Dentro das actividades programadas para o ano 2007, en colaboración coa Deputación Provincial de Pontevedra, en virtude do convenio de formación asinado entre a Consellería de Presidencia, Administracións Públicas e Xustiza e a Deputación Provincial de Pontevedra, anúnciase a realización dun curso sobre operativa policial con estranxeiros, que deberá desenvolverse conforme as seguintes bases:
Obxectivos.
Coñecer a normativa necesaria en materia de estranxeiría, para que os policías poidan atallar e resolver situacións conflitivas con estranxeiros e todos os posibles problemas que se lles poidan presentar na rúa.
Publicación.
Esta actividade formativa, e tamén todas aquelas que se desenvolvan en colaboración coa Deputación Provincial de Pontevedra, será obxecto de publicación no Diario Oficial de Galicia e no BOP de Pontevedra.
Destinatarios.
O curso vai dirixido aos membros das forzas e corpos de seguridade da provincia de Pontevedra.
Inscrición.
A inscrición dos participantes será totalmente gratuíta.
Prazas.
30 prazas.
Solicitudes.
1. O persoal que desexe participar neste curso deberá presentar, cuberta á máquina ou con letra moi clara, a instancia que figura no anexo.
2. O prazo para a presentación de instancias rematará o día 21 de novembro ás 14.00 horas.
3. As instancias deberán enviarse á Deputación Provincial de Pontevedra-Área de Recursos Humanos e Formación (fax: 986 80 41 41), avenida Montero Ríos, s/n, 36001 Pontevedra; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Datas.
O curso desenvolverase durante os días 26, 27, 28 e 29 de novembro de 2007.
O horario será das 16.00 ás 21.00 horas, cunha duración de 20 horas lectivas.
Contido.
1. Observacións xerais sobre migración e estranxeiría.
2. Réxime comunitario e réxime xeral de estranxeiría.
3. Réxime de entrada, estadía e residencia.
4. Actuación operativa en materia de estranxeiría.
5. Documentación de españois.
5.1. DNI e pasaportes.
Relación de admitidos.
A relación de admitidos farase publica o día 23 de novembro a partir das 14.00 horas, tanto pola Deputación Provincial de Pontevedra como pola Academia Galega de Seguridade Pública, os interesados poden coñecer e confirmar a súa asistencia chamando aos teléfonos 986 59 02 42/43/44 (Agasp) e na páxina web http://agasp.xunta.es, ou 986 80 41 00, ext. 306/307 (Área de Recursos Humanos e Formación da Deputación Provincial de Pontevedra).
Lugar.
O curso desenvolverase no concello de Nigrán, quedando por concretar o seu lugar de realización que se comunicará previamente xunto coa lista de admitidos.
Certificado de asistencia.
Ao remate do curso entregaráselle un certificado de asistencia a aquelas persoas que acrediten a súa participación continuada a el.
Modificacións.
Tanto a Academia Galega de Seguridade Pública como a Deputación Provincial de Pontevedra, se é o caso, poderán modificar o desenvolvemento normal do curso para adaptalo ás necesidades da Administración e ás continxencias que poidan xurdir.
A Estrada, 29 de outubro de 2007.
Carlos Suárez-Mira Rodríguez
Director xeral da Academia Galega
de Seguridade Pública
Ver referencia pdf "21600D005P017.PDF"
