En atención aos méritos que concorren en Isaac Díaz Pardo, e ao abeiro do disposto no artigo 4 do Decreto 1/1991, do 11 de xaneiro, polo que se regula a concesión da Medalla de Ouro de Galicia, modificado polo Decreto 215/2003, do 3 de abril, é vontade do Goberno galego outorgarlle a súa máis alta distinción.
Polo tanto, por proposta do conselleiro de Presidencia, Administracións Públicas e Xustiza e logo do acordo do Consello da Xunta de Galicia, na súa reunión do día cinco de xullo de dous mil sete,
DISPOÑO:
Concederlle a Medalla de Ouro de Galicia a Isaac Díaz Pardo.
Santiago de Compostela, cinco de xullo de dous mil sete.
Emilio Pérez Touriño
Presidente
José Luis Méndez Romeu
Conselleiro de Presidencia, Administracións
Públicas e Xustiza