De conformidade co establecido nos artigos 18 da Lei 38/2003, do 17 de novembro, xeral de subvencións, 78.8º del Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia e, tamén, de conformidade co disposto no artigo 13.4º da Orde do 14 de marzo de 2007, pola que se convoca e regula o réxime de concesión de axudas a empresas que realicen investimentos encamiñados á prevención e redución da contaminación a través de melloras tecnolóxicas aplicadas a procesos, cambios nas materias primas e produtos e á reutilización ou valoración non enerxética, publícase un extracto das resolucións de concesión das axudas concedidas ao abeiro da devandita orde, emitidas por esta dirección xeral.

Finalidade da axuda: todas estas axudas teñen como finalidade fomentar a protección do ambiente, co fin de minimizar a contaminación e reducir o impacto sobre o medio e obter melloras ambientais a través de cambios nos procesos, produtos ou nas materias primas e na súa utilización, reutilización en fábrica dos residuos xerados e cambios tecnolóxicos.

Norma reguladora: Orde do 14 de marzo de 2007 pola que se convoca e regula o réxime de concesión de axudas a empresas que realicen investimentos encamiñados á prevención e redución da contaminación a través de melloras tecnolóxicas aplicadas a procesos, cambios nas materias primas e produtos e á reutilización ou valoración non enerxética (DOG nº 59, de 23 de marzo).

Aplicación orzamentaria: 15.03.541D.770.0.

Crédito orzamentario: 750.000 euros.

Ver referencia pdf "19900D008P022.PDF"