No artigo 5.2º b) do Decreto 326/1996, do 26 de xullo, de regulamentación do Centro Galego de Arte Contemporánea, establécese que o padroado do CGAC será o seu órgano reitor colexiado, indicando a composición dos seus membros, e que lle corresponde á conselleira de Cultura e Deporte o nomeamento dos vogais por designación entre persoas de recoñecido prestixio ou competencia en asuntos relacionados coa cultura e as artes plásticas ou que se distinguisen polos servizos ou axudas ao Centro Galego de Arte Contemporánea.
É polo que, conforme as facultades conferidas na disposición derradeira primeira do citado decreto,
DISPOÑO:
O nomeamento de María Luisa Sobrino Manzanares como vogal do Padroado do Centro Galego de Arte Contemporánea.
Santiago de Compostela, 8 de novembro de 2007.
Ánxela Bugallo Rodríguez
Conselleira de Cultura e Deporte