Mediante a Resolución do 21 de maio de 2007 publicáronse as bases reguladoras das axudas para a habilitación de liñas de financiamento subsidiado para microempresas, proxectos emprendedores e investimentos das Pemes para a mellora competitiva na Comunidade Autónoma de Galicia (DOG nº 101, do 28 de maio de 2007). As mencionadas bases diríxense a facilitar o acceso ao financiamento nos investimentos das microempresas, dos emprendedores e das Pemes que melloren a súa competitividade.

No seu artigo 13 establecen que, de conformidade co artigo 13.4º da Lei 4/2006, do 30 de xuño, de transparencia e boas prácticas na Administración pública galega, o Instituto Galego de Promoción Económica publicará as axudas concedidas ao abeiro destas bases no Diario Oficial de Galicia.

Estas axudas serán financiadas con cargo ás aplicacións orzamentarias 02.01.E1/13/01.656701, 02.01.E1/13/01.656702, 02.01.E1/13/02.656701, 02.01.E1/13/02.656702, 02.01.E4/13/01.656701 e 02.01.E4/13/01.656702 dos orzamentos do Instituto Galego de Promoción Económica.

En virtude do exposto anteriormente,

RESOLVO:

Único.-Darlle publicidade á relación de beneficiarios indirectos das axudas concedidas ao abeiro das bases reguladoras das axudas para a habilitación de liñas de financiamento subsidiado para microempresas, proxectos emprendedores e investimentos das Pemes para a mellora competitiva na Comunidade Autónoma de Galicia durante o terceiro trimestre de 2007, que figura como anexo.

Santiago de Compostela, 24 de outubro de 2007.

Álvaro Álvarez-Blázquez Fernández

Director xeral do Instituto Galego de Promoción

Económica

Ver referencia pdf "23700D012P076.PDF"

Ver referencia pdf "23700D013P078.PDF"