2 unidades.
Duración (anos): dous.
Provincia: Ourense
Concello: Barbadás.
Localidade: Sobrado do Bispo.
Centro: Madre de Dios.
Código do centro: 32006531.
Diminúese unha unidade de educación primaria, con efectos económico-administrativos do 24 de outubro de 2007.
Composición resultante do concerto educativo:
Nivel: educación primaria.
5 unidades.
Duración (anos): dous.
Provincia: Pontevedra
Concello: Vigo.
Localidade: Matamá.
Centro: Santa Vedruna.
Código do centro: 36010447.
Diminúense dúas unidades de educación primaria, con efectos económico-administrativos do 18 de setembro de 2007.
Composición resultante do concerto educativo:
Nivel: educación primaria.
1 unidade.
Duración (anos): dous.
