Visto o escrito presentado con data do 10 de xullo de 2007 por Carlos Suárez-Mira Rodríguez, actuando en representación da Academia Galega de Seguridade Pública, con domicilio para os efectos de notificacións na avenida da Cultura s/n (A Estrada), e tendo en conta os seguintes

Feitos:

Primeiro.-Con data do10 de xullo de 2007, a Academia Galega de Seguridade Pública solicitou da Fundación Pública Urxencias Sanitarias de Galicia-061, entidade acreditada como entidade de formación de persoal non médico para o manexo de desfibriladores, a impartición de dous cursos dirixidos aos voluntarios de Protección Civil de Galicia.

Segundo.-Segundo a programación presentada, os cursos que se van realizar son os seguintes:

Mes: outubro.

Datas: 15, 18, 22 e 23.

Horario: das 9.30 ás 14.00 horas. Das 16.00 ás 19.30 horas.

Lugar: Sede da Academia Galega de Seguridade Pública (A Estrada).

Terceiro.-De conformidade coa solicitude presentada, a composición do tribunal encargado de realizar as probas será a seguinte:

Instrutores: Francisco de Prada Creo e Rosario García Rúa.

Fundamentos de dereito:

Primeiro.-De conformidade co previsto no artigo 13.3º do Decreto 99/2005, do 21 de abril, polo que se regula a formación e o uso de desfibriladores externos por persoal non médico, a Secretaría Xeral da Consellería de Sanidade é o órgano competente para a convocatoria das probas de avaliación para a obtención do certificado individual correspondente.

Segundo.-A solicitude presentada reúne os requisitos mínimos exixidos no devandito artigo 13.3º do Decreto 99/2005, do 21 de abril, consistentes na determinación da entidade encargada da organización e o desenvolvemento das probas, a composición dos tribunais encargados de realizalas e o lugar, data e hora de realización.

Por canto antecede,

RESOLVO:

Convocar as probas de avaliación correspondentes á programación presentada pola Academia Galega de Seguridade Pública para os participantes que as superen, e que terán lugar nas datas, horas e lugares determinados na solicitude presentada.

Para a expedición dos certificados individuais, observarase o previsto no artigo 14 do Decreto 99/2005, do 21 de abril, polo que se regula a formación e o uso de desfibriladores externos por persoal non médico.

Contra esta resolución, que non pon fin á vía administrativa, a entidade interesada poderá interpoñer recurso de alzada ante a conselleira de Sanidade no prazo dun mes, de conformidade co previsto nos artigos 114 e 115 da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 19 de xullo de 2007.

P.A. (Resolución 11-7-2007)

Germán González Pazó

Director xeral de Aseguramento e Planificación Sanitaria