O Real decreto 389/1992, do 15 de abril, BOE do 28; establece que poderán cursarse en escolas específicas estudos de música ou danza que, en ningún caso, poderán conducir á obtención de títulos con validez académica ou profesional. Así mesmo, a Orde do 11 de marzo de 1993, Diario Oficial de Galicia do 22 de abril, regula as condicións de creación e funcionamento destas escolas na Comunidade Autónoma de Galicia.
Por outro lado, o Decreto 585/2005, do 29 de decembro, Diario Oficial de Galicia do 9 de xaneiro de 2006, establece no seu artigo 1 que lle corresponden á Consellería de Educación e Ordenación Universitaria as competencias e funcións en materia de planificación, regulación e administración do ensino en toda a súa extensión.
O Concello da Pontenova (Lugo), solicita a inclusión da escola de música municipal da Pontenova no Rexistro de Escolas de Música e Danza da Comunidade Autónoma de Galicia.
A Delegación Provincial de Lugo informa do cumprimento efectivo dos requisitos que establece a Orde do 11 de marzo de 1993.
Cumpridos todos os trámites regulamentarios e tendo en conta o anteriormente exposto, esta consellería, por proposta da Dirección Xeral de Ordenación e Innovación Educativa,
DISPÓN:
Primeiro.-Autorizar a inclusión no Rexistro de Escolas de Música e Danza da Comunidade Autónoma de Galicia da escola de música municipal da Pontenova (Lugo), segundo o establecido na Orde do 11 de marzo de 1993.
Segundo.-Esta escola queda sometida ao réxime de escolas de música e danza, segundo o establecido na Orde do 11 de marzo de 1993 e aos servizos de inspección correspondentes.
Terceiro.-A Delegación Provincial de Lugo, logo do informe da Inspección Educativa, aprobará expresamente a relación de profesorado que imparta docencia na escola de música.
Cuarto.-O centro deberá solicitar a oportuna revisión da inscrición cando teña que modificarse calquera dos datos sinalados no anexo desta orde.
Esta orde, que esgota a vía administrativa, poderá ser obxecto de recurso potestativo de reposición perante a conselleira de Educación e Ordenación Universitaria, no prazo dun mes, contado a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 30/1992, do 26 de novembro, modificada pola Lei 4/1999 (BOE do 14 de xaneiro), de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses contados a partir do día seguinte ao da súa publicación, ante o Tribunal Superior de Xustiza de Galicia, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa (BOE do 14 de xullo).
Disposición derradeira.
Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 11 de xuño de 2007.
Laura Sánchez Piñón
Conselleira de Educación e Ordenación Universitaria
ANEXO
Provincia: Lugo.
Concello: A Pontenova.
Localidade: A Pontenova.
Enderezo: r/ Estación, s/n.
Código do centro: 27020835.
Titular: Concello da Pontenova.
Denominación: escola de música municipal da Pontenova.
