O artigo 40 da Lei 27/1992, do 24 de novembro, de portos do Estado e da mariña mercante dispón que a separación dos vogais dos consellos de administración das autoridades portuarias dos portos de interese xeral, será acordada polo órgano competente da comunidade autónoma, por proposta das organizacións, organismos e entidades ás que representen aqueles.
Por outra parte, a teor do previsto no acordo do Consello da Xunta de Galicia, do 6 de xuño de 2002, no que se fixou a composición do Consello de Administración da Autoridade Portuaria de San Cibrao, Ferrol e a súa ría, nel intégrase un representante dos concellos de Cervo e Xove, que alternarán cada dous anos.
Tendo en conta que mediante Orde do 24 de maio de 2005 (publicada no DOG do 2 de xuño), dispúxose o nomeamento de vogal en representación do Concello de Cervo, é polo que, transcorrido o período de dous anos antes indicado, cómpre deixar sen efecto aquel nomeamento.
Polo exposto, e en exercicio da facultade que me foi atribuída polo Consello da Xunta de Galicia, na súa reunión do día dez de xaneiro de dous mil dous,
DISPOÑO:
O cesamento de José Insua Pernas como vogal do Consello de Administración da Autoridade Portuaria de San Cibrao, Ferrol e a súa ría, en representación do Concello de Cervo, agradecéndolle os servizos prestados.
Santiago de Compostela, 27 de novembro de 2007.
María José Caride Estévez
Conselleira de Política Territorial, Obras Públicas e Transportes
b) NOMEAMENTOS CONSELLERÍA DE POLÍTICA TERRITORIAL, OBRAS PÚBLICAS
E TRANSPORTES