O Decreto 118/2007, do 7 de xuño, publicado no Diario Oficial de Galicia nº 119, do 21 de xuño de 2007, crea un colexio de educación infantil e primaria na Valenzá, concello de Barbadás (Ourense). O Decreto 140/2007, do 28 de xuño, publicado no Diario Oficial de Galicia nº 140, do 19 de xullo de 2007, crea un colexio de educación infantil e primaria en Ortoño e unha escola infantil en Biduído, ambos os centros no concello de Ames (A Coruña).
En consecuencia, esta consellería, de conformidade co establecido no artigo 1 do Decreto 585/2005, do 29 de decembro, publicado no Diario Oficial de Galicia nº 5, do 9 de xaneiro de 2006, polo que se establece a estrutura orgánica da Consellería de Educación e Ordenación Universitaria, e por proposta da Dirección Xeral de Ordenación e Innovación Educativa,
DISPÓN:
Primeiro.-Autorizar a entrada en funcionamento da escola infantil e dos colexios de educación infantil e primaria que se relacionan no anexo da presente orde.
Segundo.-Autorizar a Dirección Xeral de Ordenación e Innovación Educativa para adoptar as medidas precisas para a execución desta orde.
Santiago de Compostela, 20 de xullo de 2007.
Laura Sánchez Piñón
Conselleira de Educación e Ordenación Universitaria
ANEXO
Provincia: A Coruña.
Concello: Ames.
Localidade: Biduído.
Centro: escola de educación infantil Milladoiro.
Código: 15032649.
Enderezo: rúa Milladoiro.
Unidades: 12 unidades de educación infantil.
Provincia: A Coruña.
Concello: Ames.
Localidade: Ortoño.
Centro: colexio de educación infantil e primaria Agro do Muíño.
Código: 15032625.
Enderezo: Lugar de Ortoño.
Unidades: 18 unidades (6 de educación infantil e 12 de educación primaria).
Provincia: Ourense.
Concello: Barbadás.
Localidade: A Valenzá.
Centro: colexio de educación infantil e primaria da Valenzá.
Código: 32020781.
Enderezo: Lugar das Lamas-O Rexidoiro.
Unidades: 18 unidades (6 de educación infantil e 12 de educación primaria).