O Consello de Dirección do Instituto Galego de Promoción Económica na súa xuntanza, que tivo lugar o día 1 de febreiro de 2007, acordou por unanimidade dos membros asistentes a aprobación das bases reguladoras dos incentivos económicos deste instituto, publicadas mediante Resolución do 9 de marzo de 2007 (DOG nº 59, do 23 de marzo), as cales se dividen en tres:

-Base reguladora dos incentivos a proxectos de investimento empresarial.

-Base reguladora das axudas a iniciativas xeradoras de coñecemento nas Pemes.

-Base reguladora das axudas a proxectos colaborativos de carácter empresarial.

E compleméntanse coas bases reguladoras da tramitación dos procedementos.

Mediante Resolución do 10 de abril de 2007 procedeuse á convocatoria de determinadas liñas de axuda e á publicación dos créditos asignados a cada unha delas (DOG nº 74, do 17 de abril).

Tendo en conta o volume de solicitudes recibidas, semella oportuno incrementar o importe aprobado para proxectos de deseño da base reguladora das axudas para o fomento das iniciativas xeradoras de coñecemento nas Pemes galegas.

Na súa virtude e de conformidade coas facultades que teño conferidas,

RESOLVO:

Único.-Amplíase en 315.000 € o crédito para o exercicio 2007 establecido na partida E4/10/02-656 para proxectos de deseño presentados ao abeiro da base reguladora das axudas para o fomento das iniciativas xeradoras de coñecemento nas Pemes galegas (procedemento IG109-artigo 5), resultando un total de crédito dispoñible de 515.000 €.

Santiago de Compostela, 2 de agosto de 2007.

Álvaro Álvarez-Blázquez Fernández

Director xeral do Instituto Galego de Promoción Económica