DOG 149 do 02/08/2007 - ORDE do 27 de xullo de 2007 pola que se fai pública a ampliación dos importes existentes para a concesión das axudas previstas nas ordes do 31 de xaneiro de 2007 pola que se establecen as bases que regulan, para o exercicio do ano 2007, as axudas e subvencións para o fomento do emprego a través dos programas de cooperación, no ámbito de colaboración coas entidades locais e cos órganos e organismos das administracións públicas distintas da local, universidades e entidades sen ánimo de lucro, e se procede á súa convocatoria, e do 16 de febreiro de 2007, pola que se establecen as bases reguladoras das axudas e subvencións para os programas de escolas obradoiro e casas de oficios, de obradoiros de emprego e de unidades de promoción e desenvolvemento no ámbito da Comunidade Autónoma de Galicia e se procede á súa convocatoria para o ano 2007.

III. OUTRAS DISPOSICIÓNS

CONSELLERÍA DE TRABALLO

ORDE do 27 de xullo de 2007 pola que se fai pública a ampliación dos importes existentes para a concesión das axudas previstas nas ordes do 31 de xaneiro de 2007 pola que se establecen as bases que regulan, para o exercicio do ano 2007, as axudas e subvencións para o fomento do emprego a través dos programas de cooperación, no ámbito de colaboración coas entidades locais e cos órganos e organismos das administracións públicas distintas da local, universidades e entidades sen ánimo de lucro, e se procede á súa convocatoria, e do 16 de febreiro de 2007, pola que se establecen as bases reguladoras das axudas e subvencións para os programas de escolas obradoiro e casas de oficios, de obradoiros de emprego e de unidades de promoción e desenvolvemento no ámbito da Comunidade Autónoma de Galicia e se procede á súa convocatoria para o ano 2007.

As ordes do 31 de xaneiro de 2007 (DOG nº 40, do 26 de febreiro) e do 16 de febreiro de 2007 (DOG nº 47, do 7 de marzo) establecen que os créditos que financian as axudas previstas nelas poderán ser obxecto de modificacións como consecuencia da asignación ou da redistribución de fondos para o financiamento dos programas de fomento do emprego, coas limitacións que establezan a Conferencia Sectorial de Asuntos Laborais ou as disposicións aplicables ás axudas cofinanciadas polo Fondo Social Europeo.

En consecuencia, como existen outras dotacións que poden ser utilizadas para os mesmos fins, procedentes de incorporacións e xeración de fondos finalistas, cómpre ampliar o importe dos créditos destinados ás axudas que poderán ser concedidas ao abeiro das referidas ordes do 31 de xaneiro e do 16 de febreiro de 2007, coa finalidade de facer chegar estas ao maior número de beneficiarios posibles.

Por todo o exposto e no uso das facultades que me foron conferidas,

DISPOÑO:

Artigo 1º.-Orde do 31 de xaneiro de 2007 pola que se establecen as bases que regulan, para o exercicio do ano 2007, as axudas e subvencións para o fomento do emprego a través dos programas de cooperación, no ámbito de colaboración coas entidades locais e cos órganos e organismos das administracións públicas distintas da local, universidades e entidades sen ánimo de lucro, e se procede á súa convocatoria.

1. Amplíase o importe total das axudas que se van conceder ao abeiro do capítulo segundo (programas de cooperación con entidades locais) sección I (das subvencións para a contratación de traballadores e traballadoras desempregados/as para a realización de obras ou servizos de interese xeral e social), na seguinte contía e aplicación orzamentarias, que figuran dotadas nos orzamentos xerais da Comunidade Autónoma de Galicia para o ano 2007:

16.02.322A.460.0: polo importe de 11.105.696,71 no código proxecto 2007 00 667 e 451.474,29 no código de proxecto 2002 14 465.

2. Amplíase o importe total das axudas que se van conceder ao abeiro do capítulo terceiro (programas de cooperación con administracións públicas distintas da local, universidades e entidades sen ánimo de lucro) sección I (das subvencións para a contratación de traballadores e traballadoras desempregados/as para a realización de obras ou servizos de interese xeral e social), nas seguintes contías e aplicacións orzamentarias, que figuran dotadas nos orzamentos xerais da Comunidade Autónoma de Galicia para o ano 2007:

16.02.322A.400.0: polo importe de 76.038,12 no código de proxecto 2007 00 667 e 59.924,80 no código de proxecto 2002 14 465.

16.02.322A.402.0: polo importe de 26.375,90 código de proxecto 2007 00 667.

16.02.322A.441.0: polo importe de 51.923,16 código de proxecto 2007 00 667.

16.02.322A.442.0: polo importe de 104.506,48 código de proxecto 2007 00 667.

16.02.322A.443.0: polo importe de 766.064,76 código de proxecto 2007 00 667.

16.02.322A.445.0: polo importe de 206.220,68 código de proxecto 2007 00 667.

16.02.322A.481.1: polo importe de 7.574.297,96 código de proxecto 2007 00 667.

Artigo 2º.-Orde do 16 de febreiro de 2007 pola que se establecen as bases reguladoras das axudas e subvencións para os programas de escolas obradoiro e casas de oficios, de obradoiros de emprego e de unidades de promoción e desenvolvemento no ámbito da Comunidade Autónoma de Galicia e se procede á súa convocatoria para o ano 2007.

Amplíase o importe total das axudas que se van conceder ao abeiro desta orde para a posta en funcionamento de proxectos de escolas obradoiro, casas de oficios, obradoiros de emprego e unidades de promoción e desenvolvemento, na seguinte contía e aplicación orzamentarias, que figuran dotadas nos orzamentos xerais da Comunidade Autónoma de Galicia para o ano 2007:

16.02.322A.460.2: polo importe de 4.175.847,80 no código proxecto 2001 14 440.

Artigo 3º.-Esta modificación non afecta o prazo establecido nas referidas ordes para a presentación de solicitudes.

Santiago de Compostela, 27 de xullo de 2007.

Ricardo Jacinto Varela Sánchez

Conselleiro de Traballo