Por Orde do 4 de agosto de 2006, Diario Oficial de Galicia do 11, publícase a relación de todos os centros docentes privados de educación primaria, educación secundaria obrigatoria, educación especial, programas de garantía social, ciclos formativos de grao medio e ciclos formativos de grao superior, acollidos ao réxime de concertos educativos.

Vistos a Lei 30/1992, do 26 de novembro, de réxime xurídico das administracións públicas e do procedemento administrativo común, o Real decreto 2377/1985, do 18 de decembro, polo que se aproba o regulamento de normas básicas sobre concertos educativos, e a Orde do 10 de xaneiro de 2005, pola que se ditan normas para a aplicación do réxime de concertos educativos a partir do curso académico 2005-2006.

Tendo en conta o disposto no artigo 46 do antedito regulamento, aprobado polo Real decreto 2377/1985, sobre as causas que darán lugar á modificación do concerto educativo, así mesmo, o previsto na disposición vixésima da citada orde.

Esta consellería, por proposta da Dirección Xeral de Ordenación e Innovación Educativa,

DISPÓN:

Primeiro.-Modificar o concerto educativo referido ao centro docente privado que se relaciona no anexo desta orde.

Segundo.-A addenda ao documento administrativo de formalización de concerto educativo será asinada pola conselleira de Educación e Ordenación Universitaria e polo titular do centro privado ou persoa con representación debidamente acreditada.

Se o titular do centro privado non subscribise a addenda ao documento de formalización na data que se lle notifique, entenderase decaído no seu dereito.

Contra esta disposición, que esgota a vía administrativa, os interesados poderán interpoñer recurso potestativo de reposición perante a conselleira de Educación e Ordenación Universitaria, no prazo dun mes, a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia, de conformidade coa Lei 29/1998, reguladora da xurisdición contencioso-administrativa.

Santiago de Compostela, 8 de xullo de 2007.

Laura Sánchez Piñón

Conselleira de Educación e Ordenación Universitaria

ANEXO

Provincia: Lugo.

Concello: Sober.

Localidade: Rosende.

Centro: Belarmino Fernández Iglesias.

Código do centro: 27011718.

Diminúese 1 unidade do ciclo formativo de grao medio Servizos de restaurante e bar, con efectos económico-administrativos do 1 de outubro de 2006.

Composición resultante do concerto educativo:

Nivel: formación profesional.

-Ciclos formativos de grao medio-

1 unidade de 1º curso de cociña.

1 unidade de 2º curso de cociña.

Duración (anos): 2.