DOG 192 do 03/10/2007 - DECRETO 185/2007, do 13 de setembro, polo que se acepta a cesión, a título gratuíto, de dúas parcelas no concello de Teo, feita a favor da Comunidade Autónoma de Galicia polo Estado, e destinadas á vixilancia de leitos fluviais.

III. OUTRAS DISPOSICIÓNS

CONSELLERÍA DE ECONOMÍA E FACENDA

DECRETO 185/2007, do 13 de setembro, polo que se acepta a cesión, a título gratuíto, de dúas parcelas no concello de Teo, feita a favor da Comunidade Autónoma de Galicia polo Estado, e destinadas á vixilancia de leitos fluviais.

Con data do 13 de marzo de 2007 acordouse por Orde do Ministerio de Economía e Facenda a cesión de dous inmobles titularidade do Estado á Comunidade Autónoma de Galicia, con destino á vixilancia de leitos fluviais.

A Secretaría Xeral e do Patrimonio tramitou o correspondente expediente de aceptación de cesión, de conformidade co disposto nos artigos 16, 17 e 23 da Lei 3/1985, do 12 de abril, do patrimonio da Comunidade Autónoma de Galicia e 33, 34 e 38 do Decreto 50/1989, do 9 de marzo, polo que se aproba o regulamento para a execución da dita lei.

Na súa virtude, por proposta do conselleiro de Economía e Facenda, logo da deliberación do Consello da Xunta de Galicia, na súa reunión do trece de setembro de dous mil sete,

DISPOÑO:

Artigo 1º.-Acéptase a cesión a título gratuíto e nos termos establecidos no acordo de cesión, feita polo Estado, dos terreos que se describen como segue:

-A parcela 165, polígono 509, lugar Pedragueiras da zona de concentración parcelaria de Reis (Teo) da Coruña, cunha superficie de 3.262 m2.

Figura inscrita no Rexistro da Propiedade de Padrón, no tomo 616, libro 206, folio 65, predio 20.794, inscrición 1ª.

Referencia catastral: 150830000050900165WO.

-A parcela 166, polígono 509, lugar Cortiña da zona de concentración parcelaria de Reis (Teo) da Coruña, cunha superficie de 666 m2.

Figura inscrita no Rexistro da Propiedade de Padrón, no tomo 616, libro 206, folio 66, predio 20.795, inscrición 1ª.

Referencia catastral: 150830000050900166WH.

Artigo 2º.-O destino dos inmobles será a vixilancia de leitos fluviais, materia na que é competente a Consellería de Medio Ambiente.

Artigo 3º.-A Consellería de Economía e Facenda, a través da Secretaría Xeral e do Patrimonio, procederá á formalización da cesión no correspondente documento público.

Disposición derradeira

A Consellería de Economía e Facenda, a través da Secretaría Xeral e do Patrimonio, levará a termo todos os trámites necesarios para a efectividade deste decreto.

Santiago de Compostela, trece de setembro de dous mil sete.

Emilio Pérez Touriño

Presidente

José Ramón Fernández Antonio

Conselleiro de Economía e Facenda