Por Resolución do 15 de decembro de 2006 (Diario Oficial de Galicia nº 17, do 24 de xaneiro de 2007), o Consello Galego de Cooperativas fixo públicas as bases do certame cooperativismo no ensino, dirixido aos centros educativos de Galicia. No anexo I establecéronse as modalidades de debuxo, pintura e/ou vídeo e de actividades cooperativizadas, dirixidas os centros educativos de educación infantil, primaria e secundaria obrigatoria. No anexo II estableceuse a modalidade de proxectos empresariais cooperativos dirixida a centros de formación profesional.

Nas bases reguladoras destes premios establecíase que os traballos participantes neste concurso serían examinados e valorados por un xurado e que a concesión destes se publicaría no Diario Oficial de Galicia.

Os xurados dos premios, na súa reunión do día 12 de xuño de 2007, resolveron a concesión destes.

Polo que antecede e no uso das atribucións que teño conferidas pola Lei 5/1998, do 18 de decembro, de cooperativas de Galicia e polo Decreto 25/2001, do 18 de xaneiro, polo que se regula a organización e o funcionamento do Consello Galego de Cooperativas,

DISPOÑO:

Primeiro.-A publicación da resolución dos premios acordados polos xurados, en cada unha das modalidades dos anexos I e II.

Segundo.-A entrega dos premios terá lugar o día 7 de xullo de 2007 nos actos públicos previstos con motivo da conmemoración do día do cooperativismo que se celebrarán nas instalacións de Luis Vives Orense, S. Coop. Galega no concello de Ourense.

Santiago de Compostela, 13 de xuño de 2007.

Ricardo Jacinto Varela Sánchez

Presidente do Consello Galego de Cooperativas

ANEXO I

Certame cooperativismo no ensino dirixido a centros educativos de educación infantil, primaria e secundaria obrigatoria.

1. Modalidade de debuxo, pintura e/ou vídeo:

Categoría A: 1º premio: alumnos/as de 1º e 2º curso do 2º ciclo de educación infantil «Mil cores mil ideas», C.P.R. Luis Vives-Barbadás (Ourense).

1º accésit: alumnos de 2 ciclo de educación infantil. «O noso pobo», C.E.I.P. Domaio-Moaña (Pontevedra).

Categoría B: 1º premio: alumnos/as de 1º e 2ª de educación primaria, «A montaña de area» Colexio Guillelme Brown-Pereiro de Aguiar (Ourense).

1º accésit: alumnos/as de 1º de educación primaria,

«Maqueta en papel do pobo de Sobrado». C.E I..P. Virxe do Portal-Sobrado (A Coruña).

Categoría C: 1º premio: alumnos de 4º de educación primaria.

Daniel Álvarez Vázquez, Sara Bugallo Casas, Ándres Carleta, Noelia Fiuza Loureiro, «Puzzle sobre a alimentación de froitas e hortalizas», C.E.I.P. Marcos da Portela-Monte Porreiro (Pontevedra).

1º accésit: alumnos de 3º de educación primaria

«Proxecto de realización colectiva dun proceso de producción audiovisual-videos para a festa do nadal»

Centro concertado Andaina-Culleredo (A Coruña).

Categoría D: 1º premio: Alumnos de 5º e 6º de educación primaria, «Xardín botánico do C.E.I.P. Domaio, cooperamos tod@s», C.E.I.P. Domaio-Moaña (Pontevedra).

1º accésit: alumnos de 6º A de educación primaria. «Traballando e cooperando, iralo logrando», C.P.R. Luis Vives-Barbadás (Ourense).

2. Modalidade de actividades cooperativizadas:

Categoría E: 1º premio: alumnos do 1º ciclo da ESO

«Elaboración e degustación de sobremesas (Certame e publicación das receitas)», I.E.S. Xesús Taboada Chivite-Verín (Ourense).

Categoría F: 1º premio: alumnos de 3º e 4º do 2º ciclo da ESO. «A seguridade en internet. uso responsable (campaña informativa)», C.P.I. Luis Díaz Moreno-Barralla (Lugo).

ANEXO II

Certame cooperativismo no ensino dirixido a centros de formación profesional

1. Modalidade de proxectos empresariais cooperativos:

Premio ao mellor proxecto empresarial cooperativo:

«Fraguarte S. coop. Galega».

E.A.S.D. Mestre Mateo-Santiago de Compostela (A Coruña).

Accésit aos dous proxectos empresariais finalistas:

«Terra viva cooperativa restaurante ecolóxico».

I.E.S. Macías O Namorado-Padrón (A Coruña).

«Albergue Vagalume Sociedade Cooperativa Galega».

I.E.S. Leliadoura-Ribeira (A Coruña).