De conformidade co artigo 18 da Lei 38/2003, do 17 de novembro, xeral de subvencións e co atigo 78 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, os órganos administrativos concedentes publicarán no Diario Oficial de Galicia, e nos termos que se fixen regulamentariamente, as subvencións concedidas con expresión da convocatoria, do programa e do crédito orzamentario a que se imputen, do beneficiario, da cantidade concedida e da finalidade ou as finalidades da subvención.
No artigo 21 do anexo I da Orde do 26 de abril de 2007 pola que se establecen as bases para a concesión, en réxime de concorrencia competitiva, de subvencións encamiñadas ao fomento da seguridade e saúde no ámbito da minaría galega e se procede á súa convocatoria para o ano 2007 (IN303A) (DOG nº 89, do 9 de maio), establécese que no prazo máximo de tres meses contados desde a data de resolución da concesión se publicará no Diario Oficial de Galicia a relación das subvencións concedidas.
En consecuencia, en uso das atribucións que me foron conferidas,
RESOLVO:
Único.-Ordenar a publicación no Diario Oficial de Galicia das axudas concedidas ao abeiro da Orde do 26 de abril de 2007 pola que se establecen as bases para a concesión, en réxime de concorrencia competitiva, de subvencións encamiñadas ao fomento da seguridade e saúde no ámbito da minaría galega, que se relacionan no seguinte anexo «Subvencións concedidas».
Santiago de Compostela, 8 de outubro de 2007.
Fernando Xabier Blanco Álvarez
Conselleiro de Innovación e Industria
Ver referencia pdf "20900D003P007.PDF"