A Orde do 30 de xullo de 1997, conxunta das consellerías de Agricultura, Gandería e Montes e de Sanidade e Servizos Sociais, pola que se establece na Comunidade Autónoma de Galicia a normativa reguladora para a homologación de cursos de capacitación para realizar tratamentos con praguicidas, así como para a obtención do carné de manipuladores destes produtos, establece no seu artigo 8.6º que os ministerios de Agricultura, Pesca e Alimentación e de Sanidade e Consumo lles comunicarán, aos organismos responsables na comunidade autónoma a homologación destes cursos, e no seu artigo 9 a obrigatoriedade de que o organismo oficial responsable publique no Diario Oficial de Galicia a información correspondente a cada curso que se vai a realizar.
En consecuencia, anúnciase a realización dun curso de aplicadores/manipuladores de praguicidas de uso ambiental e uso na industria alimentaria, nivel cualificado, homologado polas direccións xerais de Saúde Pública do Ministerio de Sanidade e Consumo e de Agricultura do Ministerio de Agricultura, Pesca e Alimentación, solicitados polo Centro de Estudios Cacumen, de acordo coas seguintes bases:
1. Denominación do curso: curso de manipulador de praguicidas de uso ambiental e uso na industria alimentaria, nivel cualificado.
2. Entidade organizadora: Centro de Estudos Cacumen.
3. Data: do 19 de outubro ao 24 de novembro de 2007.
4. Duración: 60 horas (avaliación 1 hora).
5. Lugar de realización: Centro de Estudos Cacumen. R/ Concepción Areal, 18-1º. 27004 Lugo.
6. Número de prazas: máximo 18 alumnos.
7. Dirixido a responsables técnicos de establecementos e servizos praguicidas.
8. Criterios de selección: por rigorosa orde de recepción de solicitude de inscrición.
9. Presentación de solicitudes: segundo modelo do anexo I.
10. Data límite para a presentación de solicitudes: ata o 10 de outubro do 2007.
11. Programa:
Ver referencia pdf "16200D006P013.PDF"
12. Certificado de superación do curso.
É obrigatoria a asistencia a todas as sesións do curso. Finalizado este, a entidade organizadora realizará as probas pertinentes que avalíen os coñecementos adquiridos polos alumnos e en caso de superalas expedirá o certificado correspondente, co que poderá solicitarlle á Dirección Xeral de Saúde Pública da Consellería de Sanidade o carné de aplicador/manipulador de praguicidas de uso ambiental e na industria alimentaria, nivel cualificado.
Santiago de Compostela, 19 de xullo de 2007.
Ramón Medina González-Redondo
Director xral de Saúde Pública
Anexo I
Ficha de solicitude de inscrición
Curso para manipuladores de praguicidas de uso ambiental e uso na industria alimentaria, nivel cualificado.
Entidade organizadora: Centro de Estudios Cacumen.
Data: do 19 de outubro ao 24 de novembro de 2007.
Lugar de realización: Centro de Estudios Cacumen.
R/ Concepción Areal, 18-1º. 27004 Lugo.
Duración: 60 horas teórico/prácticas e 1 hora proba de avaliación.
Nº máximo de alumnos: 18.
Horario: das 10.00 ás 14.00 horas e das 16.00 ás 20.00 horas.
Prezo: 350 pagados mediante xustificante de ingreso (Banesto nº de conta 0030-6046-41-0387862273).
Inscrición: enviar ficha de solicitude a Cacumen, r/ Concepción Areal, 18-1º. 27004 Lugo, xunto co xustificante de pagamento, antes do 10 de outubro de 2007. As inscricións realizaranse por rigorosa orde de chegada.
Teléfono: 982 24 39 44. Telefax: 982 28 41 61.
E-mail: cacumen@cacumenlugo.com
Apelidos: ...
Nome: ...
NIF: ...
Enderezo:
Localidade:
Teléfono:
Telefax:
