Dentro das actividades programadas para o ano 2007, en colaboración coa Deputación Provincial da Coruña, en virtude do convenio de formación asinado entre a Consellería de Presidencia, Administracións Públicas e Xustiza e a Deputación Provincial da Coruña, anúnciase a realización dun curso sobre técnicas de defensa persoal policial, que deberá desenvolverse conforme as seguintes bases:

Obxectivos.

-Coñecer e dominar as técnicas básicas de defensa persoal policial, que lle permitan ao policía manter un alto nivel de seguridade e autoconfianza nas súas intervencións máis problemáticas.

-Coñecer e practicar novas técnicas de defensa persoal policial, como ferramenta para un axeitado uso da forza no desempeño profesional.

Publicación.

Esta actividade formativa, e tamén todas aquelas que se desenvolvan en colaboración coa Deputación Provincial da Coruña, será obxecto de publicación no Diario Oficial de Galicia e no BOP da Coruña.

Destinatarios.

O curso vai dirixido aos membros dos corpos de Policía local da provincia da Coruña.

Inscrición.

A inscrición dos participantes será totalmente gratuíta.

Prazas.

30 prazas.

Solicitudes.

1. O persoal que desexe participar neste curso deberá presentar, cuberta a máquina ou con letra moi clara, a instancia que figura no anexo.

2. O prazo para a presentación de instancias rematará o día 5 de novembro ás 14.00 horas.

3. As instancias deberán enviarse á Deputación Provincial da Coruña-Servizo de Asistencia a Municipios (fax: 981 18 33 54): avenida Alférez Provisional, s/n, 15006 A Coruña; ou ben poden entregarse en calquera dos lugares previstos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Datas.

O curso desenvolverase durante os días 9, 10, 16 e 17 de novembro de 2007.

O horario será o seguinte: os venres das 17.00 ás 20.30 horas e os sábados das 11.00 ás 14.00 horas e das 17.00 ás 20.30 horas, cunha duración de 20 horas lectivas.

Contido.

-Prácticas básicas de defensa persoal policial.

-Técnicas de agrilloamento e bastón policial.

-Prácticas de técnicas operativas de defensa persoal policial.

-Novas técnicas aplicables á defensa persoal policial.

Relación de admitidos.

A relación de admitidos faraa pública o día 7 de novembro, a partir das 14.00 horas, tanto a Deputación Provincial da Coruña como a Academia Galega de Seguridade Pública; os interesados poden coñecer e confirmar a súa asistencia chamando aos teléfonos 986 59 02 42/43/44 (Agasp) e na páxina web http://agasp.xunta.es, ou 981 18 33 33 (Servizo de Asistencia a Municipios da Deputación Provincial da Coruña).

Lugar.

O curso desenvolverase no Concello de Fene e quedan por concretar o seu lugar de realización, que se comunicará previamente xunto coa lista de admitidos.

Certificado de asistencia.

Ao remate do curso entregaráselles un certificado de asistencia a aquelas persoas que acrediten a súa participación continuada a el.

Modificacións.

Tanto a Academia Galega de Seguridade Pública como a Deputación Provincial da Coruña, se é o caso, poderán modificar o desenvolvemento normal do curso para adaptalo ás necesidades da Administración e ás continxencias que poidan xurdir.

A Estrada, 16 de outubro de 2007.

Carlos Suárez-Mira Rodríguez

Director xeral da Academia Galega de Seguridade Pública

Ver referencia pdf "20600D005P012.PDF"