Por Orde do 26 de abril de 2007 (DOG do 15 de maio) establécense as bases para a concesión, en réxime de concorrencia competitiva, das subvencións correspondentes aos programas sectoriais de investigación aplicada, PEME I+D e I+D suma do Plan Galego de Investigación, Desenvolvemento e Innovación Tecnolóxica (Incite) e se procede á súa convocatoria para o ano 2007. A mencionada convocatoria establece que os programas están dirixidos a diferentes tecnoloxías sectoriais entre as que figura a de medio natural e desenvolvemento sostible (MDS). Por Resolución do 14 de novembro de 2007 (DOG do 4 de decembro) adxudicáronse as mencionadas axudas.

Producidos erros na valoración económica das solicitudes financiadas e existindo crédito axeitado e suficiente, unha vez resolta a convocatoria correspondente ao ano 2007, e tendo en conta as propostas elaboradas polas correspondentes comisións de selección, esta consellería

RESOLVE:

Primeiro.-Modificar a distribución do importe das anualidades das axudas concedidas na Resolución de 14 de novembro de 2007, para a realización de proxectos de I+D de empresas privadas, agrupacións de empresas de carácter privado ou empresas públicas que teñan entre os seus fins ou realicen actividades de investigación, aos proxectos que se indican no anexo I desta resolución correspondentes ao procedemento IN 830H.

Os proxectos incluídos no anexo I que así o indican están cofinanciados nun 75% con fondos Feder e nun 25% con FCI na anualidade correspondente ao ano 2007.

Segundo.-Para poder percibir as axudas correspondentes será preciso presentar, na data límite do 20 de decembro de 2007, a documentación indicada no artigo 6 do anexo III da Orde do 26 de abril de 2007 (DOG nº 93, do 15 de maio).

Terceiro.-A Dirección Xeral de Investigación, Desenvolvemento e Innovación adoptará as medidas necesarias para a instrución dos correspondentes expedientes de gasto.

Cuarto.-A inobservancia por parte dos beneficiarios de calquera das bases establecidas na orde da convocatoria suporá a perda do dereito a percibir a subvención correspondente.

Quinto.-Contra esta resolución, que esgota a vía administrativa, poderá interpoñerse, potestativamente, recurso de reposición perante o conselleiro de Innovación e Industria no prazo dun mes contado a partir do día seguinte ao da publicación desta resolución no Diario Oficial de Galicia, ou directamente recurso contencioso-administrativo, perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a mesma data.

Disposición derradeira

Esta resolución entrará en vigor o día seguinte ao da súa publicación no Diario Oficial de Galicia.

Santiago de Compostela, 12 de decembro de 2007.

P.D. (Orde 31-1-2006, DOG nº 24)

Emilio Nogueira Moure

Secretario xeral da Consellería de Innovación

e Industria

Ver referencia pdf "24500D003P014.PDF"