A Orde do 23 de abril de 2007 (DOG nº 84, do 2 de maio) pola que se establece o procedemento e os requisitos para alcanzar os acordos sobre a taxa de estabilidade en sectores de actividade, establece no artigo 3 os sectores produtivos que poderán ser obxecto de acordo sobre a taxa sectorial de estabilidade, para os efectos de determinar as taxas de estabilidade inicial e mínima destes sectores para poder acceder aos incentivos establecidos na orde da Consellería de Traballo que regula o programa de incentivos aos plans empresariais de estabilidade no emprego, dispoñendo no artigo 6 que os citados acordos serán obxecto de publicación no Diario Oficial de Galicia.

Consonte o anterior, a Dirección Xeral de Promoción do Emprego

ACORDA:

Publicar a taxa de estabilidade inicial do sector e a taxa de estabilidade mínima que deberán alcanzar as empresas do sector coas contratacións que se realicen no período outubro 2006 a setembro 2007, establecidas nos acordos recollidos nas actas: acta 1/07, do 25 de maio, para o sector de sanidade privada de Ourense, acta 1/07, do 12 de xuño, para o sector de panadarías de Pontevedra, acta 1/07, do 14 de xuño, para o sector de pompas fúnebres de Galicia, acta 1/07, do 18 de xuño, para o sector do metal da Coruña, e acta 1/07, do 19 de xuño, para o sector do metal de Lugo, que constan en poder do Consello Galego de Relacións Laborais e que son as seguintes:

Santiago de Compostela, 25 de xuño de 2007.

P.A. (Orde 7-9-2006)

José Vázquez Portomeñe

Secretario xeral da Consellería de Traballo

Visto e prace

Ricardo Jacinto Varela Sánchez

Conselleiro de Traballo