Advertidos erros no texto da devandita orde, publicada no Diario Oficial de Galicia número 93, do martes, 15 de maio de 2007, cómpre facer as oportunas correccións:

-Na páxina 7.950, no artigo 11º engádese o seguinte parágrafo: «4. Os beneficiarios terán ata o 30 de outubro de 2007 para a presentación da conta xustificativa correspondente aos investimentos executados na anualidade de 2007, que conterá:

a) Relación numerada e ordenada por capítulos de gastos que inclúan o número de documento, identificación do acredor, o importe e a data de emisión, a suma parcial (folla por folla) e a suma do total da relación de gastos, excluído o IVE.

b) Facturas ou documentos, orixinais ou compulsados, de valor probatorio equivalente no tráfico xurídico mercantil e con eficacia administrativa, incorporados na mesma orde que na relación a que se fai referencia no parágrafo anterior».

-Na páxina 7.951, no artigo 13º, o primeiro parágrafo, onde di: «antes do 30 de outubro de 2007», debe dicir: «antes do 30 de outubro de 2008».