Con motivo da viaxe do presidente da Xunta de Galicia á República Arxentina e á República Oriental de Uruguai é necesario prover a substitución durante o tempo da súa ausencia.

Polo tanto, en uso das atribucións que me confire o artigo 26.7º da Lei 1/1983, do 22 de febreiro, de normas reguladoras da Xunta e da súa Presidencia,

DISPOÑO:

Artigo único.-Durante a ausencia do presidente da Xunta de Galicia, con motivo da súa viaxe á República Arxentina e á República Oriental de Uruguai, encárgaselle o despacho de asuntos da Presidencia, desde o día 5 de outubro ata o seu regreso, ao vicepresidente da Igualdade e do Benestar.

Santiago de Compostela, catro de outubro de dous mil sete.

Emilio Pérez Touriño

Presidente