No DOG número 5 do 8 de xaneiro de 2007, publicouse a orde pola que se establecían as axudas para o fomento da contratación dos seguros agrarios e se convocaban para o ano 2007.

No artigo 7 relativo ao financiamento establecíase unha dotación económica desta orde de 7.400.000 € con cargo á aplicación 2007 11 03 713C 7730 C.P. 2006 00271.

Dado que os créditos autorizados non son dabondo para afrontar o pagamento das subvencións procedentes das contratacións pendentes, cómpre ampliar a dotación orzamentaria consignada inicialmente.

En virtude do exposto, de conformidade co artigo 30.1º.3 do Estatuto de autonomía de Galicia, e no uso das facultades que me confiren os artigos 78 e 79 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia e a Lei 1/1983, reguladora da Xunta e da súa presidencia,

DISPOÑO:

Artigo único.

Primeiro.-Amplíase para o ano 2007 a dotación orzamentaria que se recolle na orde do 26 de decembro de 2006 (DOG nº 5, do 8 de xaneiro), pola que se convocan para o ano 2007 as axudas para o fomento da contratación dos seguros agrarios en 400.000 euros con cargo a aplicación 2007 11 03 713C 7730 C.P. 2006 00271.

Segundo.-Esta modificación non afecta o prazo que se establece para as solicitudes de axuda na devandita orde.

Santiago de Compostela, 14 de decembro de 2007.

Alfredo Suárez Canal

Conselleiro do Medio Rural